adverise with khmeread 2911d524 59ad 4165 bab8 5c5d7b350321

ប៉េអឹម​បញ្ជូន​មនុស្ស​១៨​នាក់ ​និង​ថ្នាំញៀន៧៣​កញ្ចប់​ទៅ​តុលាការ​

    ភ្នំពេញ ៖ រយៈពេល​១​យប់​១​ថ្ងៃ កម្លាំង​អាវុធហត្ថ​ចំណុះ​រាជធានី​ភ្នំពេញ បង្ក្រាបបាន​ក្រុម​ជួញដូរ​ និង​ប្រើប្រាស់​គ្រឿងញៀន​ឃាត់​មនុស្ស បាន​១៨​នាក់​ជា​បន្តបន្ទាប់ និង​ដកហូត​ថ្នាំញៀន​៨៣​កញ្ចប់ ហើយ​បាន​បញ្ជូនទៅ​តុលាការ​នា​ព្រឹក​ថ្ងៃទី​១​ សីហា ​ឆ្នាំ​២០១៦​នេះ។​

    មន្ត្រី​អាវុធហត្ថ​បានឱ្យដឹងថា នៅ​យប់​ម៉ោង​៩​ និង​២០​នាទី ថ្ងៃទី​២៩ ​កក្កដា ​ឆ្នាំ​២០១៦​ កម្លាំង​អាវុធហត្ថ​ខណ្ឌមានជ័យ ឃាត់ខ្លួន​ជនសង្ស័យ​បាន​៤​នាក់ នៅចំណុច​ដីឡូត៍​មួយកន្លែង​, ភូមិ​ឬ​ស្សី​មួយ សង្កាត់​ស្ទឹងមានជ័យ ខណ្ឌមានជ័យ រាជធានី​ភ្នំពេញ។

    បន្ទាប់​មកក​នៅ​ម៉ោង​១១​យប់​ថ្ងៃ​ដដែល កម្លាំង​ល្បាត អាវុធហត្ថ​ខណ្ឌ​ជ្រោយចង្វារ ឃាត់ខ្លួន​ជនសង្ស័យ​បាន​ម្នា​ក់នៅ​ចំណុច​ភូមិ​ព្រែកលៀប សង្កាត់​ព្រែកលៀប ខណ្ឌ​ជ្រោយចង្វារ រាជធានី​ភ្នំពេញ។

    នៅ​ថ្ងៃទី​៣០ ​កក្កដា​ ឆ្នាំ​២០១៦​ វេលា​ម៉ោង​១២ ​និង​១៥​នាទី កម្លាំង​អាវុធហត្ថ​ខណ្ឌដូនពេញ សហការ​ជាមួយ អាវុធហត្ថ​ខណ្ឌទួលគោក , ជ្រោយចង្វារ, សែន​សុខ និង​ការិយាល័យ​ប្រឆាំង​បទល្មើស​គ្រឿង ញៀន​អាវុធហត្ថ​រាជធានី បង្ក្រាប​និង​ឃាត់ខ្លួន​ជនសង្ស័យ​ចំនួន​១៣​នាក់ នៅ​ចំណុច​ផ្ទះ​លេខ​B1 ផ្លូវ​រថភ្លើង សង្កាត់​ស្រះចក ខណ្ឌដូនពេញ ក្នុង​ប្រតិបត្តិ​ការបង្ក្រាប​នោះ​ ក៏មាន​ការចូល​រួមសហកា​រ​ពី​កម្លាំង​អាជ្ញាធរ ​ខណ្ឌ​ដូន​ពេញ ​ដោយមាន​លោក​អភិបាលរងខណ្ឌ សុខ ពេញ​វុ​ធ ចុះ​ផ្ទាល់​ជាមួយ​ផងដែរ​។​

    ប្រតិបត្តិការ​នោះ​កម្លាំង​អាវុធហត្ថ​ដកហូត​បាន​ថ្នាំញៀន​ក្រាម​ស​ថ្លា​ចំនួន​៧៣​កញ្ចប់​ (៦៩​កញ្ចប់​តូច និង​៤​កញ្ចប់​ធំ​) មិន​ត្រឹមតែ​ប៉ុណ្ណោះ​នៅមាន​សោ​សំរាប់​កាច់ក​ម៉ូតូ​, ទូរស័ព្ទ​, ម៉ូតូ​, កាបូប​ដាក់​លុយ​(​ប្រុស​និង​ស្រី​), កាត​គ្រី​ម៉ូតូ, ​អត្តសញ្ញាណប័ណ្ណ និង​លិខិតឆ្លងដែន ជាច្រើន​ផងដែរ​។​

    ក្នុង​ករណីនេះ​សមត្ថកិច្ច​អាវុធហត្ថ​រាជធានី​ភ្នំពេញ​កំពុង​ស្រាវជ្រាវ​បន្ត​ និង​កសាង​សំណុំរឿង​បញ្ជូនទៅ​តុលាការ​តាម​នីតិវិធី នា​ព្រឹក​ថ្ងៃទី១ ​សីហា​នេះ៕

adverise with khmeread

មតិយោបល់