adverise with khmeread 5e450eec e04d 4ac7 b5cc aa879024420e

ស្ត្រីជន​ជាតិចិន​ម្នាក់​ត្រូវគេ​ចាប់ជំរិត​ទារ​បាន​ប្រាក់​៤ម៉ឺន​យន់​(​មាន​វីដេអូ​)

    ភ្នំពេញ ៖ មានការ​ភ្ញាក់ផ្អើល​មួយ​បានកើត​ឡើង ដោយសារតែ​ស្ត្រីជន​ជាតិចិន​ម្នាក់​ត្រូវ​ជនជាតិ​គ្នាឯង​ចាប់​គំរាម​ទារប្រាក់​បាន​៤ម៉ឺ​ន​យន់​ហើយគេចខ្លួនបាត់​តែម្តង។​

    អំពើ​ចាប់ជំរិត​នេះ​បាន​កើតឡើង​កាលពី​វេលា​ម៉ោង៧​​ និង​៣០​នាទី​យប់​ថ្ងៃទី​៤ ​ខែសីហា​ ឆ្នាំ​២០១៦ នៅ​ចំណុច អា​ផាត​មិន នគរ​ឡាក់​គី នៅ​ជិត​បេនឡាន​តាក់​ស៊ីផ្សារ​ធំថ្មី ស្ថិតក្នុង​សង្កាត់​ផ្សារ​ថ្មី​ទី​២ ខណ្ឌដូនពេញ។​

    បើតាម​សំដី​ជនរងគ្រោះ​ដែលជា​ជនជាតិ​ចិន ភេទ​ស្រី មាន​មុខរប​អ្នកលក់​សម្លៀកបំពាក់​កូ​ន​ក្មេង​នៅក្នុង​ផ្សារ​អូរ​ឡាំ​ពិ​ក តូប​លេខ ៣៧០ បានឱ្យដឹងថា រូបគាត់ ​និង​ជនសង្ស័យ​មិនដែល​ស្គាល់គ្នា​ទេ ហើយ​នៅមុន​ពេល​កើតហេតុ​មួយថ្ងៃ​ជនសង្ស័យ​បាន​ទូរស័ព្ទ​មក​ទាក់ទង​រូបគាត់ ​(​មិនដឹង​បាន​លេខ​ទូរស័ព្ទ​មកពីណា​) ថា​ចង់រក​ស៊ីជាមួយ​គាត់​ព្រោះ​គេ​ (​ជនសង្ស័យ​) ​ស្គាល់​រោងចក្រ​ផលិត​សម្លៀកបំពាក់​។ ពេលឮ​ដូចនេះ​រូបគាត់​ក៏បាន​ណាត់​ជាមួយ​ជនសង្ស័យ​ដើម្បីរ​កស៊ី។​

    ជនរងគ្រោះ​បាន​បន្តទៀតថា លុះ​ស្អែក​ឡើង​ត្រូវ​នឹង​ថ្ងៃកើតហេតុ នៅវេលា​ព្រឹក​ម៉ោង​ប្រហែល​៨ ជនរងគ្រោះ​បាន​ប្រាប់​ប្តី​ថា​នៅ​លក់​មួយ​ព្រឹក​ទៅ ព្រោះ​គាត់​ត្រូវ​ទៅ​ក្រៅ​ជួប​ម៉ូយ​ដែលជា​អ្នក​នាំ​សម្លៀកបំពាក់​ពី​ក្រៅបរទេស។​

    បន្ទាប់មក​ជនរងគ្រោះ​បាន​ជិះ​ម៉ូតូ​កង់​បី​ពី​ផ្សារ​អូឡាំពិក​សំដៅទៅ​ផ្លូវ​លេខ​៣១០ ​ដើម្បី​ទៅយក​មិត្ត​ភ​ក្តិ​ម្នាក់ទៀត​គ្រាន់​បានជា​គ្នា​។  តែ​គ្រាន់តែ​ជិះ​កង់​បី​ចេញ​ផុតពី​ផ្សារ​អូឡាំពិក​បាន​បន្តិច​ក៏មាន​រថយន្ត​ទូ​រី​ស​មួយគ្រឿង​មិន​ចាំ​ស្លាក​លេខ​មក​កាក់​មុខ​ម៉ូតូ​កង់​បី ហើយ​មាន​បុរស​២​នាក់​ចុះមក​គំរាម​បាញ់សម្លាប់​។ ហើយក៏​ចាប់​ជនរងគ្រោះ​បិត​ភ្នែក​ហើយ​រុញ​បញ្ចូល​ក្នុង​រថយន្ត​ដឹកយក​មកដល់​ផ្សារ​ថ្មី​ទើប​បើកភ្នែក​វិញ និង​បាន​នាំ​ជនរងគ្រោះ​ឡើងទៅ អា​ផាត​មិន នគរ​ឡាក់​គី បន្ទប់​លេខ​៣០៥ ដោយមាន​កាំភ្លើង​ភ្ជុង់​ជាប់​ពីក្រោយ​រហូត។​

