adverise with khmeread Untitled 1

ប៉ូលិសទម្លាយវីដេអូសកម្មភាព​ចោរ​​ប្លន់​៤​នាក់ ដែលបាញ់ជនរងគ្រោះ​ដកលុយពី​ទូ​ATM

    ភ្នំពេញ ៖ កម្លាំង​ប៉ូលិស​ការិយាល័យ​ព្រហ្មទណ្ឌ​កម្រិតធ្ងន់ សហការ​ជាមួយ​ប៉ូលិស​ការិយាល័យ​ព្រហ្មទណ្ឌ​កម្រិត​ស្រាល , ប៉ូលិសខណ្ឌដូនពេញ ,​ប៉ូលិស​ខណ្ឌចំការមន ,​ប៉ូលិស​ខណ្ឌទួលគោក និង ប៉ូលិស​កង​អន្តរាគមន៍​ពិសេស របស់​ស្នងការដ្ឋាន​ប៉ូលិស​រាជធានី​ភ្នំពេញ បាន​បង្ក្រាបក្រុមចោរប្លន់​ប្រដាប់អាវុធ​ជា​បន្តបន្ទាប់​បាន​៤​នាក់ ​និង​ដកហូត​វត្ថុតាង​មួយចំនួននា​យប់​និង​ព្រឹក​ថ្ងៃទី​១១​សីហា​ឆ្នាំ​២០១​នេះជាមួយការទម្លាយវីដេអូផងដែរ។​

    ប៉ូលិស​និយាយថា  ជនសង្ស័យ​ទី​1- ឈ្មោះ មាស សំណាង ហៅ អាកា​ញ៉ា​ញ់ អា​ត្រងោល ភេទ ប្រុស អាយុ ១៩​ឆ្នាំ មុខរបរ មិន​ពិតប្រាកដស្នាក់នៅ​ផ្ទះជួល​ម្តុំ​ស្ទឹងមានជ័យ​, ជនសង្ស័យ​ទី​2-​ឈ្មោះ គីម ពៅ ហៅ អា​ពេជ្រ ភេទ​ប្រុស អាយុ​19​ឆ្នាំ មុខរបរ មិន​ពិតប្រាកដ ស្នាក់នៅ​ជាមួយ​បងស្រីនៅ​ម្តុំ​ឡឥដ្ឋ​កា​ណា​ឌី​យ៉ា ក្នុង​សង្កាត់​ស្ទឹងមានជ័យ ខណ្ឌមានជ័យ​, ​ជនសង្ស័យ​ទី​3-​ឈ្មោះ ចំ​រើ​ន វាសនា ហៅ ស្នា​ភេទ​ប្រុស អាយុ​21 ឆ្នាំ មុខរបរ មិនពិតប្រាកដ ស្នាក់នៅ​ផ្ទះជួល​ផ្លូវលំ ស្រុក​តាខ្មៅ ខេត្តកណ្តាល​និង​ជនសង្ស័យ​ទី​4-​ឈ្មោៈ ខាត់ សុ​ឃីម ភេទ​ប្រុស អាយុ​១៨​ឆ្នាំ មុខរបរ មិន​ពិតប្រាកដ ស្នាក់នៅផ្ទះ​លេខ ៣០E ផ្លូវជាតិ​លេខ​៤ សង្កាត់​ចោមចៅ ខ​ណ្ឌ័​ពោធិ៍​សែន​ជ័យ ភ្នំពេញ ។​

    ប៉ូលិស​បន្តថា  ក្រៅពី​ឃាត់​ជនសង្ស័យ​ចំនួន 4 នាក់​ប៉ូលិស​ដកហូត​បាន​ម៉ូតូ C125 ២​គ្រឿង មួយគ្រឿង​ជា​មធ្យោបាយ​ធ្វើ​សកម្មភាព​មួយគ្រឿង​,​មួយគ្រឿង​ទៀត​ជា​ម៉ូតូ​របស់​ជនរងគ្រោះ​និង​អាវុធខ្លី​មួយ​ដើ​មម៉ា​ក K54 បង់ 1 គ្រាប់ 8  (​ប្លន់​បាញ់​ជនរងគ្រោះ​បណ្តាលឱ្យ​របួស​យក​ម៉ូតូ​កាលពី​ថ្ងៃទី 10 សីហា​ឆ្នាំ 2016 ម៉ោ​ង 1 និង​30 នាទី​រំលង​អា​ធ្រា​ត្រ​នៅ​ចំណុច​មុខ ហាង​កាហ្វេ ដេលី ក្នុង​សង្កាត់​បឹង​កេងកង 2 ខណ្ឌចំការមន) ។​

    ក្រោយពី​បាន​ធ្វើការឃាត់ខ្លួន​ជនសង្ស័យ​ខាង​លើបាន​ឆ្លើ​យ​សារភាពថា ខ្លួន​ជាមួយនិង​បក្ខពួក​ពិតជា​បាន​ធ្វើ​សកម្មភាព​បាញ់​ជនរងគ្រោះ​ប្លន់យក​ម៉ូតូ​C125 ពណ៌​ខ្មៅ ពាក់​ស្លាក​លេខ 1FX-1645 សេរី​ឆ្នាំ​២០១៦ កាលពីរ​ថ្ងៃទី ១០ សីហា ឆ្នាំ​២០១៦ វេលា​ម៉ោ​ង ១​និង​៣០​នាទី រំលងអធ្រាត្រពិតប្រាកដ​មែន ។​

