adverise with khmeread 1

ឋាននរក​លើដី​! ទាំងនេះ​ជា​រូបភាព​ជន​វិកលចរិត​ជុំវិញ​ពិភពលោក ដែល​គេ​បោះបង់ចោល​ដូច​សត្វ​ធាតុ​

    ​លោក Scott Typaldos បាន​បង្ខំចិត្ត​បង្ហាញ​ពី​ស្ថានភាព​របស់​មនុស្ស​កើត​ជំងឺ​វិកលចរិត​កំពុង​រស់នៅ​ជុំវិញ​ផែនដី​។ គាត់​បានចាប់ផ្ដើម​គម្រោង​នេះ​ដំបូង​ក្នុង​ឆ្នាំ ២០១១ នៅពេល​គាត់​បានចាប់ផ្ដើម​ផ្ដិត​យក​រូបភាព​នៅ​មន្ទី​ពេទ្យ​មនុស្ស​ឆ្កួត​មួយ​ក្នុង​ក្រុង Accra ក្នុងប្រទេស​ហ្គា​ណា​។ ខណៈ​កំពុងស្ថិត​ក្នុងប្រទេស​ហ្គា​ណា គាត់​បាន​ផ្ដិត​យក​រូបភាព​ក្នុង​ជំរំ​មួយ​ហៅថា "​ជំរំ​អធិស្ឋាន​" ជា​កន្លែង​ដែល​រូបលោក​ឃើញ​អ្នកជំងឺ​ត្រូវបាន​ចង​នឹង​ច្រ​វ៉ា​ក់​ភ្ជាប់​ទៅនឹង​ដើមឈើ ឬ​ជញ្ជាំង​។​

​    ​លោក Typaldos បាន​តាំងចិត្ត​បង្ហាញ​ការពិត​នៃ​រឿង​ទាំងអស់នេះ​នៅក្នុង​ប្រទេស​ហ្គា​ណា តូ​ហ្គោ កូ​សូ​វ៉ូ និង​គម្រោង​ចុងក្រោយ​របស់គាត់​ក្នុងប្រទេស​ឥណ្ឌូនេស៊ី​។ គម្រោង​នោះ​មាន​ឈ្មោះថា "Butterflies" ហើយ​លោក​បាន​បំពេញ​ដល់​ឆមាស​ទី​បួន​ហើយ និង​ឥឡូវ​កំពុងស្ថិត​ក្នុងប្រទេស​ហ្វីលីពីន​លើ​គម្រោង​ទី ៥ ។ 

​    ​មូលហេតុ​ដែល​លោក​បង្ខំចិត្ត​បញ្ចេញ​រូបភាព​ទាំងនេះ ដោយសារ​រូបលោក​ឈឺចិត្ត និង​តូចចិត្ត​ដោយសារ​មនុស្ស​រើសអើង និង​មាក់ងាយ​លើ​មនុស្ស​វិកលចរិត​។ ពួកគេ​ត្រូវបាន​ពិភពលោក​ទាំងមូល​ទុកចោល​ដាច់​ឆ្ងាយ​ពី​សង្គមមនុស្ស ។ អ្នកជំងឺ​ទាំងអស់នោះ​រស់នៅ​ដោយ​គ្មាន​អ្នក​មើលថែ ប្រៀប​ដូច​សត្វ​ដែល​កំពុងតែ​អត់​ម្ចាស់​កម្សត់​តែម្នាក់ឯង​អ៊ីចឹង​។ ទាំង​អាហារ​និង​កន្លែង​ស្នាក់នៅ​គឺ​អន់​ជាង​កន្លែង​សត្វ​ជ្រូក​នៅ​ទៅទៀត​។​

​    ​នេះ​ស​បញ្ចា​ក់ថា អ្នកជំងឺ​វិកលចរិត​គឺ​ត្រូវបាន​គេ​រើស​អើ​ស​ក្នុង​ពិភពលោក​យើង​នេះ​។ អង្គការ​សុខភាព​ពិភពលោក WHO បាន​ប៉ាន់ប្រមាណ​ថា​ម្នាក់​ក្នុង​មនុស្ស​ចំណោម ៤ នឹងមាន​ជំងឺ​នេះ​ក្នុង​ជីវិត​របស់​ពួកគេ​៕

 

adverise with khmeread
ប្រភព៖ nypost

មតិយោបល់