0

បើ​បាន​ទៅលេង​ប្រយ័ត្ន​វង្វេង​! នេះ​ជា​សណ្ឋាគារ​ធំ​បំផុត​របស់​ពិភពលោក គ្រាន់តែ​បន្ទប់​ប្រណិត​មាន​ដល់​ទៅ ១០.០០០ បន្ទប់​


​    ​សណ្ឋាគារ​ធំ​បំផុត​របស់​ពិភពលោក ដែលមាន​បន្ទប់​ប្រណិត​ដល់​ទៅ ១០.០០០ បន្ទប់​នេះ អាច​នឹង​បើក​សម្ភោ​ធ​ជា​ផ្លូវការ​នៅ​ទីក្រុង Mecca ប្រទេស​អា​រ៉ា​ប៊ី​សា​អូឌីត នៅ​ដើមឆ្នាំ​ក្រោយនេះ​។ 
​    ​
​    ​សណ្ឋាគារ​ឈ្មោះ Abraj Kudai នេះ​មាន​បន្ទប់​មហា​ប្រណីត​សម្រាប់​អ្នកធ្វើ​ធម្ម​យាត្រា​សម្បូរ​ទ្រព្យ​ស្តុកស្តម្ភ ជាពិសេស​គ្រួសារ​រាជវង្ស​អា​រ៉ា​ប៊ី​សា​អូឌីត មាន​ហាង​ទំនើបៗ មាន​ភោជនីយដ្ឋាន​ច្រើន​កន្លែង និង សាល​ដ៏​ធំ​ល្វឹងល្វើយ​។ ខាងក្រោម​នេះ​គឺជា​ស្ថិតិ​បន្ថែម​អំពី​អគារ​ដ៏​ធំ​អស្ចារ្យ​នេះ​។ 

​    ​- បន្ទប់​ចំនួន ១០.០០០
​    ​- មាន​ប៉ម​ខ្ពស់​ចំនួន ១២ ក្នុងនោះ ១០ គឺ​លំដាប់​ផ្កាយ ៤ និង ២ ទៀត​លំដាប់​ផ្កាយ ៥
​    ​- ប៉ម​ធំ​បំផុត​គឺមាន ៤៥ ជាន់ និង​ទាប​បំផុត​គឺមាន ៣០ ជាន់​
​    ​- ៥ ជាន់​គឺ​ទុក​ទំនេរ​សម្រាប់​គ្រួសារ​រាជវង្ស​អា​រ៉ា​ប៊ី​សា​អូឌីត​
​    ​- កន្លែង​ចុះ​ឧទ្ធម្ភាគចក្រ ៤
​    ​- ភោជនីយដ្ឋាន​ចំនួន ៧០ កន្លែង​
​    ​- សណ្ឋាគារ​ទាំងមូល​ចំណាយ​សាងសង់​អស់ ៣,៥ ពាន់​លាន​ដុល្លារ​
​    ​- ទីតាំង​អគារ​មាន​ផ្ទៃក្រឡា ៦៤.០០០ ម៉ែត្រការ៉េ​
​    ​- គ្រប់​ជាន់​ទាំងអស់​បូក​ចូលគ្នា​មាន​ផ្ទៃក្រឡា ១.៤០០.០០០ ម៉ែត្រការ៉េ​
​    ​- ឆ្នាំ​ដែល​អាច​បើក​ដំណើរការ​គឺ ២០១៧ ឬ​យ៉ាងយូរ​អាច​ពន្យា​ដល់​ឆ្នាំ ២០១៨
​    ​- អ្នកធ្វើ​ធម្ម​យាត្រា​មកកាន់​ទីក្រុង Mecca ក្នុង​មួយឆ្នាំ​សម្រាប់​ពិធីបុណ្យ Hajj គឺមាន​ចំនួន ២.០០០.០០០​នាក់​
​    ​- អ្នកទេសចរ​ដែល​មក​លេង​ទីក្រុង Mecca ក្នុង​មួយឆ្នាំ​គឺ ២០ លាន​នាក់​៕ 


 

ប្រភព៖ telegraph

អ្នកនឹងចូលចិត្ត

មតិយោបល់