adverise with khmeread 13989509 274780456236408 457817479 n

ឃាត់​ចោរលួច​ម៉ូតូ​២​នាក់​នៅ​ក្រុងព្រះសីហនុ​

    ព្រះសីហនុ ៖ កម្លាំង​ប៉ូលិស​ប៉ុស្តិ៍​សង្កាត់​៤ បាន​សហការ​ជាមួយ កម្លាំង​ប៉ូលិស​ក្រុងព្រះសីហនុធ្វើការ​ស្រាវជ្រាវ ចាប់​ជនសង្ស័យ​ចំនួន​២​នាក់ នៅ​ថ្ងៃទី​១៣​ សីហា ​ឆ្នាំ​២០១៦ ម៉ោង​១០ ​និង​៣០​នាទី​នេះ ពីបទ​ចោរកម្ម កាច់​បំបែក​សោក​លួច​ម៉ូតូ កាលពី​ថ្ងៃទី៦ ​សីហា ​​ឆ្នាំ២០១៦ ម៉ោង​១៦ កន្លងទៅ​នៅ​ឆ្នេរសមុទ្រ​អូរត្រេះ ក្នុងភូមិ​៦ សង្កាត់​៤ ក្រុងព្រះសីហនុ។​

    ប៉ូលិស​និយាយថា ជនរងគ្រោះ​ឈ្មោះ អោម និមល ភេទ​ប្រុស អាយុ​៣២​ឆ្នាំ មុខរបរ មេការ ស្នាក់នៅ​ភូមិ​៥ សង្កាត់​៤ ក្រុងព្រះសីហនុ។​

    ចំណែក​ជនសង្ស័យ​ចំនួន​២​នាក់​មាន១.​ឈ្មោះ រុំ ភឿ​ក ហៅធារ៉ា ភេទ​ប្រុស អាយុ​២៥​ឆ្នាំ មុខរបរ សន្តិសុខ​ឯកជន ស្នាក់នៅ​ផ្ទះជួល ភូមិ​៥ សង្កាត់​៤ ក្រុងព្រះសីហនុ​ (ចារី​ដៃដល់) និង​២.​ឈ្មោះ​ វ៉ាត វុ​ធ ភេទ​ប្រុស អាយុ​២៧​ឆ្នាំ មុខរបរ កាប់​ជ្រូក ស្នាក់នៅ​ផ្ទះជួល ភូមិ​៥ សង្កាត់​៤ ក្រុងព្រះសីហនុ (​អ្នកទទួលផល​ចោរកម្ម​)។​

    រីឯ​បក្ស​ពួកវា ចំនួន​២​នាក់​ទៀត​ឈ្មោះ ឡុង បញ្ញា និង​ឈ្មោះ យូ គេចខ្លួន​ប៉ូលិស​កំពុង​តាម​ចាប់ខ្លួន។ ​វត្ថុតាង​ចាប់យក​បាន ម៉ូតូ​អ៌ែ​រ​ប្លែ​ត ចំនួន​២​គ្រឿង​ជា​ផល​នៃ​អំពើចោរកម្ម។​

    បច្ចុប្បន្ន ជនសង្ស័យ​និង​វត្ថុតាង កម្លាំង​ជំនាញ កំពុង​បន្ត​និតិ​វិធី បញ្ជូនទៅ​តុលាការ៕

adverise with khmeread

មតិយោបល់