adverise with khmeread 1

ឆ្មក់​ចូល​ហាង​ម៉ាស្សា កាត់សក់​បង្កប់​សេវា​រួមភេទ​ឃាត់​មនុស្ស​១៤​នាក់​

    ភ្នំពេញ ៖ មេការស្រីរកស៊ីផ្លូវភេទ នាំភ្ញៀវ និង​អ្នកកូនចៅទៅ​វ៉ៃ​សិច​សរុប​១៤​នាក់ ​ត្រូវបាន​ប៉ូលិស​ឃាត់ខ្លួន​កាលពី​ល្ងាច​ថ្ងៃទី​៩​​ សីហា ​ឆ្នាំ២០១៦ ​នៅ​ចំណុច​ផ្ទះ​លេខ​០១E០ ផ្លូវ​លេខ​៦១ សង្កាត់​ផ្សារ​ថ្មី​១ ខណ្ឌដូនពេញ បើកហាង​ម៉ាស្សា​កាត់សក់​យីហោ​រ ស្មី​បាន់​ធា​ ដែល​បង្កប់​លួចលាក់សេវា​រួមភេទ។​

    ប៉ូលិស​និយាយថា ដោយបាន​ការអនុញ្ញាត និង​បញ្ជា​ផ្ទា​ល់ពី នាយ​ឧ​ត្ត​ម​សេនីយ៍ ស្នងការ​ប៉ូលិស​រាជធានី​ភ្នំពេញ និងក្រោម​ការឯកភាព​ពី​លោក លី សុ​ផា​ណា ព្រះរាជអាជ្ញារង​អម​សាលាដំបូង​រាជធានី​ភ្នំពេញ នៅ​ល្ងាច​ថ្ងៃទី​៩ ខែសីហា ឆ្នាំ​២០១៦​នះ លោក​ឧ​ត្ត​ម​សេនីយ៍​ត្រី ព្រុំ សន្ធរ ស្នងការរង និង​ជា​ប្រធានការិយាល័យ​កណ្តាល​ប្រឆាំង​បទល្មើស បាន​ដឹកនាំ​ការិយាល័យ​ប្រឆាំង​ការជួញដូរ​មនុស្ស និង​ការពារ​អនីតិជន ចុះបង្ក្រាប​ជាក់ស្តែង ករណី​បើក​កន្លែង​ប្រព្រឹត្ត​សញ្ចារកម្ម  ជ្រក​ក្រោម​ស្លាក​យីហោ ហាង​កាត់សក់ ឃាត់​មនុស្ស​១៤​នាក់​។​

    ប៉ូលិស​បន្តថា នៅក្នុង​ប្រតិបត្តិ​ការចុះ​ឆែកឆេរ​នេះ កម្លាំង​ប៉ូលិស​បានធ្វើការ​ឃាត់ខ្លួន​មនុស្ស​១៤​នាក់ រួមមាន ម្ចាស់​ហាង ឈ្មោះ ចាន់ ធា ភេទ ស្រី អាយុ៤៤ឆ្នាំ ជនជាតិ ខ្មែរ  នារី​ម៉ាស្សា​កក់សក់​ចំនួន​១០​នាក់ ជាងកាត់សក់​ម្នាក់ និង​ភ្ញៀវ​មក​រួមភេទ ​ចំនួន២​នាក់​។​

    ប៉ូលិស​បន្តថា ហាង​ម៉ាស្សា កាត់សក់​នេះ លួច​បង្កប់​សេវា​រួមភេទ​នៅក្នុង​បន្ទប់​ខាងក្រោយ ពោល​ពេល​ភ្ញៀវ​កាត់សក់​រួច គឺ​នារីៗ​ទាំងនោះ​សួរថា "​តើ​បង​ចង់​ម៉ាស្សា​ទេ" ​បើ​ចង់​ចូលទៅ​បន្ទប់​ខាងក្រោយ។ ប៉ុន្តែ​មិនមែន​ជាការ​ម៉ាស្សាឱ្យ​ស្រួលខ្លួន​នោះឡើយ ពោល​ជាការ​រួមភេទ​តែម្តង​៕

adverise with khmeread

មតិយោបល់