adverise with khmeread 1

យក​ជាងសំណង់​ម្នាក់​កប់​ក្នុង​ដីខ្សាច់​បន្ទាប់ពី​ឆក់​ខ្សែភ្លើង​របួសធ្ងន់​នៅ​បុរី​មួយ (​មាន​វីដេអូ​)

​    ​ភ្នំពេញ​៖ បុរស​ជាងសំណង់​ម្នាក់​បាន​ឆក់​ខ្សែភ្លើង​របួសធ្ងន់ ខណៈពេល​កំពុង​ឡើងទៅ​ចាប់​ជ្រី​នៅ​បុរី​លឹម​ឈាង​ហាក់ រួចហើយ​អ្នក​នៅក្បែរនោះ​ក៏​នាំ​ជនរងគ្រោះ​ទៅ​កប់​ក្នុង​ដីខ្សាច់​ដើម្បី​ឱ្យជួយ​ឱ្យដឹង​ខ្លួន​វិញ​។ គ្រោះថ្នាក់​ការងារ​នេះ​បាន​កើតឡើង​នