adverise with khmeread Grandthief

ឃាត់យុវជន៣នាក់ប៉ុនប៉ងលួចនិងប្រើគ្រឿងញៀន

     ប៉ៃលិន ៖ យុវជន​ម្នាក់​ត្រូវបាន​ប៉ូលិស​ស្រុក​សាលា​ក្រៅ​ចាប់ខ្លួន​កាល​ថ្ងៃទី​៣០ ខែធ្នូ វេលា​ម៉ោង​១២​និង​៣០​នាទី​រំលង​អា​ធ្រា​ត​ខណ​:​ពេល​ប៉ុនប៉ង​លួច​ទ្រព្យសម្បត្តិ​ប្រជាពលរដ្ឋ​នៅ​ចំណុច រស់នៅ​ភូមិ​ទូល​ខ្ពស់ ឃុំ​ស្ទឹងត្រង់ ស្រុក​សាលា​ក្រៅ ខេត្ត​ប៉ៃលិន​។ បន្ទាប់មក​ចាប់ខ្លួន​បក្ខពួក​២​នាក់​ទៀត​ប្រើ​គ្រឿងញៀន ។​
    ប៉ូលិស​ស្រុក​សាលា​ក្រៅ​បាន​ឲ្យ​ដឹងថា ជនសង្ស័យ​ឈ្មោះ យួន ធី​ម ភេទ​ប្រុស អាយុ ១៨​ឆ្នាំ រស់នៅ​ភូមិ​ទូល ឃុំ​សាលា​ក្រៅ ស្រុក​សាលា​ក្រៅ ខេត្ត​ប៉ៃលិន ពីបទ​ប៉ុនប៉ង​លួច​ទ្រព្យសម្បត្តិ​របស់​ជនរ​ង​គ្រោះ​ឈ្មោះ ទេស ឡុង ភេទ​ប្រុស អាយុ ៣៣​ឆ្នាំ រស់នៅ​ភូមិ​ទូល​ខ្ពស់ ឃុំ​ស្ទឹងត្រង់ ស្រុក​សាលា​ក្រៅ ខេត្ត​ប៉ៃលិន​។​
     ក្រោយពី​បានធ្វើការ​សាកសួរ​និង​ស្ដាប់​ចម្លើយ​រួចមក​ប៉ូលិស​យល់ឃើញថា​ជនសង្ស័យ​នេះ​បាន​ប្រើប្រាស់​គ្រឿងញៀន​ជាមួយ​ពួកម៉ាក់​របស់ខ្លួន​ដែលមាន​គ្នា​ចំនួន​ពីរ​នាក់​ទៀត​មុននឹង​ប៉ុនប៉ង​លួច​ខាងលើនេះ ។​
    បន្ទាប់មក​សមត្ថកិច្ច​បានធ្វើការ​ស្រាវជ្រាវ ឈានទៅដល់​ការឃាត់ខ្លួន​ជនសង្ស័យ​ទាំង ២​នាក់​នោះ​ទៀត ដែល​ពាក់ព័ន្ធ​នឹង​ករណី​ប្រើប្រាស់​គ្រឿងញៀន​ទីមួយ​ឈ្មោះ រឿ​ម អិន ភេទ​ប្រុស អាយុ ២៣​ឆ្នាំ រស់នៅ ភូមិ​ថ្នល់កែង ឃុំ​អូរអណ្ដូង ស្រុក​សាលា​ក្រៅ ខេត្ត​ប៉ៃលិន និង​ទី​ពីរ​ឈ្មោះ ហង្ស សារ៉ន ភេទ​ប្រុស អាយុ ២១​ឆ្នាំ  រស់នៅ​ភូមិ​ទូល​ខ្ពស់ ឃុំ​ស្ទឹងត្រង់ ស្រុក​សាលា​ក្រៅ ខេត្ត​ប៉ៃលិន​។​
    ប​ច្ខុ​ប្បន្ន​ជនសង្ស័យ​បាន​បញ្ជូនទៅ​ស្នងការដ្ឋាន​ប៉ូលិស​ខេត្ត​ប៉ៃលិន​ដើម្បី​ចាត់ការ​បន្ត​៕​

adverise with khmeread

មតិយោបល់