adverise with khmeread 1

សម្តេច​ប៉ាប​ថា Messi ជា​កីឡាករ​ឆ្នើម​ជាង Maradona និង Pele

    ​សម្តេច​ប៉ាប Francis បានប្រកាសថា Lionel Messi ជា​កីឡាករ​ល្អ​ជាងគេ​បំផុត​គ្រប់​ជំនាន់ ដែល​ស្ថិតនៅ​ពីមុខ Diego Maradona និង Pele​។​

​    ​អំឡុង​ទស្សនកិច្ច​ក្នុងប្រទេស​ប៉ូឡូញ សាវ័ក​របស់​សម្តេច​បា​ន​សួរថា​នរណា​ជា​កីឡាករ​បាល់ទាត់​ល្អ​ជាងគេ​រវាង​វីរបុរស​បាល់ទាត់​ពិភពលោក Maradona និង Pele​។​

​    ​ប៉ុន្តែ​សម្តេច​ប៉ាប​វ័យ ៧៩​ឆ្នាំ​រូបនេះ បានផ្តល់​សារ​ដ៏​ច្បាស់លាស់​មួយ​ថា​នរណា​ដែល​គាត់​គិតថា​ល្អ​ជាងគេ​បំផុត​មិន​ធ្លាប់មាន​ពីមុន​។​

​    ​អំឡុង​ការ​សម្រាក​ទទួលទាន​អាហារ​ថ្ងៃត្រង់​សម្រាប់​ការជួបជុំ​ក្នុង​កម្មវិធី​ទិវា​យុវជន​ពិភពលោក World Youth Day ក្នុង​ទីក្រុង Krakow សម្តេច​ប៉ាប Francis ត្រូវបាន​ចោទសួរ​ថា "​នរណា​ល្អ​ជាងគេ Maradona ឬ Pele ?"​។​

​    ​គាត់​បាន​តប​ថា "​សម្រាប់​ខ្ញុំ​គឺ Messi "​។​

​    ​ត្រឹម​មួយ​ម៉ាត់​នេះ សម្តេច​ប៉ាប​មិនបាន​ពន្យល់​បន្ថែម​អ្វី​ទៀត​នោះឡើយ​៕

adverise with khmeread
ប្រភព៖ TheSun

មតិយោបល់