adverise with khmeread Unnamed %281%29

អាក្រក់ណាស់! គ្រាន់តែទំនាស់​ពាក្យសម្តីយក​ទឹក​សារធាតុ​គីមី​ស្រោច​លើ​ខ្លួន​ស្លាប់​

    ភ្នំពេញ ៖ មាន​ករណី​ឃាតកម្ម​ដោយសារ​ទំនាស់​យក​ទឹក​យូ​ស្ងួត​ (​សារធាតុ​គីមី​) ​ស្រោច​លើ​ខ្លួន​បណ្តាលឱ្យ​ស្លាប់​កាលពី​វេលា​ម៉ោង​១២ ​និង​៣០​នាទី​រំលង​អា​ធ្រា​ត្រ​ថ្ងៃទី​១៤​ សីហា ​ឆ្នាំ​២០១៦ នៅ​ចំណុច​ក្នុង​សិប្ប​កម្មបោះ​ពុ​ម្ភ​ស្លាក​យីហោ​លើ​ថង់​ប្លា​ស្ទិ​ច ផ្លូវ​បេតុង ភូមិ​ឫស្សី​សង្កាត់ ស្ទឹងមានជ័យ ខណ្ឌមានជ័យ រាជធានី​ភ្នំពេញ ដោយ​ប៉ូលិស​ឃាត់​ជនសង្ស័យ​ម្នាក់​គេចខ្លួន​២​នាក់។​

    ប៉ូលិសប៉ុស្តិ៍​ស្ទឹងមានជ័យ​បានឱ្យដឹងថា ជនសង្ស័យ​ឈ្មោះ ម៉ាប់ ម៉ៃ ភេទ​ប្រុស អាយុ១៨ឆ្នាំ ជនជាតិខ្មែរ មុខរបរ​កម្មករ​សិប្បកម្ម​បោះ​ពុ​ម្ភ​ស្លាក​យីហោ​លើ​ថង់​ប្លា​ស្ទិ​ច ស្នាក់នៅ​ក្នុង​សិប្ប​កម្មបោះ​ពុ​ម្ភ​ស្លាក​យីហោ​លើ​ថង់​ប្លា​ស្ទិ​ច ផ្លូវ​បេតុង ភូមិ​ឫស្សី​សង្កាត់ ស្ទឹងមានជ័យ ខណ្ឌមានជ័យ ពីបទ​ឃាតកម្ម​ទំនាស់​យក​ទឹក​យូ​ស្ងួត​ស្រោច​បណ្តាល​ឱ្យស្លាប់​។​

    ចំណែក​ជនរងគ្រោះ​ឈ្មោះ ម៉ន ធារ៉ា ភេទប្រុស ជនជាតិខ្មែរ មុខរបរ​កម្មករ​សិប្បកម្ម​បោះ​ពុ​ម្ភ​ស្លាក​យីហោ​លើ​ថង់​ប្លា​ស្ទិ​ច ស្នាក់នៅ​ក្នុង​សិប្ប​កម្មបោះ​ពុ​ម្ភ​ស្លាក​យីហោ​លើ​ថង់​ប្លា​ស្ទិ​ច ផ្លូវ​បេតុង ភូមិ​ឫស្សី​សង្កាត់ ស្ទឹងមានជ័យ​ដូចគ្នា។​

    ប៉ូលិស​បន្តថា កាលពី​ថ្ងៃទី​១៣​ សីហា ឆ្នាំ​២០១៦ វេលា​ម៉ោង៨ ​និង​៣០​នាទី​យប់​នៅ​ចំណុច​ក្នុង​សិប្ប​កម្មបោះ​ពុ​ម្ភ​ស្លាក​យីហោ​លើ​ថង់​ប្លា​ស្ទិ​ច ផ្លូវ​បេតុង ភូមិ​ឫស្សី​សង្កាត់ ស្ទឹងមានជ័យ ក្រុមជនសង្ស័យ​មានទំនាស់​ពាក្យសម្តី​គ្នា​ជាមួយ​ជនរងគ្រោះ ​(ម៉ន ធារ៉ា) ហើយ​ឈ្មោះ ​ម៉ាប់ ម៉ៃ ​ក៏​យកសារ​ធាតុគីមី​ស្រោច​លើ​ខ្លួន​ជនរងគ្រោះ​បណ្តាលឱ្យ​ស្លាប់​។ ចំណែក បក្សពួក​០២​នាក់​ទៀត​ឈ្មោះ ម៉ាប់ ពន្លឺ ភេទប្រុស អាយុ២២​ឆ្នាំ និងឈ្មោះ ម៉ាប់ កុ​ត ភេទប្រុស អាយុ២៥ឆ្នាំ អ្នក​ទាំង​២​ជា​បងប្រុស​បង្កើត​ជនសង្ស័យ​ឈ្មោះ ម៉ាប់ ម៉ៃ ​បាន​រត់​គេចខ្លួនបាត់៕

adverise with khmeread

មតិយោបល់