adverise with khmeread 13950981 1032870820161166 605555695 o

ជិះ​ម៉ូតូ​លឿនពេក ជ្រុល​ទៅបុក​ឃឿន​និង​បង្គោល​ភ្លើង​ស្ពាន​ច្បារអំពៅ ​រងរបួស​ធ្ងន់​(មានវីដេអូ)

    ភ្នំពេញ​ ​៖​ យុវជន​ម្នាក់​ទំនងជា​ស្រវឹងស្រា បាន​ជិះ​ម៉ូតូ​ក្នុង​ល្បឿន​លឿន​រេ​ចង្កូត​ទៅ​ឡើងលើ​ឃឿន​ស្ពាន​ច្បារអំពៅ​​ និង​ជ្រុល​ទៅបុក​បង្គោល​ភ្លើង​បណ្ដាល​ឱ្យ​ដួល​បោក​ក្បាល​ហូរឈាម​រងរបួស​ធ្ងន់​។ ហេតុការណ៍​គ្រោះថ្នាក់​ចរាចរណ៍​បង្កឡើង​ដោយ​ខ្លួនឯង​ខាងលើនេះ​បានកើត​ឡើង​កាលពី​វេលា​ម៉ោង​១ ​និង​១០​នាទី​រំលង​អធ្រាត្រ ឈានចូល​ថ្ងៃទី​១៣ ខែសីហា ឆ្នាំ​២០១៦ នៅ​ចំណុច​លើ​ស្ពាន​ច្បារអំពៅ​ថ្មី ស្ថិតក្នុង​សង្កាត់​ច្បារអំពៅ​២ ខណ្ឌ​ច្បារអំពៅ។ 

    តាម​សម្ដី​សាច់ញាតិ​ជនរងគ្រោះ​បាន​ប្រាប់ថា ជនរងគ្រោះ​មានឈ្មោះ​ ឡី ភេទ​ប្រុស អាយុ​២០​ឆ្នាំ ស្នាក់នៅ​សង្កាត់​និ​រោ​ធ៍ ខណ្ឌ​ច្បារអំពៅ រាជធានី​ភ្នំពេញ​។ 

    ប្រភពព័ត៌មាន​ពី​ប្រជាពលរដ្ឋ​ដែល​ធ្វើដំណើ​ឆ្លងកាត់​កន្លែងកើតហេតុ​ខាងលើ​បាន​ប្រាប់​ឱ្យដឹងថា ដំបូង​គេ​សង្កេតឃើញ​ជនរងគ្រោះ​បាន​ជិះ​ម៉ូតូ​ម៉ាក​ហង់​ដា​ឌ្រី​ម​សេរី​២០១១ ពណ៌​ខ្មៅ ពាក់​ស្លាក​លេខ​ភ្នំពេញ ​1AZ.8718 ទិសដៅ​ពី​កើ​តទៅ​លិច​ក្នុង​ល្បឿន​លឿន ដោយ​បំណង​ឆ្លងស្ពាន​ច្បារអំពៅ ហើយ​ទំនងជា​ទំនងជា​ស្រវឹង​ស្រាផង​នោះ ក៏បាន​រេ​ចង្កូត​ឡើង​ឃឿន​ស្ពាន​ទៅបុក​បង្គោល​ភ្លើង​បណ្ដាល​ឱ្យដួល​បោក​ក្បាល​ទៅ​នឹង​ផ្លូវ​ហូរឈាម​ពេញ​ខ្លួន​រងរបួស​យ៉ាងធ្ងន់ធ្ងរ រីឯ​ម៉ូតូ​រង​ការខូចខាត​ខាងមុខ​ជាច្រើន​ផងដែរ​។ 

    ក្រោយពេល​កើតហេតុ ជនរងគ្រោះ​ត្រូវបាន​ប្រជាពលរដ្ឋ​ទំនាក់ទំនង​ទៅ​រថយន្ត​សង្គ្រោះ​ដឹកយក​ទៅ​ព្យាបាល​នៅ​មន្ទី​ពេទ្យ រីឯ​ម៉ូតូ​ជនរងគ្រោះ​ត្រូវបាន​សម្ថ​កិច្ច​មូលដ្ឋាន​ធ្វើការ​វាស់វែង យកទៅ​ក្សា​ទុក​អធិការដ្ឋាន​នគរបាល​ខណ្ឌ​ច្បារអំពៅ ដើម្បី​រងចាំ​ប្រគល់​ឱ្យម្ចាស់​វិញ​៕​

 

adverise with khmeread

មតិយោបល់