    គួររំលឹកថា  យុវជន​ម្នាក់​បាន​រងរបួស​ធ្ងន់​ធ្ង​រ​ត្រូវរបួស​ដោយ​គ្រាប់កាំភ្លើង​ចំនួន​២​គ្រាប់​ដេក​ដួល​ក្នុង​ថ្លុកឈាម ខណៈ​ដេញ​ពី​ដក​លុយ​ពី​ទូ​ATM ក៏ត្រូវបាន​ជនសង្ស័យ​២​នាក់​វាយ និង​បាញ់​ប្លន់​យក​ម៉ូតូ​ហុងដា​ស៊េរី​០១៦​បានសម្រេច ហើយ​គេចខ្លួនបាត់​។​

    អំពើ​ប្លន់​ដែល​សមត្ថកិច្ច​មិនអាច​ត្រួតត្រា​បាន​ខាងលើ កើតឡើង​កាលពី​វេលា​ម៉ៅ​ង​១​និង​១៨​នាទី​រំលង​អា​ធ្រា​ត្រ​ឈានចូល​ថ្ងៃទី​១០ ខែសីហាឆ្នាំ​២០១៦ នៅ​ចំណុច​មុខ​ហាង​​កាហ្វេ​ដេលី តាម​បណ្តោយ​ផ្លូវ​ព្រះសីហនុ កែង​នឹង​ផ្លូវ​លេខ​១១៣ ស្ថិតក្នុង​សង្កាត់​បឹង​កេងកង​ទី​២ ខណ្ឌចំការមន ។​

    ជ​នង​គ្រោះ​ឈ្មោះ​ប៊ិន ថា​រ៉ា​ក់ ភេទ​ប្រុស​អាយុ​១៩​ឆ្នាំ​មុខរបរ​បុគ្គលិក​សណ្ឋាគា​រ​វី​ស្នាក់នៅ​ម្តុំ​ត្រឡោកបែក សង្កាត់​ទឹកល្អក់​១ ខណ្ឌទួលគោក  ត្រូវពួកចោរ​បាញ់​ចំ​ធ្លា​យ​លើ​ដោះ​ស្តាំ​និង​ចំ​ភ្លៅ​ស្តាំ ព្យា​ល​បាល​នៅ​កាល់ម៉ែត្រ។​

    ប្រភពព័ត៌មាន​ជុំវិញ​កន្លែងកើតហេតុ​បានឱ្យដឹងថា ដំបូង​គេ​បានឃើញ​យុវជន​ម្នាក់​ជិះ​ម៉ូតូ​ម៉ាក​ហុងដា​ឌ្រី​ម សេ​១២៥ ស៊េរី​ឆ្នាំ​២០១៦ (ស្លាកលេខ​1645) បាន​ជិះ​មក​ឈប់​ម៉ូតូ​នៅ​ចំណុចកើតហេតុ​និង​ដើរ​ចូលទៅ​ដក​លុយ​ពី​ទូ​ATM ។​

    ខណៈពេល​ដក​លុយ​រួច​ដើរចេញ​មកវិញ ក៏​ស្រាប់​តែមាន​ជនសង្ស័យ​២​នាក់​ដោយ​ទំនងជា​តាម​មក​តាំងពីណា​នោះទេ បាន​ដក​កាំភ្លើង​មក​វាយយុវជន​ម្នាក់​នោះ​បំណង​ប្លន់​យក​ម៉ូតូ ប៉ុន្តែ​ជនរងគ្រោះ​មិន​ព្រមឱ្យ ទើប​មានការ​វាយ​ប្រតាយប្រតប់​គ្នា​ទៅវិញទៅមក ។​

    ពេលនោះ​ជនសង្ស័យ​បាន​បាញ់​មកលើ​ជនរងគ្រោះ​ចំនួន​៣​គ្រាប់ ចំ​ស្មា និង​ជើង ចំណែក​១​គ្រាប់​ទៀត​បាញ់​មិន​ចេញ ដោយ​បណ្តាលឱ្យរងរបួស​ធ្ងន់​ធ្ង​រ ដេក​ដួល​ក្នុង​ថ្លុកឈាម​នៅនឹងកន្លែង​កើតហេតុ ។​

    ប្រភព​បន្តថា ភ្លាមៗ​នោះ​ក៏បាន​បង្ក​ការភ្ញាក់ផ្អើល​ដល់​ប្រជាពលរដ្ឋ​ដែល​នៅក្បែរ​នោះដែរ ប៉ុន្តែ​មិនមាន​នរណាម្នាក់​ហ៊ាន​ចូល​ជួយ​នោះទេដោយសារតែ​ជនសង្ស័យ​មាន​កាំភ្លើង​នៅក្នុង​ដៃ ហើយ​ពួកគេ​ក៏បាន​យក​ម៉ូតូ​ជិះ​គេចខ្លួនបាត់​តែម្តង ។​

    ក្រោយមក​សមត្ថកិច្ច​មូល​ដ្ឋា​ន​ជាច្រើន​នាក់ បាន​ត្រឹម​មកឈរ​មើល​ជនរងគ្រោះ​ដេក​ដួល​ក្នុង​ថ្លុកឈាម​នៅនឹងកន្លែង​កើតហេតុ ហើយ​រថយន្តសាមុយ​បានមក​ដឹក​ជនរងគ្រោះ​យកទៅ​សង្គ្រោះ​នៅ​មន្ទីរពេទ្យ​កាល់ម៉ែត ៕


 

adverise with khmeread

មតិយោបល់