adverise with khmeread Index

ចោរ២នាក់ ឆក់យកកាបូបពីនារីម្នាក់រត់គេចត្រូវអាវុធហត្ថ ដេញយកកាបូបបានមកវិញនិងម៉ូតូ១គ្រឿង

     ភ្នំពេញ ៖ បុរស​ម្នាក់​ជិះ​ម៉ូតូ​ស្កុប​ពី​ឌុប​នារី​ម្នាក់ ជិះ​តាម​ផ្លូវត្រូវ​ជនសង្ស័យ​២​នាក់​ធ្វើ​សកម្មភាព ឆក់​កាបូប​ពី​នារី​ដែល​ជិះ​ក្រោយ​បណ្តាល​ឲ្យ​ដួល​របួស​មុខ ហើយ​បាន​ស្រែកថា​"​ចោរៗ​"​ផ្អើល​ដល់ អាវុធហត្ថ​ខណ្ឌ​សែន​សុខ​ល្បាត​ដេញ​យក​កាបូប​បាន​វិញ​រួម​នឹង​ម៉ូតូ​របស់​ជនសង្ស័យ​ជិះ​ធ្វើ​សកម្មភាព​។​
    អំពើ​ឆក់​កាបូប​តាមផ្លូវ​សាធារណ​:​ខាងលើនេះ​បង្ក​ឲ្យ​ភ្ញាក់ផ្អើល​កាលពី​វេលា​ម៉ោង ១០​និង​២០​នាទី​យប់​ថ្ងៃទី ៣០ ខែធ្នូ ២០១៥ នៅតាម​បណ្តោយ​ផ្លូវ ១០០១ ស្ថិតក្នុង​សង្កាត់​ភ្នំពេញ​ថ្មី ខណ្ឌ​សែន​សុខ ។​
    មន្ត្រី​អាវុធហត្ថ​បាន​ឲ្យ​ដឹងថា នារី​រងគ្រោះ​ឈ្មោះ លីន អាយុ​២២​ឆ្នាំ​ ស្នាក់នៅ​ម្ដុំ​ផ្សារ​ហេង​លី ខណ្ឌទួលគោក និង​បងប្រុស​ឈ្មោះ​សាន ផល្លី ២២​ឆ្នាំ​ជិះ​ម៉ូតូ​ស្កុប​ពី​ពណ៌​ស​១​គ្រឿង ពាក់​ស្លាក​លេខ​ភ្នំពេញ​1CA-9376​ឌុប​គ្នា​។​
    នារី​រងគ្រោះ បាន​រៀបរាប់​ប្រាប់​ឲ្យ​ដឹងថា ដំបូង​នាង​បាន​ជិះ​ម៉ូតូ​ហុងដា​ម៉ាក​ស្កុប​ពី ជាមួយ​បងប្រុស​តាមផ្លូវ​១០០១ ពីសា​លា​អាយ​យូ​ទិសដៅ​ពី​ត្បូង​ទៅ​ជើង ។​លុះ​ជិះ​មក​ជិត​ភោជនីយដ្ឋាន អេ​វ័ន ក៏មាន​ជន​ស​ង្ស័​២​នាក់​ជិះ​ម៉ូតូ ម៉ាក Let ព​ណ៍ស លាយ​ខ្មៅ ពាក់​ស្លាក​ចាប់​វី​ស ភ្នំពេញ​លេខ​FJ-2397 មកពី​ក្រោយ​ធ្វើ​សកម្មភាព​ឆក់យក​កាបូប​ពី​នាង​បណ្តាល​ឲ្យ​ដួល​ទៅ​ថ្នល់ រងរបួស​មុខ​ខាងស្តាំ ។​
    ភ្លាមនោះ ជនរងគ្រោះ​បាន​ប្រញាប់ប្រញាល់​ឡើង​ជិះ​ម៉ូតូ​វិញ​ភ្លាម ហើយ​បាន​ដេញ​ពីក្រោយ​ដោយ​ស្រែកថា "​ចោរៗ "​បង្ក​ឲ្យ​មានការ​ភ្ញាក់ផ្អើល​ដល់ក​ម្លាំ​ង អាវុធហត្ថ​ខណ្ឌ​សែន​សុខ ដែល​កំពុង​ល្បាត​ការពារ​ក្នុង​មូល​ដ្ធា​ន ក៏​ជិះ​ម៉ូតូ​ដេញតាម​រហូតដល់​ផ្លូវកែង​ចូល បុរី​ភ្នំពេញ​ថ្មី​។​
     ជនសង្ស័យ​បាន​បត់​ម៉ូតូ​បណ្តាល​ឲ្យ​ដួល ហើយ​ជនសង្ស័យ​ទាំង​២​នាក់​បាន​រត់​បាត់​ដោយ​ទុកចោល​ម៉ូតូ​និង​កាបូប​របស់​នារី​រងគ្រោះ​នៅ​កន្លែង​ដែល​ដួល​នោះ​តែម្តង ។​
    អ្វីដែល​គួរ​ឲ្យ​អស់សំណើច​នោះ គឺ​ប៉ូលិស​ខណ្ឌ ដែល​មិនបាន​ដេញចោរ​សោះ​ហើយ​ថែមទាំង​មក​ក្រោយ អាវុធហត្ថ ទៀត​នោះ បែរជា មក​ដណ្តើមយក​ម៉ូតូ​របស់​ជនសង្ស័យ​ដែល កម្លាំង អាវុធហត្ថ ខំ​ជិះ​ដេញ​បាន​ឯណោះ​ទោ​វិញ​។​
   ក្រោយពេល​កើតហេតុ កម្លាំង អាវុធហត្ថ​បាន បង្កើន​កម្លាំង​តាម​រុករ​កជាង​២​ម៉ោង នៅ​ភូមិសាស្ត្រ​ក្បែរ​នោះ​។​
    ប៉ុន្តែ ដោយ​ភូមិសាស្ត្រ​នៅ​ទីនោះ ងងឹត​សម្បូរ​ទៅដោយ​ដីឡូត៍ និង​ព្រៃ​ច្រើន​ពិបាក​ក្នុងការ​រុករក ទើប​កម្លាំង​ផ្អាក និង​បាន​នាំ​ជនរងគ្រោះ​ទៅ​ដាក់​ពាក្យបណ្តឹង​នៅ​ទីបញ្ជាការ​ដ្ធា​ន អាវុធហត្ថ​ខណ្ឌ​សែន​សុខ ដើម្បី​កំណត់​មុខសញ្ញា​ជនសង្ស័យ​៕

adverise with khmeread

មតិយោបល់