adverise with khmeread 1

នគរបាលជាតិ ឈ្នះ​ស៊ីម៉ាក់ ១-០ ខណៈ​ខេ​ម​បូ​ឌា​ន​ថា​យ​ហ្គឺ​ចាញ់​បឹងកេត​អង្គរ ១-៥

​    ​ក្រុម​អគ្គស្នងការដ្ឋាន​នគរ​បាល​ជាតិ​រកបាន​៣​ពិន្ទុ​បន្ថែម​ពី​ក្រុម​មជ្ឈមណ្ឌល​កំចាត់មីន​ក​ម្ពុ​ជា បន្ទាប់ពី បាន​យកឈ្នះ​ដោយ​លទ្ធផល ១​ទល់​០ ខណៈ​ខេ​ម​បូ​ឌា​ន​ថា​យ​ហ្គឺ​ប្រកួត​ចាញ់​បឹងកេត​អង្គរ នៅក្នុង​លទ្ធផល ១​ទល់​៥ ក្នុង​ការប្រកួត​ក្របខ័ណ្ឌ​លី​គ​កំពូល សប្តាហ៍​ទី​១៤ កាលពី​ល្ងាច​ថ្ងៃអាទិត្យ​ម្សិលមិញ នៅ​កីឡដ្ឋាន​ជាតិ​។​

​    ​នៅ​តង់​ទី​១ នគរបាលជាតិ និង​ស៊ីម៉ាក់ រក្ស​លទ្ធផល​ស្មើគ្នា ០​ទល់​០ ហើយ​លទ្ធផល​ជ័យជម្នះ​១​ទល់​០ របស់​នគរបាលជាតិ​នេះ ធ្វើ​សម្រេច​នៅ​ចុង​តង់​ទី​២​ទៅហើយ​។ ១៤​ប្រកួត​របស់​នគរបាល​ជាតិ ឈ្នះ​៣​ប្រកួត ស្មើ​៥​ប្រកួត និង​ចាញ់​៦​ប្រកួត មាន​១៤​ពិន្ទុ ឈរ​នៅ​ចំណាត់ថ្នាក់​លេខ​៧​បណ្តោះអាសន្ន ស្រប​ពេលដែល ១៤​ប្រកួត​របស់​ស៊ីម៉ាក់ ឈ្នះ​២​ប្រកួត ស្មើ​២​ប្រកួត និង​ចាញ់​១០​ប្រកួត មាន​ត្រឹម​៨​ពិន្ទុ ឈរ​នៅ​ចំណាត់ថ្នាក់ លេខ​៨​។​

​    ​ចំណែកឯ​១​ប្រកួត​ផ្សេងទៀត ក្រុម​ឈរលើ​កំពូល​តារាង​បណ្តោះអាសន្ន បឹង​កេង​អង្គរ​អេ​ហ្វ​.​ស៊ី រកបាន ៣​ពិន្ទុ​បន្ថែម ពី​ខេ​ម​បូ​ឌា​ន​ថា​យ​ហ្គឺ បន្ទាប់ពី​បាន​យកឈ្នះ​ដោយ​លទ្ធផល ៥​ទល់​១ ដោយនៅ​តង់​ទី​១ បឹងកេត អង្គរ នាំមុខ ២​ទល់​០​។ ១៤​ប្រកួត​របស់​បឹងកេត​អង្គរ ឈ្នះ​១២​ប្រកួត ស្មើ​១​ប្រកួត និង​ចាញ់​១​ប្រកួត មាន​៣៧​ពិន្ទុ ខណៈ​១៤​ប្រកួត​របស់​ខេ​ម​បូ​ឌា​ន​ថា​យ​ហ្គឺ ឈ្នះ​៦​ប្រកួត ស្មើ​២​ប្រកួត និង​ចាញ់​៦​ប្រកួត មាន​២០​ពិន្ទុ ឈរ​នៅ ចំណាត់ថ្នាក់​លេខ​៥​បណ្តោះអាសន្ន​។​

​    ​សូមបញ្ជាក់ថា នៅ​ល្ងាច​ថ្ងៃ​ចន្ទ​ទី​១ សីហា នេះ​ក៏មាន​២​ប្រកួត​ដែរ ដែលជា​ការជួបគ្នា​រវាង​ក្រុម​ម្ចាស់ផ្ទះ ភ្នំពេញ​ក្រោ​ន​បើកទ្វារ​ស្វាគមន៍​ក្រុម​ភ្ញៀវ ក្រសួងការពារជាតិ​នៅ​កីឡដ្ឋាន RSN ហើយ​១​ប្រកួត​ទៀត គឺ​ក្រុម ណាហ្គា​វើ​ល ត្រូវ​ប្រកួត​ជាមួយ​អាស៊ី​អឺរ៉ុប នៅ​ពហុ​កីឡដ្ឋាន​ជាតិ​៕​

adverise with khmeread

មតិយោបល់