00

​ទោស​ប្រហារជីវិត​មិនអាច​កើតឡើង​ចំពោះ​សម្រាប់​កីឡាការិនី​កូរ៉េខាងជើង​ទេ​! ខណៈ​ម្ចាស់​រូប Selfie ភ្ញាក់ផ្អើល​ដែល​ខ្លួន​ចាប់ផ្តើម​ល្បី​

    ​អត្ត​ព​លិ​ក​នារី​កាយសម្ព័ន្ធ​តំណាងឱ្យ​ប្រទេស​កូរ៉េខាងត្បូង Lee Eun Ju ដែល​បានធ្វើឱ្យ​ខ្លួនឯង​ទទួលបាន​ការចាប់អារម្មណ៍​ដោយ​ចៃដន្យ​ពី​អន្តរជាតិ បន្ទាប់ពី​ថតរូប​ភាព Selfie មួយ​សន្លឹក​ជាមួយនឹង​អត្ត​ព​លិ​ក​នារី​តំណាងឱ្យ​ប្រទេស​បងប្អូន​ជម្លោះ​រ៉ាំរ៉ៃ​កូរ៉េខាងជើង​ក្នុង​ទីក្រុង​រី​យ៉ូ បាន​និយាយ​កាលពី​ថ្ងៃ​សុក្រ​ម្សិលមិញ​ថា នាង​មានការ​ភ្ញាក់ផ្អើល​ចំពោះ​ការឆ្លើយតប​ដ៏​អស្ចារ្យ​ទៅលើ​ទង្វើ​ដ៏​សាមញ្ញ​មួយ​នេះ​។​

​    ​រូបថត​មួយ​សន្លឹក​របស់ Lee និង​អត្ត​ព​លិ​ក​នារី​តំណាងឱ្យ​ប្រទេស​កូរ៉េខាងជើង Hong Un Jong ដែល​បាន​ផ្តិត​ចូលទៅក្នុង​ទូរស័ព្ទដៃ​របស់ Lee បាន​រីក​រាលដាល​យ៉ាង​រហ័ស​ក្នុង​បណ្តាញ​សង្គម ខណៈដែល​អ្នកគាំទ្រ​ជាច្រើន​ចំពោះ​រូបថត​មួយ​សន្លឹក​នេះ​បាន​ប្រៀបធៀប​ថា​វា​ជា​ស្មារតី​ដ៏​ល្អឥតខ្ចោះ​នៃ​ព្រឹត្តិការណ៍​កីឡា​អូឡាំពិក​។​

​    ​រូបថត​នេះ​ត្រូវបាន​បង្ហោះ​ចូលទៅក្នុង​បណ្តាញ​សង្គម និង​ត្រូវបាន​ចែកចាយ​ដោយ​អ្នកគាំទ្រ​ជាច្រើន​រាប់សិប​ម៉ឺន​នាក់ រួម​ជាមួយនឹង​ការគាំទ្រ​ធំៗ​មួយចំនួនទៀត​ផងដែ​រ​រួម​ដូចជា ប្រធាន​គណៈកម្មាធិការ​អូឡាំពិក​អន្តរជាតិ  (IOC) លោក Thomas Bach បាន​បញ្ជាក់ថា វា​គឺជា "​កាយវិការ​ដ៏​អស្ចារ្យ​ផងដែរ​"​។​

​    ​ដោយឡែក​ការបារម្ភ​អំពី​សុវត្ថិភាព​របស់​នាង Hong Un Jong អត្ត​ព​លិ​ក​កូរ៉េខាងជើង ក៏​លែងមាន​បញ្ហា​ដែរ ដោយសារ​មន្ត្រី​កីឡា​អូឡាំពិក​កូរ៉េខាងជើង​បញ្ជាក់ថា នាង​នឹង​ពុំ​មានទោស​រហូតដល់​ប្រហារជីវិត​ទេ​គ្រាន់តែ​រូបថត​មួយ​សន្លឹក​នេះ ព្រោះ​កន្លងមក​នាង​បាន​ថតរូប​ជាមួយ​កីឡាករ​ដែល​មកពី​ប្រទេស​សត្រូវ​រាប់​ភ្លេច​មកហើយ ក្នុងនោះ​រាប់ទាំង​អាមេរិក​ផងដែរ​៕

ប្រភព៖ Straitstimes

មតិយោបល់