adverise with khmeread Cc8aqv4weae1u0v

ចាក់​សម្លាប់​បុរស​ម្នាក់​គ្រាន់តែ​សួរថា​តើ​រវាង Lionel Messi និង Cristiano Ronaldo នរណា​ខ្លាំង​ជាង

    ​បុរស​ម្នាក់​ត្រូវបាន​សម្លាប់ បន្ទាប់ពី​ជជែក​រកហេតុ​ផល​ជាមួយ​មិត្ត​របស់ខ្លួន​ម្នាក់​ជុំវិញ​រឿង​ថា​តើ Lionel Messi ឬ Cristiano Ronaldo មួយណា​ជា​តារាបាល់ទាត់​ឆ្នើម​ជាងគេ​នៅក្នុង​ពិភពលោក​។ នេះ​បើតាម​វេ​ប​សាយ BBC ចេញផ្សាយ​កាលពី​ថ្ងៃ​សុក្រ​។ 

​    ​បុរស​សញ្ជាតិ​នី​ហ្សេ​រី​យ៉ា Michael Chukwuma វ័យ ២១​ឆ្នាំ បាន​ចាក់​សម្លាប់​មិត្ត​រួម​សញ្ជាតិ​វ័យ ៣៤​ឆ្នាំ​របស់ខ្លួន Obina Durumchukwu នៅ​ជាយក្រុង​មុំ​បៃ​។ នេះ​ផ្អែកទៅលើ​សម្តី​របស់​មន្ត្រីប៉ូលិស​ឥណ្ឌា​។​

​    ​ហេតុការណ៍​នេះ​បាន​កើតឡើង​បន្ទាប់ពី​ពួកគេ​បាន​ប្រារព្ធ​ពិធីជប់លៀង​មួយ​។​

​    ​អធិការ​ប៉ូលិស​ម្នាក់​បាន​និយាយថា "​ពួកគេ​បាន​ជជែក​គ្នា​ពី​កីឡាករ​បាល់ទាត់​។ ម្នាក់​ជា​ប្រិយមិត្ត​របស់ Messi និង​ម្នាក់ទៀត Ronaldo "​។​

​    ​ប៉ូលិស​បាន​បន្ថែមថា "​អំឡុង​ការសន្ទនា ការឈ្លោះប្រកែក​គ្នា​មួយ​បាន​កើតឡើង​។ ជនរងគ្រោះ​ដែល​ស្លាប់​បាន​គប់​កែវ​មួយ​ទៅលើ​មុខ​របស់​ជនជាប់ចោទ​។ កែវ​បាន​បែក ហើយ​បណ្តាលឱ្យមាន​របួស​តិច​តួច​។ បន្ទាប់ពីនោះ​ជនជាប់ចោទ​បាន​ចាប់យក​អំបែង​កែវ​ចាក់ទៅលើ​ជនរងគ្រោះ​រហូតដល់​ស្លា​ប់​"​។​

​    ​ហេតុការណ៍​វាយប្រហារ​គ្នា​នេះ​កើតឡើង​នៅពេល​ជនរងគ្រោះ​អះអាងថា Ronaldo ល្អ​ជាង Messi​។​

​    ​តារាបាល់ទាត់​អន្តរជាតិ​អា​ហ្ស​ង់​ទីន Messi វ័យ​២៨​ឆ្នាំ គឺជា​ម្ចាស់​ពាន​តារាបាល់ទាត់​ឆ្នើម​របស់​ពិភពលោក​ប្រាំ​សម័យកាល ខណៈដែល​ប្រធាន​ក្រុម​ព័រ​ទុយ​ហ្គា​ល់ Ronaldo វ័យ​៣១​ឆ្នាំ ក៏បាន​ឈ្នះ​ពាន​មួយ​នេះ​ចំនួន​បី​លើក​ផងដែរ​៕

adverise with khmeread
ប្រភព៖ BBC

មតិយោបល់