adverise with khmeread Untitled 1

Jose Mourinho បដិសេធ​ធ្វើ​សន្និសីទកាសែត​ក្នុង​បន្ទប់​ក្តៅ ៤០ អង្សា​ក្នុង​ទីក្រុង​ប៉េកាំង​

    ​ដំណើរ​ទស្សនកិច្ច​ប្រកួត​មិត្តភាព​របស់​ក្រុម​បិសាច​ក្រហម Manchester United បាន​ធ្លាក់​ចូលទៅក្នុង​រឿង​ដ៏​គួរឱ្យ​អស់សំណើច​ក្នុងប្រទេស​ចិន ខណៈដែល Jose Mourinho បាន​បង្ខំចិត្ត​បើក​សន្និសីទកាសែត​មួយ​នៅ​កណ្តាលវាល ដោយសារតែ​បញ្ហា​កម្តៅ​ក្នុង​បន្ទប់​។​

​    ​Mourinho បាន​បដិសេធ​ធ្វើ​សន្និសីទកាសែត​របស់គាត់ មុន​ជំនួប​ដ៏​សំខាន​ឈាន​មកដល់​នៅ​រាត្រី​នេះ​ជាមួយនឹង​ក្រុម Manchester City ក្នុង​ទីក្រុង​ប៉េកាំង នៅក្នុង​បន្ទប់​ចង្អៀត​មួយ​នៅឯ​មជ្ឈមណ្ឌល​កីឡា​អូឡាំពិក​របស់​ក្រុង​ប៉េកាំង (Beijing's Olympic Sports Centre) ដោយសា​តែ​បញ្ហា​សីតុណ្ហភាព​។​

​    ​ការហ្វឹកហាត់​របស់​បិសាច​ក្រហម និង​សន្និសីទកាសែត​របស់ Mourinho ប្តូរ​ទីតាំង​ចេញពី​ពហុ​កីឡដ្ឋាន Bird's Nest Stadium ជាទី​តាំង​ដែល​ការប្រកួត​ត្រូវ​ប្រារព្ធ​ឡើង ដោយសារតែ​ទីលាន​ពិបាក​ហ្វឹកហាត់​ពេក​។​

​    ​នៅក្នុង​បន្ទប់​ដែល Mourinho បាន​ប្រឈម​នឹង​ការផ្តល់​បទសម្ភាសន៍​ជាមួយ​ប្រព័ន្ធ​ផ្សព្វផ្សាយ​ពិភពលោក​ដោយ​មិនមាន​ខ្យល់​ម៉ាស៊ីនត្រជាក់​នោះទេ​។ ជាមួយនឹង​សីតុណ្ហភាព​ក្តៅ​រហូតដល់​ទៅ ៤០​អង្សា​នៅ​ខាងក្នុង អ្នកចាត់ការ​រហស្សនាម Special One បាន​បដិសេធ​ធ្វើ​បទសម្ភាសន៍​ដើម្បី​ប្តូរ​សន្និសីទកាសែត​រប​ស់​គាត់​ចេញពី​ទីនោះ​។​

​    ​អ្នកចាត់ការ​ក្រុម​មេឃ​ខៀវ Pep Guardiola ក៏​ធ្វើ​សន្និសីទកាសែត​នៅក្នុង​បន្ទប់​ដូចគ្នា​ទៅនឹង Mourinho មួយ​នេះ​ផងដែរ ប៉ុន្តែ​គាត់​បាន​បដិសេធ​ចូលទៅ​ទីនោះ​ដាច់ខាត ព្រោះ​ស្អុះស្អាប់​ពេក​។​

​    ​ប៉ុន្តែ​ជាមួយ​ប្រព័ន្ធ​ផ្សព្វផ្សាយ​បន្ថែមទៀត​បញ្ជាក់ថា មនុស្ស​ច្រើនជាង ១០០​នាក់​ត្រូវបាន​ញាត់​ចូលទៅក្នុង​បន្ទប់​សម្រាប់​ស​ន្និសិទ​កាសែត​របស់ Mourinho ច្រើនជាង Guardiola​។ សីតុណ្ហភាព​នេះ​បាន​ក្លាយជា​ស្ថានភាព​មួយ​ដែល​មិនអាច​ទទួលបាន ដែល​បាន​បង្ខំ​ឱ្យ​អ្នកចាត់ការ​ក្រុម​បិសាច​ក្រហម​បាន​បោះបង់​សន្និសីទ​ក្នុង​បន្ទប់​៕

adverise with khmeread
ប្រភព៖ Mirror

មតិយោបល់