adverise with khmeread 14012071 274791936235260 1568763137 n

រកឃើញ​សត្វ​គោ​៣​ក្បាល​មកវិញ​....​តែ​ចោរ​រត់​បាត់​

    ពោធិ៍សាត់ ៖ ប៉ូលិស​ការិយាល័យ​ព្រហ្មទណ្ឌ​កម្រិត​ស្រាល​ខេត្តពោធិសាត់​ បាន​ស្រាវជ្រាវ​រកឃើញ​សត្វ​គោ​៣​ក្បាល​កាលពី​ល្ងាច​ថ្ងៃទី១២ ​សីហា​ ឆ្នាំ​២០១៦ បន្ទាប់ពី​មាន​ចោរហារយ​មក​លួច​យក​កាលពី​ថ្ងៃទី​១១​ សីហា ​ឆ្នាំ​២០១៦ ​ម៉ោង​ទៀបភ្លឺ​នៅ​ចំណុច ភូមិ​ដូង​ជ្រុំ ឃុំ​បឹង​បត់​កណ្តោល ស្រុក​បាកាន ខេត្តពោធិ៍សាត់​។​

    ប៉ូលិស​និយាយថា បន្ទាប់ពី​ករណី​ចោរលួច​គោ​ចំនួន​៣​ក្បាល​កាលពី​ថ្ងៃទី​១១​ សីហា​ ២០១៦​ ម៉ោង​៣ ​និង​៤៦​នាទី​ទៀបភ្លឺ​នៅ​ចំណុច​ភូមិ​ដូង​ជ្រុំ ឃុំ​​បឹង​បត់​កណ្តោល​ ស្រុក​បាកាន​រួចមក នៅ​ថ្ងៃទី​១២​ សីហា​ ឆ្នាំ​២០១៦​ប៉ូលិស​ការិយាល័យ​ព្រហ្មទណ្ឌ​កម្រិត​ស្រាល​និង​ប៉ូលិស​ស្រុក​បាកាន បាន​ចុះ​ស្រា​ជ្រាវរ​កនៅ​ចំណុច​បឹង​អណ្តើក​ហេតុ ភូមិ​ក្រពើ​តោ​ទិ៍ ឃុំស្នាម​ព្រះ  ស្រុក​បាកាន ខេត្ត​ពោ​ធិ៏​សាត់​ បាន​រកឃើញ​គោ​ចំនួន​៣​ក្បាល ​ដែល​ចោរ​បាន​លួច​យកមក​ចង​ចោល​នៅ​ទីនោះ​។​

    បន្ទាប់មក​សមត្ថកិច្ច​បានធ្វើ​កំណត់ហេតុ​ប្រគល់ឱ្យ​ម្ចាស់​គោ​ឈ្មោះ​ ម៉ាក ឡុង ភេ​ទ្រុស អាយុ​៤៥​ឆ្នាំ ​ជនជាតិខ្មែរ​អ៊ី​ស្លាម​នៅ​ម៉ោង​៦ ​និង​៤៨​នាទី​ល្ងាច​ថ្ងៃទី​១២ ​សីហា​ ឆ្នាំ​២០១៦​នៅ​ប៉ុ​ស្តិ៍ស្នាម​ព្រះ តែម្តង៕​

adverise with khmeread

មតិយោបល់