adverise with khmeread 1 %282%29

ពាលស៊ីពាល! លើកគ្នាដេញកាប់គេ គេដេញកាប់វិញរត់ចោលគ្នីគ្នា បន្សល់អ្នករបួសធ្ងន់ (មានវីដេអូ)

    ភ្នំពេញ ៖ បុរស​ម្នាក់​បានរ​ងរ​បួស​ក្បាល​ជាច្រើន​កន្លែង ដោយសារតែ​រូបគេ និង​បក្សពួក បាន​ជិះ​ម៉ូតូ​ប្រដាប់​ដោយ​ដាវ​សាំ​ម៉ូ​រ៉ៃ ដេញ​កាប់​ទៅលើ​ក្រុមយុវជន​ប្រុស​ស្រី​មួយក្រុម​ផ្សេងទៀត តែ​ត្រូវ​ក្រុមយុវជន​ប្រុស​ស្រី ដណ្តើមបាន​ដាវ​កាប់​ទៅវិញ​ដេក​ក្នុង​ថ្លុកឈាម។​

    អំពើហិង្សា​បែបអនាធិបតេយ្យ​នេះ កើតឡើង​កាលពី​វេលា​ម៉ោង​១​រំលង​អា​ធ្រា​ត្រ​ឈានចូល​ថ្ងៃទី១២ សីហា ឆ្នាំ២០១៦ ​នៅ​ចំណុច​កា​រ៉ា​ស់​សាំង​តេ​លា មុខ​សាលា​វិទ្យាល័យ​ហ៊ុនសែន​ជម្ពូ​វ​ន័ ច្រកចូល​ផ្សារ​ឯករាជ្យ​២ ស្ថិតក្នុង​ភូមិ​ជម្ពូ​វ​ន័ សង្កាត់​ចោមចៅ ខណ្ឌ​ពោធិ៍​សែន​ជ័យ។​

    តាម​ប្រភពពី​យុវជន​ដែល​គេ​ដេញ​កាប់ បាន​ប្រាប់​ឱ្យដឹងថា មុនពេល​កើតហេតុពួកគេ​មាន​គ្នា​ប្រុស​ស្រី​សរុប​៨​នាក់ ជិះ​ម៉ូតូ​៤​គ្រឿង ទើប​ចេញពី​ដើរលេង​អង្គុយ​ផឹកស៊ី​នៅ​កោះ​ពេជ្រ  ហើយ​ម៉ោងជាង​១២​យប់​មុនពេល​កើតហេតុ ក្រុម​គេ​ក៏បាន​នាំ​គេ​មកវិញ​បំណង​ទៅផ្ទះ។​

    ខណៈពេល​ជិះ​ម៉ូតូ​តាមផ្លូវ ​គ្នីគ្នា​ជិះ​២​ម៉ូតូនៅខាងមុខ រីឯ​ពួកខ្លួន​២​ម៉ូតូ​ទៀត​ជិះ​តាម​ពីក្រោយ រហូតមកដល់​មុខ​ព្រលានយន្តហោះ​ពោធិចិនតុង ក៏​លេចមុខ​ជន​មួយក្រុម​មាន​គ្នា​៤​នាក់​ម៉ូតូ​២​គ្រឿង​ម៉ាក ហុងដា​សេ​១២៥ តាម​មកពី​ក្រោយ​ដេញ​ពួកខ្លួន ឃើញ​ដូច្នេះ ក៏មាន​ការភ័យខ្លាច​បា​ន​បន្ថែម​ល្បឿន​ម៉ូតូ រត់​មកដល់​ចំណុច​មុខ​វិទ្យាល័យ​ជម្ពូ​វ័ន​ក៏ត្រូវ ក្រុម ដែលមាន​ដាវ​ដេញទាន់ ពួកគេ​ទាំង​២​ម៉ូតូ បាន​បើកឆាក​ប្រយុទ្ធ​គ្នា​តែម្តង។​

