adverise with khmeread Unnamed %283%29

កុមារា​ម្នាក់​លង់ទឹក​ព្រែក​ស្លាប់​នៅ​កោះធំ​

    កណ្តាល ៖ មាន​ករណី​កុមារា​ម្នាក់​លង់ទឹក​បណ្ដាល​ឱ្យស្លាប់​កាលពី​វេលា​ម៉ោង​២​រសៀល ថ្ងៃទី​១៤ ខែសីហា ឆ្នាំ​២០១៦ នៅ​ចំណុច​គ្រប​បាយ ក្នុង​ទឹក​ព្រែក​ចាម ស្ថិត​ក្នុងភូមិ ព្រែក​ថ្មី ឃុំព្រែក​ថ្មី ស្រុក​កោះធំ ខេត្តកណ្តាល។​

    ប៉ូលិស​និយាយថា ជនរងគ្រោះ​ឈ្មោះ ជឿន ច​ន្នី ភេទប្រុស អាយុ១០ឆ្នាំ ជនជាតិខ្មែរ មុខរបរសិស្ស មាន​ទីលំនៅ​ភូមិ​កើតហេតុ (​ស្លាប់​)​។

    ប៉ូលិស​បន្តថា នៅ​មុនពេល​កើតហេតុ​ថ្ងៃទី​១៤ ខែសីហា ឆ្នាំ​២០១៦ ជនរងគ្រោះ និង​មិត្ត​ភក្តិ​ជនរងគ្រោះ​ឈ្មោះ ជួង ពិសិដ្ឋ​ ភេទ​ប្រុស អាយុ៩​ឆ្នាំ រួមទាំង​ក្មេងៗ​ក្នុងភូមិ​ចំនួន​៣​នាក់​ទៀត បាន​ឡើង​ជិះ​គោយន្ត​ដឹក​ពោត ឈ្មោះ នឿន ភេទ​ប្រុស អាយុ​៤០​ឆ្នាំ រស់នៅ​ភូមិ​កំពង់ស្វាយ​ក្រោម ឃុំ​ព្រែក​ថ្មី ស្រុក​កោះធំ​។​

    ពេល​ជិះ​ដល់​កន្លែងកើតហេតុ ជនរងគ្រោះ​រួមទាំង​មិត្ត​ជិះ​លើ​គោយន្ត​ជាមួយគ្នា បាន​ហក់ចុះ​ពីលើ​គោយន្ត​ហើយ​ជនរងគ្រោះ និង​ឈ្មោះ ជួន ពិសិដ្ឋ​ លោត​ចូលទៅក្នុង​ទឹក​ព្រែក​ចាម ចំណែក​មិត្ត​ភក្តិ​៣​ទៀត​មិន​ចុះ​មុជ​ទឹកជា​មួ​យ​ទេ​។ ដោយ​ឈ្មោះ ជួន ពិត មុជទឹក​រាក់​ក្បែរ​ច្រាំង។ ចំណែក ជនរងគ្រោះ មុជ​ក្នុង​ទឹក​ជ្រៅ ​និង​ងើប​ពី​ទឹក​ពីរដង​។ ភ្លាមនោះ​ឈ្មោះ ជួន ពិសិដ្ឋ​ ឃើញ​មិន​ស្រួល ក៏រ​ត់ទៅ​ហៅ​ឈ្មោះ យ៉ាន់ វឿន ដែល​នៅ​កាច់​ពោត​ក្បែរ​នោះ​ឱ្យទៅជួយ​ស្រង់​យក​ជនរងគ្រោះ​។​

    ភ្លាមនោះ ឈ្មោះ យ៉ាន វឿន បាន​ស្រង់​ជនរងគ្រោះ និង​បញ្ជូនទៅ​សង្គ្រោះ​នៅ​មន្ទី​ពេទ្យ​បង្អែក​ស្រុក​កោះធំ ពេលនោះ​ជនរងគ្រោះ​បាន​ស្លាប់​បាត់ទៅហើយ​រួច​រាយ​ការជូន​សមត្ថកិច្ច​តែម្តង​។​

    ក្រោយពី​បានទទួល​ពត៌មាន​ផ្នែក​ជំនាញ ប៉ូលិស​ស្រុក​កោះធំ បានទទួល​បញ្ជា​ពី​លោក​អធិការ ចុះទៅ​ដល់ផ្ទះ​ជនរងគ្រោះ រួច​បាន​បង្កើត​គណៈកម្មកា​រ មាន​អាជ្ញាធរ​មូលដ្ឋាន ប៉ុស្តិ៍​រដ្ឋបាល គ្រូពេទ្យ ផ្នែក​ជំនាញ និង​ក្រុម​គ្រួ​សារ ជនរងគ្រោះ​ដើម្បី​ធ្វើការ​ពិនិត្យ​សាកសព​ជនរងគ្រោះ ឃើញថា ជនរងគ្រោះ ពុំមាន​ស្លាកស្នាម​អ្វី​គួរ​ឱ្យ​កត់សម្គាល់ ពាក់ព័ន្ធ​នឹង​ករណី ឃាតកម្ម​ទ្បើ​យ គឺ​ពិតជា​ស្លាប់​ដោយ​ការ​លង់ទឹក ប្រាកដ​មែន។​

    ក្រោយ​ការពិនិត្យ​រួច សមត្ថកិច្ច​បានប្រគល់ សាកសព​ជូន​ក្រុមគ្រួសារ​ជនរងគ្រោះ យកទៅ​ធ្វើបុណ្យ​តាម​ប្រពៃណី៕

adverise with khmeread

មតិយោបល់