adverise with khmeread 587124710

ជា​ជម្រើស​ត្រឹមត្រូវ​ទេ​? Arsene Wenger ត្រៀម​តែងតាំង​ប្រធាន​ក្រុម​ថ្មី​សម្រាប់​រដូវ​កាល​ថ្មី​

    ​អ្នកចាត់ការ​ទូទៅ​ក្រុម​កាំភ្លើង​ធំ Arsenal លោក Arsene Wenger ត្រូវបាន​គេ​រាយការណ៍​ថា​បានជ្រើសរើស Santi Cazorla ធ្វើជា​ប្រធាន​ក្រុម​ថ្មី​របស់គាត់​សម្រាប់​រដូវ​កាល​ថ្មី​២០១៦/១៧ ដែល​នឹងត្រូវ​បើកឆាក​នា​រាត្រី​នេះ​។​

​    ​អ្នកចាត់ការ​សញ្ជាតិ​បារាំង​រូបនេះ ត្រូវបាន​តម្រូវឱ្យមាន​ការសម្រេច​ចិត្ត​មួយ​ដើម្បី​ជ្រើសរើស​ប្រធាន​ក្រុម​ថ្មី​របស់គាត់ បន្ទាប់ពី​ការចាកចេញ​របស់​អតីត​ប្រធាន​ក្រុម​ចាស់ Mikel Arteta នៅឯ​ចុងបញ្ចប់​រដូវ​កាល​មុន​។​

​    ​Per Mertesacker បាន​ក្តោប​ក្តាប់​តួនាទី​មួយ​នេះ​សម្រាប់​ការប្រកួត​ជាច្រើន​កាលពី​ឆ្នាំមុន​អំឡុងពេល​អវត្តមានរ​បស់ Arteta ដោយ​បញ្ហា​របួស ប៉ុន្តែ​វា​ហាក់ដូចជា​គាត់​បាន​ជ្រុះ​ចេញពី​ការសម្រេចចិត្ត​របស់ Wenger នាពេល​បច្ចុប្បន្ន​នេះហើយ​។​

​    ​យោងតាម​វេ​ប​សាយ Daily Star បានឱ្យដឹងថា Wenger បានជ្រើសរើស​កីឡាករ​សញ្ជាតិ​អេ​ស្ប៉ា​ញ​ដទៃទៀត​ដើម្បី​ដឹកនាំ​ក្រុម ដោយ​បង្ហាញ​ពី​ជំនឿ​ដ៏​ធំ​ទៅលើ​ខ្សែបម្រើ Cazorla ដែល​បាន​ខកខាន​ការប្រកួត​ជាច្រើន​កាលពី​រដូវ​កាល​មុន បន្ទាប់ពី​ទទួល​បញ្ហា​របួស​នៅ​ពាក់​កណ្តាលផ្លូវ​នៃ​ដំណើរ​ប្រជែង​លី​ក​។​

​    ​Petr Cech ក៏មាន​ឈ្មោះ​នៅក្នុង​ដំណើរ​ជ្រើសតាំង​ប្រធាន​ក្រុម​ថ្មី​ដែរ ប៉ុន្តែ​ចំណង់​ចំណូលចិត្ត​របស់ Wenger មិន​ចង់​ជ្រើសរើស​ប្រធាន​ក្រុម​ជា​អ្នកចាំទី​ឡើយ ដែល​សូម្បីតែ​ខ្សែការពារ​កណ្តាល Laurent Koscielny ក៏​ប្រហែលជា​ត្រូវបាន​ស្ថិតនៅក្នុង​ជម្រើស​ជាក់ស្តែង​ច្រើនជាង​គាត់​ផងដែរ​។​

​    ​Cazorla បាន​ចូលរួម​ជាមួយ Arsenal កាលពី​ឆ្នាំ​២០១២ ហើយក៏​ជា​កីឡាករ​ម្នាក់​ដែលមាន​បទពិសោធន៍​ខ្ពស់​ផងដែរ​សម្រាប់​ក្រុម​មួយ​នេះ​នាពេល​បច្ចុប្បន្ន​៕

adverise with khmeread
ប្រភព៖ Metro

មតិយោបល់