    ពេលទៅដល់​ក្នុង​បន្ទប់​ជនសង្ស័យ​ បាន​ប្រាប់​ទៅ​ជនរងគ្រោះ​ឱ្យ​ទូរស័ព្ទ​ទៅ​ក្រុមគ្រួសារ​នៅឯ​ស្រុក​ចិន​ផ្ញើ​ប្រាក់​ចំនួន​១០​ម៉ឺន​យន់​មកឱ្យ​ពួកវា​ជា​ថ្នូរ​និង​ការដោះលែង។ តែដោយសារ​ខាង​គ្រួសារ​នៅឯ​ស្រុក​ចិន​រកលុយ​មិនទាន់​ទើប​សុំ​នៅត្រឹម​៤ម៉ឺន​យន់​វិញ ។​
 ក្រោយពី​បានទទួល​ប្រាក់​ហើយ​ជនសង្ស័យ​បានគេច​ខ្លួន​បាត់អស់។​

    តែបើ​តាម​សំដី​អ្នក​គ្រប់​គ្រង់ អា​ផាត​មិន​វិញ​បានឱ្យដឹងថា មុន​ថ្ងៃ​កើត​ហ​តុ​មួយថ្ងៃ​មាន​មនុស្ស​មួយក្រុម​មក​ជួល​អា​ផាត​មិន​ស្នាក់នៅ​មួយថ្ងៃ គឺ​បន្ទប់​លេខ​៣០៥​ និង​២០៦ ។ ហើយ​នៅ​យប់កើតហេតុ​គាត់​បានឃើញ​ជនរងគ្រោះ​ដើរចូល​ក្នុង​អា​ផាត​មិន​ជាមួយ​បុរស​២​នាក់ តែ​មើល​តាម​កាយវិការ​ហាក់​ដូចជា​អត់​មានការ​គំរាមកំហែង​អ្វី​ទេ គឺ​បុរស​ទាំង​២​នាក់​ដើរ​មុខ ជនរងគ្រោះ​ដើរ​ក្រោយ ស្រាប់តែ​នៅវេលា​ម៉ោង​កើតហេតុ​ខាងលើ​ក៏​ផ្អើល​ថា​មាន​គេ​ចាប់ជំរិត​ទៅវិញ​។​

    ក្រោយពេល​កើតហេតុ​ខាង​សមត្ថ​កិច្ច​មូលដ្ឋាន​សហការ​ជាមួយ​ព្រហ្មទណ្ឌ​កំរិតធ្ងន់​ក្រសួង​បាន​ចូលទៅក្នុង​បន្ទប់​លេខ​៣០៥ ​ដែល​គេ​ឃុំ​ជនរងគ្រោះ និង​បាន​រង​ឃើញ​ខ្សែចំណង​ចងដៃ​ចំនួន​៣​ខ្សែ កូនកាំបិត​ចំនួន​មួយ។​

    នៅ​ជំហាន​ដំបូង​ខាង​សមត្ថកិច្ច​មិនទាន់​អាច​សន្និដ្ឋានថា​ជា​ករណី​អ្វី​ឱ្យ​ពិតប្រាកដ​ទេ ព្រោះថា​តាម​សំដី​ជនរងគ្រោះ និង​សំដី​អ្នក​គ្រប់​គ្រង់ អា​ផាត​មិន ហាក់ដូចជា​មិន​ស៊ី​សង្វាក់​គ្នា​សោះ មានតែ​នាំ​ជង​រងគ្រោះ និង​អ្នក​គ្រប់​គ្រង់​អា​ផាត​មិន ព្រមទាំង​វីដេអូ​ក្នុង​កាមេរ៉ា​សុវត្ថិភាព​មក​ធ្វើការ​វិភាគ ​និង​សួរនាំ​ឱ្យបាន​ច្បាស់លាស់​ជាមុន​ទើប​អាច​សន្និដ្ឋានបានថា​ជា​ករណី​អ្វី​៕

 

adverise with khmeread

មតិយោបល់