adverise with khmeread Typhoon nida august 1 1470103856046 3214493 ver1.0 640 360

បិទ​ទីក្រុង​ហុងកុង​ទាំងមូល​ខណៈ​ខ្យល់ព្យុះ​នី​ដា​ធ្វើដំណើរ​មកដល់​យប់មិញ​

​    ​យោងតាម​វេ​ប​សាយ​បាងកក​ប៉ុស្តិ៍​ចេញផ្សាយ​ថ្ងៃ​អង្គារ​នេះ​បានឱ្យដឹងថា ទីក្រុង​ហុងកុង​បាន​បិទ​នៅ​ថ្ងៃ​អង្គារ​នេះ ខណៈដែល​ខ្យល់ព្យុះ​ទី​ហ្វុ​ង​ឈ្មោះ នី​ដា (Nida) បាន​នាំមក​នូវ​ខ្យល់​ដ៏​សាហាវ និង​ភ្លៀង​ខ្លាំង ជាមួយ​ជើងហោះហើរ​ជាច្រើន​ត្រូវបាន​លុបចោល ហើយ​ផ្សារ​ហ៊ុន សាលារៀន និង​ក្រុមហ៊ុន​អាជីវកម្ម​ទាំងអស់​ត្រូវ​បិទទ្វារ ខណៈ​ខ្យល់ព្យុះ​នេះ​កំពុង​បោកបក់​ឆ្លងកាត់​ទីក្រុង​ហុងកុង​ពី​ចិន​ខាងត្បូង​។ 

​    ​ខ្យល់ព្យុះ​ល្បឿន ១៥១ គីឡូម៉ែត្រ​ក្នុង​មួយ​ម៉ោង​នេះ​បាន​បោកបក់​លើ​ទីក្រុង​ហុងកុង និង​បង្អុរ​ភ្លៀង​យ៉ាងខ្លាំង​កាលពី​យប់មិញ​នេះ ហើយ​ក្រុម​អាជ្ញាធរ​បាន​ព្រមាន​ពី​ទឹកជំនន់ និង​បំណាក់​ដី​។ 

​    ​ផ្លូវ​នានា​គ្មាន​យានយន្ត​បើកបរ​ឆ្លងកាត់​នោះឡើយ​នៅ​ព្រឹក​ថ្ងៃ​អង្គារ​នេះ ខណៈដែល​សាលារៀន​ជាច្រើន​បាន​ផ្អាក ហើយ​បុគ្គលិក​ធ្វើការ​គ្រប់​ប្រភេទ​វិស័យ​បាន​បន្ត​ស្នាក់នៅ​ក្នុងផ្ទះ ជាមួយ​រថយន្តក្រុង និង​រថភ្លើង​បន្ត​ប្រតិបត្តិការ​ក្នុង​ដែន​កំណត់​តូច​មួយ​ប៉ុណ្ណោះ​៕ 

adverise with khmeread
ប្រភព៖ បាងកកប៉ុស្តិ៍

មតិយោបល់