adverise with khmeread Monasi

ព្រះសង្ឃ​ថៃ​នៅ​វត្ត​មួយ​ប្រើ​រូបមន្ត​សម្ងាត់ មិន​ទម្លាយ​ឱ្យដឹង​នោះទេ ប៉ុន្តែ​អាច​ផ្តាច់​គ្រឿងញៀន​ក្នុងពេល​តែ ៥ ថ្ងៃ​ប៉ុណ្ណោះ​

    ​វត្ត Tramkrabok ដែលមាន​ទីតាំង​នៅលើ​ភ្នំ​ភាគ​ខាងជើង​ទីក្រុង​បាងកក ត្រូវបាន​ចាត់ទុកជា​ក​ន្លែ​ង​សម្រាប់​បន្សាប​ញៀន​ថ្នាំ​ដ៏​អស្ចារ្យ​។​

​    ​ព្រះសង្ឃ​នៅ​ទីនោះ​ជួយ​ស្ដារ​ផ្តាច់​គ្រឿងញៀន ដែល​អ្នក​មិនអាច​រកបាន​ទេ​នៅ​លោកខាងលិច ហើយ​វិធី​ព្យាបាល​គឺអាច​ផ្តាច់ការ​ញៀន​បាន​ទាំងស្រុង​។​

​    ​លោក Steve វ័យ ២៥ ឆ្នាំ មកពី​ទីក្រុង Perth លាឈប់​ពី​ការងារ​របស់គាត់ និង​ចុះឈ្មោះ​សម្រាប់​ការព្យាបាល​ក្នុង​វត្ត​នេះ ជា​កន្លែង​ដែល​គាត់​បាន​ជួយ​ជិវិត​របស់គាត់​ជាមួយ​ការ​ក្អួត​មួយអាទិត្យ​ពេញ​។​

​    ​លោក Steve និយាយថា "​ជីវិត​របស់ខ្ញុំ មុនពេល​ទៅ​វត្ត​នោះ​គឺ​ពោរពេញ​ទៅដោយ​ទោសទណ្ឌ ការបោកប្រាស​ភូតកុហក ញៀន​ថ្នាំ​។ ប្រពន្ធ​របស់ខ្ញុំ​បានឃើញ​ខ្ញុំ ខណៈពេលដែល​ខ្ញុំ​បាន​កំពុង​ជក់​ថ្នាំ​។ ខ្ញុំ​បាន​ភ្ញាក់ផ្អើល​ជាមួយនឹង​ភ្នែក​របស់​នាង​ដែល​ពោរពេញ​ដោយ​ទឹកភ្នែក​។ បន្ទាប់មក​នាង​ប្រាប់​ខ្ញុំ​ឱ្យ​យក​ថ្នាំញៀន​ឱ្យ​នាង​។ នាង​និយាយថា នាង​នឹង​ជួយ​ខ្ញុំ​និង​ប្រាប់ថា​គ្មាន​រឿង​អ្វី​កើតឡើង​ទាំងអស់​សម្រាប់​បញ្ហា​នេះ​។ ដៃ​ម្ខាង​របស់ខ្ញុំ​បាន​កាន់​ថ្នាំ និង​ម្ខាង​ទៀត​កាន់​ដៃ​នាង​។ បន្ទាប់មក​ខ្ញុំ​បានសម្រេច​ចិត្ត​ឈប់​ប្រើប្រាស់​ថ្នាំញៀន​"​។​

​    ​មនុស្ស​ញៀន​ប្រហែលជា ១០ ម៉ឺន​នាក់​បាន​ព្យាបាល​នៅ​វត្ត​នោះ ដែល​បាន​បើកទ្វារ​អស់​រយៈពេល ៥០ ឆ្នាំ​មកហើយ​។ ហើយ​ភាគច្រើន​នៃ​អ្នកញៀន​ថ្នាំ​ត្រូវបាន​ជួយសង្គ្រោះ​ឱ្យ​រួច​ផុតពី​ការ​ញៀន​ថ្នាំ​យ៉ាង​មាន​ប្រសិទ្ធភាព​។​

​    ​កម្មវិធី​នៅ​ទីនោះ​មានដូចជា សមាធិ ងូតទឹក​ក្ដៅ និង​ផឹកស្រា​ក្រឡុក​ដែលមាន​គ្រឿងផ្សំ​ថ្នាំបុរាណ​ជាង ១០០ មុខ និង​ថ្នាំ​ទាំងនោះ​ជួយ​ផ្ដាច់​ថ្នាំញៀន​ត្រឹមតែ ៥ ថ្ងៃ​ដោយ​គ្មាន​ការរំខាន​អ្វី​ទាំងអស់​។​

​    ​ស្រា​ក្រឡុក​នោះ​ធ្វើឱ្យ​ក្អួត​ពេញ​មួយអាទិត្យ ហើយ​គ្មាន​ជម្រើស​អ្វី​ក្រៅពី​ភេសជ្ជៈ​មួយ​នេះ​ទេ ដែល​អាចជួយ​ផ្តាច់​គ្រឿងញៀន​យ៉ាង​មាន​ប្រសិទ្ធភាព​។ នៅ​ទីនោះ​ព្យាបាល​ដោយ​ឥតគិតថ្លៃ ខណៈដែល​ព្យាបាល​នៅ​អាមេរិក​ត្រូវ​ចំណាយ ៣០ ម៉ឺន​ដុល្លារ​៕

 

adverise with khmeread
ប្រភព៖ Insideedition

មតិយោបល់