adverise with khmeread 9493769e a89d 4c40 9205 d3b45cefd5f9

បុរស​ម្នាក់​ដុត​និង​កាប់បំផ្លាញ​ផ្ទះ​កម្មការិនី​ម្នាក់​ត្រូវ​ប៉ូលិស​វ៉ៃខ្នោះ

    កណ្តាល ៖ បុរស​ម្នាក់​ត្រូវ​ប៉ូលិស​ឃាត់ខ្លួន​ក្នុងករណី​ធ្វើឱ្យ​ខូចខាត​ដោយ​ចេតនា​នា​ថៃ្ង​ទី​០១​ សីហា ​ឆ្នាំ​២០១៦​ វេលា​ម៉ោង​៥ ​និង​៣០​នាទី​ល្ងាច​នៅ​ចំណុច​ផ្ទះ​ជនរងគ្រោះ ភូមិ​បឹង​ទ្រា ឃុំ​ទួល​ព្រេជ ​ស្រុក​អង្គស្នួល ​ខេត្តកណ្តាល​។​

    ប៉ូលិស​និយាយថា ជនរងគ្រោះ​ឈ្មោះ​ ឈុំ ល្អិត ភេទស្រី​ អាយុ​២៩​ឆ្នាំ​ ជនជាតិ​ខ្មែរ​ មុខរបរ​កម្ម​ការី​នី​រោងចក្រ នៅ​ភូមិ​ឃុំ​កើតហេតុ​ខាងលើ​។​

    ចំណែក​ជនល្មើស​ឈ្មោះ ​វ៉ា ពៅ ភេទ​ប្រុស ​អាយុ​៤៩​ឆ្នាំ ជនជាតិ​ខែ្មរ​មុខរបរ​កសិករ នៅ​ឃុំ​សំរោង​លើ ​ស្រុក​អង្គស្នួល ​ខេត្តកណ្តាល​។​

    វត្ថុតាង​ចាប់យក​៖ ១-​ពូថៅ​ដង​ឈើ​ប្រវែង​៣៥ សង្ទីម៉ែត្រ​ចំនួន​មួយ​, ២-​ដេក​កេះ​ហ្គាស់​ចំនួន​០១ ធ្វើឱ្យ​ផលប៉ះពាល់​ឆេះ​ជញ្ជាំង​ផ្ទះ​បន្តិច និង​កាប់​ដំបូល​ផ្ទះបាយ​.​ជញ្ជាំង​ផ្ទះបាយ​ប្រក់​ដោយ​ស្លឹក​ស្ទើរ​ទាំងស្រុង​។​

    ប៉ូលិស​បន្តថា នៅវេលា​ម៉ោង​កើតហេតុ​ខាង​លើក​ជនល្មើស​បាន​យក​ដែកកេះ​គូស​ដុត​ជញ្ជាំង​ផ្ទះ បាន​បន្តិច​ដោយមាន​អ្នកជិតខាង​មកជួយ​ពន្លត់ បន្ទាប់មក​ជនល្មើស យក​ពូថៅ​ដែល​សៀត​នៅ​ចង្កេះ មក​កាប់​ដំបូល​ផ្ទះបាយ​និង​ជញ្ជាំង​ដែល​ប្រក់​ដោយ​ស្លឹក​នោះ​ចោល​ស្ទើរ​ខូចខាត​ទាំងស្រុង៕

adverise with khmeread

មតិយោបល់