    ប្រភពពី​ជនរងគ្រោះ​បាន​បន្តទៀតថា ក្រុម​ដែល​ដេញ​កាប់​ពួកខ្លួន បាន​កាប់​ទៅលើ​ម៉ូតូ​របស់គេ​មួយគ្រឿង​ម៉ាក Zoomer -X ខូ​ត​ខាត​យ៉ាង​មួយចំនួន ហើយ​បាន​រុញ​ម៉ូតូ​របស់គេ​ទម្លាក់​ចូលក្នុង​ប្រឡាយទឹក​ស្អុយ​ទៀតផង។ ក្រោយមក​ពួកគេ​រកបាន​ដំបង​នៅ​ជុំវិញ​កន្លែងកើតហេតុ ដេញ​ប្រយុទ្ធ​ទៅវិញទៅមក រហូត​ដណ្តើមបាន​ដាវ​របស់​ជនបង្ក​រួច​បាន​កាប់​ទៅលើ​ជនបង្ក​ម្នាក់​បណ្តាលឱ្យ​របួស​ក្បាល​ជាច្រើន​កន្លែងដេក​ដួល​ក្នុង​ថ្លុកឈាម។​
​ក្រុម​ជនបង្ក​ឃើញ​ដូច្នេះ ក៏បាន​នាំគ្នា​ជិះ​ម៉ូតូ​រត់​ក្រោយ​គ្នា​គេ​ចេញទៅ​បាត់​។

    ក្រោយពេល​កើតហេតុ បាន​បន្តិច​ក៏​ប្រទះ​នឹង​កម្លាំង​ល្បាត ចូលទៅ​បង្ក្រាប​និង​ឃាត់​បាន​បីនាក់​ភ្លាមៗ​។ ដោយឡែក​បុរស​ដែល​កាប់​គេ ត្រូវគេ​កាប់​វិញ​ក្លាយជា​ជនរងគ្រោះ​នោះ​ត្រូវបាន​គេ​ស្គាល់ឈ្មោះ សៀង វិ​សិទ្ធ អាយុ​២៥​ឆ្នាំ មុខរបរ​លាង​ម៉ូតូ ស្នាក់នៅ​ភូមិ​ព្រៃទា សង្កាត់​ចោមចៅ ខណ្ឌ​ពោធិ​សែន​ជ័យ មាន​ស្រុកកំណើត​នៅ​ស្រុក​ស្វាយ​អ​ន្ទ​រ ខេត្តព្រៃវែង។​

    ចំណែក​ក្រុម​ជនរងគ្រោះ​តែ​ឥឡូវ​ក្លាយជា​ជនដៃដល់​វិញ​ហើយ នោះ​ទីមួយ​-​ឈ្មោះ ណាក់ ណុប អាយុ​២០​ឆ្នាំ, ទី​២-​ឈ្មោះ វណ្ណ ដា អាយុ​២៣ អ្នក​ទាំង​២ នាក់​ធ្វើការ​នៅ​ហាង ស៊ុប ស៊ុន ហេង​ជម្ពូ​វ័ន ស្នាក់នៅ​កន្លែងធ្វើការ និង​ទី​៣-​ឈ្មោះ សឿន ចាន់​ធឿន​អាយុ ២៤​ឆ្នាំ មុខរបរ​ជា​ងម៉ាស៊ីនដេរ ស្នាក់​ផ្ទះជួល​ភូមិ​ជម្ពូ​វ័ន សង្កាត់​ចោមចៅ ហើយ​សមត្ថកិច្ច​បាន​ដកហូត​ម៉ូតូ​២​គ្រឿង​ម៉ាក ​Zoomer -X មួយគ្រឿង​និង​ម៉ា​កស្សុយ​ស៊ី​គី​ស្មាស់ វី​មួយគ្រឿង​។​

    ក្រោយពេល​កើតហេតុ កម្លាំង​ប៉ូលិស​បាន​ឃាត់ខ្លួន​យុវជន​ទាំង​៣​នាក់​រួម​និង​ម៉ូតូ​២​គ្រឿង​មក​ប៉ុស្តិ៍​ចោមចៅ ដើម្បី​កសាង​សំណុំ​រឿង​ប​ញ្ចូ​ន​ខ្លួន​មក​ជំនាញ​ព្រហ្មទណ្ឌ​ខណ្ឌ​ធ្វើការ​ចាត់ការ​បន្ត តាម​និតិ​វិធី​ច្បាប់៕

 

adverise with khmeread

មតិយោបល់