14012311 275429829504804 1742171814 n

ដឹក​ដុល្លារ​ក្លែងក្លាយ​សែនខ្មោច នៅ​ខេត្តស្ទឹងត្រែង​...​ប៉ូលិស​ដោះលែង​វិញ​

    ស្ទឹងត្រែង ៖ ជនសង្ស័យ​៣​នាក់​ជិះ​រថយន្ត​មួយគ្រឿង​រួម​នឹង​ដុល្លារ​ក្លែងក្លាយ​ប្រភេទ​​ក្រដាស់​១០០​ ចំនួន​៣៣២​សន្លឹក​ស្មើ​នឹង​៣៣២០០​ដុល្លារ​សហរដ្ឋអាមេរិក ត្រូវបាន​កម្លាំង​សមត្ថកិច្ច​ច្រកទ្វារ​អន្តរជាតិ​ត្រពាំង​គ្រៀល​ព្រំដែន​កម្ពុជា​-​ឡាវ ឃាត់ខ្លួន​រួម​នឹង​វត្ថ​តាង បញ្ជូនមក​ការ​រិ​យា​ល័យ​ប្រឆាំង​បទល្មើស​សេដ្ឋកិច្ច នៃ​ស្នងការដ្ឋាន​ប៉ូលិស​ខេត្ត​សាកសួរ​ហើយ​បាន​ដោះលែង​វិញ​។​

    ជនសង្ស័យ​ទាំង​៣​នាក់​រួម​និង​វត្ថុតាង​ខាងលើ ត្រូវបាន​សមត្ថកិច្ច​ច្រកទ្វារ​ឃាត់ខ្លួន​កាលពី​វេលា​ម៉ោង​១៨ ​និង​៣០​នាទី​ល្ងាច​ថ្ងៃទី១៣ ​ខែសីហា ​ឆ្នាំ​២០១៥ នៅ​ចំណុច​ច្រកទ្វារ​អន្តរជាតិ​ត្រពាំង​គ្រៀល​ស្ថិតក្នុង​សង្កាត់​សាមគ្គី -​ក្រុង​-​ខេត្តស្ទឹងត្រែង​។​

    មន្ត្រី​ច្រកទ្វារ​ត្រពាំង​គ្រៀល​បានឱ្យដឹងថា ជ​នស​ង្ស័យ​៣​នាក់​ដែល​សមត្ថកិច្ច​ឃាត់ខ្លួន  គឺ​១-​ឈ្មោះ ​ស៊ា​ម ម៉ុង ភេទ​ប្រុស អាយុ៦៤​ឆ្នាំ, ២-​ឈ្មោះ​ កេ​ត ចាន់​ដេ​ត ភេទ​ប្រុស អាយុ​៦១​ឆ្នាំ​ ២​នាក់​នេះ​រស់នៅ​ឃុំ​កោះ​សំពាយ ស្រុក​សៀម​បូក​ខេត្តស្ទឹងត្រែង​ និង​៣-​ឈ្មោះ​ ផែ​វ មិត្ត ភេទ​ប្រុស អាយុ​៥៦​ឆ្នាំ រស់នៅ ស​-​ក បឹងកក់​១ ខណ្ណ​ទួលគោក រាជធានី​ភ្នំពេញ​។​

    មន្ត្រី​ច្រកទ្វារត្រពាំង​គ្រៀល​បាន​បន្តទៀតថា នៅ​ថ្ងៃ​ខាងលើ​នោះ សមត្ថកិច្ច​បានធ្វើការ​ត្រួត​ពិ​និ​តទៅ​លើ​រថយន្ត​១​គ្រឿង​ម៉ាក​កាមរី​ស្វិត​ព​ណ៌​ស​សេរី​ឆ្នាំ​៩១​ដែល​បាន​ចរាចរណ៍​ឆ្លងដែន នៅ​ច្រកទ្វារ​អន្តរជាតិ​ត្រពាំង​គ្រៀល មាន​គ្នា​៣​នាក់ ក្នុងនោះ​សមត្ថកិច្ច​បាន​រកឃើញ​លុយ​ដុល្លារ​ក្លែងក្លាយ​ប្រភេទ​ក្រដាស់​១០០​ចំនួន​៣៣២​សន្លឹក ស្មើ​និង​៣៣២០០​ដុល្លារ​សហរដ្ឋអាមេរិក​(​បី​ម៉ឺន​បី​ពាន់​ពី​រយ​សហរដ្ឋ​អា​មេ​រិច​)​។​

    សមត្ថកិច្ច​បន្តថា ក្រោយ​ការត្រួត​ពិ​និ​ត​រកឃើញ លុយ​ដុល្លារ​សមត្ថកិច្ច​ច្រកទ្វារ​បាន ធ្វើ​កំណត់ហេតុ​ផ្ទេរ​ប្រគល់ ទៅឱ្យ​ការិយាល័យ​ប្រឆាំង​បទល្មើស​សេដ្ឋកិច្ច​ខេត្ត រួច​បញ្ជូន​ខ្លួន​មកកាន់​ស្នងការដ្ឋាន​ប៉ូលិស​ខេត្ត​ធ្វើការ​សាកសួរ​បន្ត​។​

    ចំពោះមុខ​សមត្ថកិច្ច​ជនសង្ស័យ​បាន​ឆ្លើយ​សារភាពថា លុយ​នេះ​ជា​លុយ​សែនខ្មោច​សល់​តាំង​ពីថ្ងៃ​សែន​ឆេង​ម៉េង​មកម្ល៉េះ ដែល​គាត់​មិនបាន​យកចេញ​ពី​ឡាន ក៏​ទុក​រហូតមក​ដល់ពេលនេះ ត្រូវបាន​សមត្ថកិច្ច​ឆែក​ឃើញ​។​

    សមត្ថកិច្ច​ប្រាប់ថា​ក្រោយពី​សមត្ថកិច្ច​យកលុយ​មក​ពិនិត្យ រកឃើញថា​លុយ​ទាំងអស់ ជា​លុយ​សំរាប់​សែនខ្មោច រួច​បានធ្វើ​កំណត់ហេតុ និង​បានឱ្យ​ជន​ស្ស័​យ​ទាំង​៣​នាក់ ធ្វើ​កិច្ចសន្យា បញ្ឈប់​ចរាចរណ៍​លុយ​នេះ បន្តទៀត​និង​បាន​ដោះលែង​ពួកគេ​ទាំង​៣​នាក់​ឱ្យមាន​សេរីភាព​វិញ​នៅ​ព្រឹក​ថ្ងៃ​១៤​ សីហា​នេះ​៕​

មតិយោបល់