adverise with khmeread Unnamed

ស្គាល់​អត្តសញ្ញាណ​បុរស​ម្នាក់​លង់ទឹក​ស្លាប់​នៅ​ឆ្នេរ​អូរត្រេះ​ជា​ជនជាតិ​រុស្ស៊ី

    ព្រះសីហនុ ៖ មាន​ករណី​ជនបរទេស ម្នាក់​ស្លាប់ នៅ​ឆ្នេរ​អូរត្រេះ​កាលពី​ថ្ងៃទី១៤ សីហា​ ឆ្នាំ​២០១៦ ម៉ោង​១ និង២៦នាទី​រសៀល ឥឡូវ​ស្គាល់​អត្តសញ្ញាណ​ហើយ។​

    ប៉ូលិស​និយាយថា សាកសព​ឈ្មោះ KIRILL NIKOLAEV  ភេទប្រុស កើត​ថ្ងៃទី១៨ ខែសីហា ឆ្នាំ១៩៦៧ សញ្ជាតិ រុស្សី មុខរបរចូលនិវត្តន៍ ស្នាក់​នៅផ្ទះ​ផ្ទាល់ខ្លួន ក្នុង​បូរី​សុខសាន្ត ស្ថិតនៅ ក្រុម១៦​ ភូមិ០៥ សង្កាត់៤​ ក្រុង​-​ខេត្ត​ព្រះសីហនុ។​

    តាម​ការ​ផ្តល់ព័ត៌មាន របស់​មិត្តស្រី ដែលមាន​ឈ្មោះ ម៉ិ​ល សារា សញ្ជាតិ ខ្មែរ បានឱ្យដឹងថា ជនរងគ្រោះ​បាន​ចេញពីផ្ទះ មក​ហូប​អាហារ​ថ្ងៃត្រង់ នៅ​អាហារ​ដ្ឋា​ន​ឈ្មោះ ស្រី ពៅ​​ស្ថិតនៅ​ក្រុម០៨​ ភូមិ០៥ សង្កាត់៤​ ក្រុង​-​ខេត្ត​ព្រះសីហនុ។​

    ពេល​ហូប​រួច​នៅ​ម៉ោង១២ ​និង​៥០នាទី ជនរងគ្រោះ​ក៏បាន​ចុះ​ហែល​ទឹក​លេង រហូតដល់​ម៉ោង១៣ និង​២៦​នាទី ទើប​ដឹងថា គាត់​លង់ទឹក ស្លាប់​បាត់ទៅហើយ។​

    បច្ចុប្បន្ន សាកសព ត្រូវបាន​ត្រូវ​ដឹក​យកទៅ​រក្សារ​ទុក នៅ​មន្ទី​ពេទ្យ បង្អែក​ខេត្ត​ព្រះសីហនុ ​(​ពេទ្យ​ចំការចេក​) ដើម្បី​រង់ចាំ​ការសម្រេច ពី​ក្រុមគ្រួសារ និង​ស្ថានទូត​៕

adverise with khmeread

មតិយោបល់