adverise with khmeread 1

ប្អូនប្រុស​ជីដូនមួយរ​បស់​តារា​សម្តែង​ ​ខៀវ សុខា​រ៉ាវី ត្រូវ​ឃាតករ​បាញ់សម្លាប់ (មានវីដេអូ)​

    ភ្នំពេញ ៖ មាន​ករណី​បាញ់ប្រហារ​សម្លាប់​មនុស្ស​នោ​ក្នុង​ទីតាំង​ Star Mart ឈ្មោះ Only U ស្ថិតនៅ​ក្បែរ​ផ្សារ​រាត្រី ផ្ទះ​លេខ ១៦៥​អឺ​អូ ផ្លូវ​លេខ​១ ក្រុមទី​៣៦ ភូមិ​១ សង្កាត់​ផ្សារកណ្តាល​ទី​១ ខណ្ឌដូនពេញ​ដែល​គេ​ស្គាល់​ថា​ជា​ហាង​របស់​តារា​សម្តែង ខៀវ សុខា​រ៉ាវី នៅវេលា​ម៉ោង​៩ ​និង​១០​នាទី​យប់​ថ្ងៃទី​១៣ ​សីហា ​ឆ្នាំ​២០១៦​នេះ។​

    សមត្ថកិច្ច​បានឱ្យដឹង​នៅ​ជំហាន​ដំបូង​ថា ជនរងគ្រោះ​ដែល​ស្លាប់ ឈ្មោះ សឺ​ន ចាន់​ដា​រ័ត្ន ភេទ​ប្រុស អាយុ​២៨​ឆ្នាំ មុខរបរ​បុគ្គលិក​ក្រុមហ៊ុន អចលនទ្រព្យ​ត្រូវជា​ប្អូនប្រុស​ជីដូនមួយ​របស់​ ខៀវ សុខា​រ៉ាវី។​

    ចំណែក​ជនសង្ស័យ​ឈ្មោះ ខៀវ ថន​វណ្ឌ​ឌី ភេទ​ប្រុស អាយុ​២៦​ឆ្នាំ ឃាត់ខ្លួន​បណ្តោះអាសន្ន​នៅ​ទីបញ្ជាការដ្ឋាន​អាវុធហត្ថ ខណ្ឌដូនពេញ​ដើម្បី​សួរនាំ ដែល​សមត្ថកិច្ច​សង្ស័យ​ថា​ជា​ខ្មាន់កាំភ្លើង បាញ់​បណ្តាល​ឱ្យ​ស្លាប់​ភ្លាមៗ នៅនឹងកន្លែង​កើតហេតុ។ ពាក់ព័ន្ធ​នឹង​ករណីនេះ​ជនសង្ស័យ​ដែល​សមត្ថកិច្ច​ឃាត់ខ្លួន​នោះ មិនមែនជា​ឃាតករ​ឡើយ​ព្រោះ​ម្តាយ ខៀវ សុខា​រ៉ាវី អះអាងថា មាន​គេ​ចូល​បាញ់​ប្លន់​នៅ​ហាង​របស់គាត់​។​

    នៅវេលា​ម៉ោង​ប្រមាណ​១១​យប់​ថ្ងៃ​សៅរ៍​នេះ សព​ជនរងគ្រោះ​បាន​នឹង​កំពុង​រៀបចំ​ធ្វើបុណ្យ វត្ត​ពោធិ៍យ៉ារាម ហៅ​វត្ត​ចាស់ ខណ្ឌ​ជ្រោយចង្វារ។

    យ៉ាងណាក៏ដោយ​ករណីនេះ​សមត្ថកិច្ច​អាច​នឹង​វែកមុខ​រក​ឃាតករ​ឃើញ ព្រោះ​កាមេរ៉ា​សុវត្ថិភាព​នៅក្នុង​ស្តារ​ម៉ា​ត​មាន​ដាក់​ខាងក្រៅ​និង​ខាងក្នុង​គ្រប់កន្លែង ហើយ​សមត្ថកិច្ច​ជំនាញ​កំពុង​ធ្វើការស៊ើបអង្កេតក្នុង​រឿងនេះ៕

 

adverise with khmeread

មតិយោបល់