adverise with khmeread A040759d a44b 4a37 9186 e06786de50dc

កោស​ជប់​មិន​កក់​កប​! លក់​គ្រឿងញៀន​ម្តង​ជាប់​ខ្នោះ

    កណ្តាល ៖ ប៉ូលិស​ស្រុក​អង្គស្នួល​បាន​បើក​កិច្ចប្រតិបត្តិការ​បង្ក្រាប​មុខសញ្ញា​ជួញដូរ​​ម៉ា​ទឹកកក​នា​ថ្ងៃទី១៨​ កក្កដា​ ឆ្នាំ​២០១៦ វេលា​ម៉ោង​៧ ​និង​១០​នាទី យប់​នៅ​ចំណុច​ក្នុង​បន្ទប់​ផ្ទះសំណាក់​ហេង​ឡុង​ភូមិ ស្វាយជ្រុំ ​ឃុំ​បែក​ចាន ស្រុក​អង្គស្នួល ខេត្តកណ្តាល ដោយ​ឃាត់ខ្លួន​បុរស​ម្នាក់​និង​ស្ត្រី​ម្នាក់។​

    ប៉ូលិស​និយាយថា ជនសង្ស័យ​០២​នាក់​ដែល​ឃាត់ខ្លួន​១.​ឈ្មោះ សំណាង បញ្ញា ភេទ​ប្រុស អាយុ​៣៣ឆ្នាំ ជនជាតិ​ខែ្មរ​ មុខរបរ​សន្តិសុខ​ឯកជន​ស្នាក់នៅ​ភូមិ​ឃុំ​កើតហេតុ ធ្លាប់​ជាប់គុក​១​ឆ្នាំ​ពីបទ​ប្រើប្រាស់​ថ្នាំញៀន ​និង​២.​ឈ្មោះ​ អឿ មុំ ភេទ​ស្រី​ អាយុ​៣២​ឆ្នាំ មុខ​​របរ​កោស​ជប់ ស្នាក់នៅ​ជាមួយគ្នា​។​

    វត្ថុតាង​ចាប់យក​៖ ១-​ថ្នាំ​ម្សៅ​ពណ៌​សរ​ថ្លា​សង្ស័យ​សារធាតុ​ញៀន​២៣​កញ្ចប់​ (​កញ្ចប់​មធ្យម​ក្នុង​តម្លៃ​១​កញ្ចប់​១០​ដុល្លារ, ២-​ជញ្ជីង​ថ្លឹង​ចំនួន​មួយ, ៣-​លុយ​ខ្មែរ​២០​ម៉ឺន​រៀល ​និង​លុយ​ដុល្លារ​១០០​ដុល្លារ, ៤.​លោហធាតុ​ពណ៌​រមៀត​ក្រ​ឡៃ​១​ខ្សែ​(​ខ្សែដៃ​), ៥-​ទូរ​ស័ព្ទ​០៦​គ្រឿង​-​អិ​ល​ជី​ពណ៌​សរ​០១​គ្រឿង ណូគា​អិន​ចុច​ពិល​០៣​គ្រឿង សាំ​សុង​ម៉ាក​S3 ពណ៌​ខ្មៅ​០១​គ្រឿង លី​ណូ​វ៉ូ​ពណ៌​ខ្មៅ​០១​គ្រឿង, ៦.​ដប​ថ្ម​មាន​គំរប​១​ចិះ រុន​២ ដែកកេះ​៤​កូន​កន្ត្រៃ​២ កូនកាំបិត​១ និង​ថង់​សម្រាប់​វេច​ខ្ចប់​ថ្នាំ​មួយចំនួនទៀត​។​

    ប៉ូលិស​បន្តថា នៅវេលា​ម៉ោង​ខាងលើ​កម្លាំង​ផ្នែក​ជំនាញ​និង​ប៉ូលិស​ប៉ុស្តិ៍​បែក​ចាន​បានទទួល​ព័ត៌មាន​បាន​ថា​៖ មានមុខ​សញ្ញា​កំពុង​ជួញដូរ​ថ្នាំញៀន​ក្នុង​បន្ទប់​ផ្ទះសំណាក់ ពេលនោះ​កម្លាំង​ផ្នែក​ជំនាញ​និង​ប៉ុស្តិ៍​ចុះទៅ​ត្រួតពិនិត្យ​រកឃើញ​ម្សៅ​ពណ៌​ស​ថ្លា​សង្ស័យថា​សារ​ធាតុ​ញៀន​។​

     តាម​ចម្លើយសារភាព​របស់​ជ​ន​ល្មើស ប្រាប់ថា​ខ្លួន បាន​ទិញ​ថ្នាំញៀន​នេះ​មកពី​ភ្នំពេញ​យកទៅ​ចែកចាយ​នៅ​តំបន់​នោះ៕

adverise with khmeread

មតិយោបល់