adverise with khmeread 0

រូប​មួយណា​ដូច​បាតដៃ​របស់​អ្នក​? នេះ​ជា​អត្ថន័យ​ពិត​របស់​ខ្សែ​បាតដៃ​រាង​ត្បូង​ពេជ្រ ផ្កាយ និង​ត្រីកោណ​

    ​ពិនិត្យមើល​បាតដៃ​រប​ស់លោក​អ្នក​ទៅ​មើល៎ ថា​តើ​មាន​ខ្សែ​បាតដៃ​រូប​ត្បូង​ពេជ្រ ផ្កាយ និង​ត្រីកោណ ដែរ​ទេ​? តែ​ត្រូវ​ចាំ ខ្សែ​ទាំងនោះ​ត្រូវតែ​ដិត ច្បាស់​ល្អ មិនមែន​ព្រាលៗ​នោះទេ​។ 

​    ​មនុស្ស​ភាគច្រើន​មាន​បាតដៃ​ប្រភេទ​រូប​ទាំងអស់នេះ ហើយ​វា​មាន​អត្ថន័យ​ពិសេស​របស់​វា​។ 

​    ​១. ត្រីកោណ​ក្នុង​បាតដៃ​
​    ​មនុស្ស​ដែលមាន​បាតដៃ​ដូច្នេះ​គឺមាន​ទេពកោសល្យ​ពិសេស​មួយចំនួន​។ ប្រសិនបើ​អ្នកមាន​រូប​ត្រីកោណ​ច្រើន មិន​ថា​តូច​ឬ​ធំ​ទេ វា​មានន័យថា អ្នកមាន​ទេពកោសល្យ​ច្រើន ប៉ុន្តែ​ប្រសិនបើ​ខ្សែ​ត្រីកោណ​នោះ​ច្បាស់​ល្អ​មិន​ព្រាល មានន័យថា លោកអ្នក​មានឱកាស​ច្រើនណាស់​ក្នុងការ​ក្លាយជា​មនុស្ស​ល្បី និង​មាន​គេ​គោរព​ក្នុងសង្គម​។ 

​     ប្រសិនបើ​ខ្សែ​វាសនា (Destiny line) លើ​បាតដៃ​របស់​អ្នកបង្កើត​ចេញ​ជា​រាង​ត្រីកោណ​វិញ​នោះ វា​មា​ន័យ​ថា លោកអ្នក​នឹង​ធានា​ទទួលបាន​ជោគជ័យ​ក្នុង​ជីវិត​ជាក់​ជាមិនខាន​។ 

​    ​២. ផ្កាយ​ក្នុង​បាតដៃ​
​    ​ផ្កាយ​លើ​បាតដៃ​ភាគច្រើន​ស្ថិតនៅ​ចុង​ខ្សែ​បាតដៃ​ធំៗ និង​មាន​ខ្សែ​តូចៗ​ចម្រុះ​ជុំវិញ​វា (​ប្រៀប​បីដូច​ជា​ផ្កាយ​) ដែល​ប្រសព្វ​នឹង​ខ្សែ​ផ្សេងទៀត​។ រូប​ផ្កាយ​បង្ហាញថា អ្នកជា​មនុស្ស​មាន​សម​ត្ថ​ភាព​ពិសេស និង​មានអំណាច​។ ប្រសិនបើ​ខ្សែ​នេះ​ស្ថិតក្រោម​ខ្សែ​បេះដូង (Heart Line) មានន័យថា អ្នកជា​មនុស្ស​មានអំណាច​ឬ​ជំនាញ​អស្ចារ្យ​បំផុត​។ ហើយ​ប្រសិនបើ​រូប​ផ្កាយ​នេះ​ស្ថិតនៅលើ​ខ្សែជីវិត (Life Line) ក្រោម​ដៃ​ចង្អុល មានន័យថា អ្នកជា​មនុស្ស​មាន​សម​ត្ថ​ភាព​ប្រាជ្ញា​អស្ចារ្យ ដែលមាន​ការតាំង​ចិត្ត​ខ្ពស់​លើ​ផ្នែក​វិទ្យាសាស្ត្រ ទស្សន​វិទ្យា ឬ​សាសនា​។  

​    ​៣. ពេជ្រ​ក្នុង​បាតដៃ​
​    ​ប្រសិនបើ​អ្នកមាន​រូប​ពេជ្រ​លើ​បាតដៃ មានន័យថា លោក​អ្នកជា​មនុស្ស​ដែលមាន​ស្មារតី​ផ្សងព្រេង​ខ្ពស់​។ លោក​អ្នកជា​មនុស្ស​មិនអាច​ឃាត់​ឈ្នះ​ឡើយ​នៅពេល​និយាយ​ដល់​ការសម្រេច​បំណង​អ្វីមួយ ដែល​ពិបាក​ស្មាន​។ 

​    ​លោក​អ្នកជា​មនុស្ស​ពោរពេញ​ដោយ​សេចក្តីក្លាហាន ប៉ុន្តែ​មិនចេះ​ប្រុងប្រយ័ត្ន​នោះទេ ព្រោះតែ​លោកអ្នក​ចង់​ស្វែងរក​ចម្លើយ​ចំពោះ​អ្វីមួយ​ដែល​លោកអ្នក​ចង់ដឹង​ចង់​ឮ​។ លោកអ្នក​ស័ក្តិ​សមជា​អ្នកស្រាវជ្រាវ ដែល​ហ៊ាន​ប្រថុយប្រថាន​គ្រប់បែបយ៉ាង តែ​ការ​ប្រថុយ​នោះ​មិន​អត់​ប្រយោជន៍​នោះឡើយ​៕

adverise with khmeread

អ្នកនឹងចូលចិត្ត

មតិយោបល់