adverise with khmeread 1

ចាប់ខ្លួន​និង​ចោទប្រកាន់​ក្មេងស្រី​អាយុ ៨ ឆ្នាំ​ពីរ​នាក់​ពីបទ​ហែកក្រដាស​ពណ៌​ផ្កាឈូក​មួយ​សន្លឹក​នៅ​ថៃ​

    ​ប៉ូលិស​ថៃ​បាន​និយាយ​នៅ​ថ្ងៃអាទិត្យ​ទី ២៤ កក្កដា​ថា ក្មេងស្រី​អាយុ ៨ ឆ្នាំ​ពីរ​នាក់​ក្នុងប្រទេស​ថៃ​ត្រូវបាន​ចោទប្រកាន់​ពីបទ​រំលោភច្បាប់​យុទ្ធនាការ​បោះឆ្នោត​នៅមុន​ការបោះឆ្នោត​ប្រជាមតិ​ដ៏​ចម្រូងចម្រាស​នៅ​ខែក្រោយ បន្ទាប់ពី​ហែក​បញ្ជី​ឈ្មោះ​បោះឆ្នោត​បិត​លើ​ជញ្ជាំង ព្រោះ​ក្មេង​ទាំងពីរ​ចូលចិត្ត​ក្រដាស​ពណ៌​ផ្កាឈូក ដែល​គេ​ព្រី​ន​បិត​ពីលើ​បញ្ជី​នោះ​។ 

​    ​រដ្ឋាភិបាលយោធា​ថៃ​បាន​បង្ក្រាប​អ្នកប្រឆាំង​នៅមុន​ការបោះឆ្នោត​ប្រជាមតិ​ថ្ងៃទី ៧ សីហា​ទាក់ទិន​នឹង​ច្បាប់រដ្ឋធម្មនុញ្ញ​គាំទ្រ​ដោយ​យោធា ដែល​និយាយថា ខ្លួន​នឹង​ធានា​ស្ថេរភាព​ក្នុងប្រទេស​ដែល​អង្រួន​ដោយ​ចលាចល​នយោបាយ​ជាង ១ ទសវត្សរ៍​មកនេះ​។ 

​    ​លោក Damrong Phetpong មេបញ្ជាការ​ប៉ូលិស​នៅ​ខេត្ត​ភាគ​ខាងជើង​ប្រទេស​ថៃ Kamphaeng Phet បាន​និយាយថា ក្មេងស្រី​ទាំងពីរ​ត្រូវបាន​ចោទប្រកាន់​ពីបទ​ធ្វើឱ្យ​រាំងស្ទះ​ដំណើរការ​បោះឆ្នោត​ប្រជាមតិ និង​បំផ្លាញ​ទ្រព្យសម្បត្តិ​សាធារណៈ បន្ទាប់ពី​ហែកក្រដាស​បញ្ជី​ឈ្មោះ​បោះឆ្នោត​បិត​នៅក្រៅ​សាលារៀន​មួយ​។ 

​    ​លោក Damrong និយាយប្រាប់​ទីភ្នាក់ងារសារព័ត៌មាន AFP ថា "​ក្មេង​ទាំង​ពីរបាន​សារភាពថា​បាន​ហែក​បញ្ជី​ឈ្មោះ​បោះឆ្នោត ព្រោះ​ពួកគេ​ចូលចិត្ត​ក្រដាស​ពណ៌​ផ្កាឈូក​"​។ 

​    ​លោក​បន្តថា ក្មេង​ទាំងពីរ​នឹងមិន​ប្រឈម​ការដាក់ទោស​ទេ ព្រោះ​នៅ​ក្មេង​ពេក​។ ការបោះឆ្នោត​ប្រជាមតិ​នេះ​នឹង​ជាការ​ធ្វើតេស្ត​មតិ​សាធារណជន​ដ៏​ធំ​បំផុត​លើកដំបូង​អំពី​រដ្ឋាភិបាលយោធា ចាប់តាំងពី​ខ្លួន​ឡើងកាន់​អំណាច​ក្រោយ​រដ្ឋប្រហារ​ខែឧសភា ២០១៤៕

adverise with khmeread
ប្រភព៖ channelnewsasia

មតិយោបល់