D20df473 0ea8 4bdc a130 bbc9df1ffd0d

កម្លាំង​ប៉ូលិស​ល្បាត​អន្តរាគមន៍​ក្រុង​ឃាត់ខ្លួន​ជនសង្ស័យ​២​នាក់​ក្នុង ២​ករណី​ផ្សេងគ្នា​ (មានវី​ដ​អូ​)

    ភ្នំពេញ ៖ ក្នុង​រយៈពេល​តែមួយ កម្លាំង​ប៉ូលិស​អន្តរាគមន៍​ក្រុង​ចុះ​ល្បាត​ក្នុង​ទឹកដី​ខណ្ឌ​ពោធិ៍​សែន​ជ័យ បានធ្វើការ​ឃាត់ខ្លួន​ជនសង្ស័យ​២​នាក់ ក្នុង​២​ករណី​ផ្សេងគ្នា​គឺ ជនសង្ស័យ​ទី​១ រក្សាទុក​នូវ​សារធាតុ​ញៀន​ម៉ា​ទឹកកក​១​កញ្ចប់​តូច និង​ជនសង្ស័យ​ទី​២ ជា​មុខសញ្ញា​ឆ្កិះ​សោ​បន្ទប់​លួច​ទ្រព្យសម្បត្តិ។​

    ករណី​បង្ក្រាប​ជាក់ស្តែង​ខា​លើ​នេះ​នៅវេលា​ម៉ោង១២​ និង​៣០​នាទី​យប់​ឈានចូល ថ្ងៃទី២ សីហា ឆ្នាំ២០១៦ នៅ​ចំណុច​ផ្លូវលំ​ចូល​សាលា​គោក​បញ្ជាន់ ស្ថិតក្នុង​ភូមិ​ចោមចៅ សង្កាត់​ចោមចៅ ខណ្ឌ​ពោធិ៍​សែន​ជ័យ។​

    ប៉ូលិស​និយាយថា ជនសង្ស័យ ទី​១-​រក្សាទុក​សារធាតុ​ញៀន​ឈ្មោះ តាក់ រតនៈសម្បត្តិ ហៅ​ហឿន អាយុ​២១ឆ្នាំ មុខរបរ​រើស​អេតចាយ ស្នាក់នៅ​ភូមិ​គោក​បញ្ជាន់ ស្រុក​ស្វាយទៀប ខេត្តស្វាយរៀង និង​ជនសង្ស័យ​ទី​២ -​ជា​មុខសញ្ញា​ឆ្កឹះ​សោ​បន្ទប់​ឈ្មោះ សែម សុខា អាយុ២៧​ឆ្នាំ មុខរបរមិន​ប្រាកដ ស្នាក់នៅ​ភូមិ​គោក​បញ្ជាន់​ដូចគ្នា។​

    ប្រភពពី​សមត្ថកិច្ច បានឱ្យដឹងថា នៅ​មុនពេល​កើតហេតុ កម្លាំង​ប៉ូលិស​បាន​ជិះ​ម៉ូតូ​ល្បាត​ក្នុងភូមិ​សាស្ត្រ​ខាងលើ ក៏​ប្រទះឃើញ​ជនសង្ស័យ​ទីមួយ​ឆែក​រក​ថ្នាំញៀន​ប្រភេទ​ម៉ា​ទឹកកក​១​កញ្ចប់​តូច។​

    បន្ទាប់មក​ប៉ូលិស​បាន ក៏​ជួប​និង​ជនសង្ស័យ​ទី​២ ហៅ​ឃាត់​សួរនាំ​ឆែក​រកឃើញ​ដែក​សរសៃ​តូច សំរាប់​ឆ្កឹះ​សោ​បន្ទប់ ក្រោយពេល​ឆែក​រកឃើញ​វត្ថុតាង​ប៉ូលិស​ក៏បាន​ទាក់ទង​ទៅ​ប៉ូលិស​មូលដ្ឋាន​មក​យក​ជនសង្ស័យ​ទៅ​ប៉ុស្តិ៍។​

    ក្រោយពេល​ឃាត់ខ្លួន​មកដល់​ប៉ូលិស​ប៉ុស្តិ៍​ចោមចៅ បាន​សាកសួរ​ជនសង្ស័យ​ទាំង​២​នាក់​រួមជាមួយ​វត្ថុតាង​ហើយ​កសាង​សំណុំ​រឿង បញ្ចូនទៅ​ជំនាញ​ខណ្ឌ​ដើម្បី​ចាត់ការ​បន្ត​៕


 

មតិយោបល់