adverise with khmeread 99ee9ae5 b05a 474f b9d0 e6f7f77694b3

ឃាត់ខ្លួន​ជនសង្ស័យ​ម្នាក់​ជាមួយ​ថ្នាំញៀន​៥​កញ្ចប់​

    កណ្តាល ៖ ជនសង្ស័យ​ម្នាក់​ត្រូវបាន​កម្លាំង​អាវុ​ធ​ហត្ថ​បញ្ជូនទៅ​តុលា​ការ​នា​ថ្ងៃនេះ​បន្ទាប់ពី​កម្លាំង​អាវុធហត្ថ​ស្រុក​កៀនស្វាយ បានធ្វើការ​ឃាត់ខ្លួន​ជនសង្ស័យ​ម្នាក់ ពាក់ព័ន្ធ​ករណី​រក្សាទុក និង​ចែកចាយ​នូវ​សារធាតុ​ញៀន​ចំនួន​០១​លើក ស្ថិតនៅ​ចំណុច នៅ​ភូមិ​ជ្រោយ​ដង​២ ឃុំ​សំរោង​ធំ ស្រុក​កៀនស្វាយ នៅវេលា​ម៉ោង​០៩ និង​៥០​នាទី ថ្ងៃទី​១៦ ខែ​កក្ត​ដា ឆ្នាំ​២០១៦។​

    មន្ត្រី​អាវុធហត្ថ បានឱ្យដឹងថា ការចាប់ខ្លួន​ស្របពេល​កម្លាំង​ល្បាត ប្រទះឃើញ​ជន​សង្ស័យ​កំពុង​ដើរចេញ​ពី​ផ្ទះ ហើយ​ពេល​ជនសង្ស័យ​ឃើញ​កម្លាំង​អាវុធហត្ថ ជនសង្ស័យ​ក៏បាន​រត់​ហើយ​គ្រវែង​កញ្ចប់​ថ្នាំ​ចោល​នៅលើ​ផ្លូវ ទើប​ធ្វើឱ្យ​កម្លាំង​ឃាត់ខ្លួន​ភ្លាមៗ​។​

    មន្ត្រី​អាវុធហត្ថ បានឱ្យដឹងថា ជនសង្ស័យ​ដែល​ត្រូវ​ចាប់ខ្លួន​មានឈ្មោះ ប៉េង ពិសិដ្ឋ ភេទ​ប្រុស អាយុ​៣២​ឆ្នាំ ជនជាតិខ្មែរ មុខរបរ​មិន​ពិតប្រាកដ ទីលំនៅ​ភូមិ​ឃុំ​កើតហេតុ​ខាងលើ​។​ ចាប់យក​វត្ថុតាង​ពី​ជនសង្ស័យ​មួយចំនួន​រួមមាន​៖ ១. ថ្នាំញៀន​ប្រភេទ​ម៉ា​ទឹកកក​ចំនួន ០៥​កញ្ចប់​, ២. ម៉ូតូ​ចំនួន ០១​គ្រឿង​, ៣. ទូរស័ព្ទ​ចំនួន ០៣​គ្រឿង​, ៤. លុយ​ខ្មែរ​ចំនួន​៩​ម៉ឺន​រៀល និង​ដុល្លា​ចំនួន ៩៩០​ដុល្លា រួមជាមួយ​សំភារៈ​មួយចំនួន​។​

    ជនសង្ស័យ ត្រូវបាន​កម្លាំង​កងរាជអាវុធហត្ថ​ស្រុក​កៀនស្វាយ កំពុង​សាកសួរ និង​កសាង​សំណុំរឿង ដើម្បី​ប​ញ្ចូ​នប​ន្ត​តាម​នីតិវិធី​៕

adverise with khmeread

មតិយោបល់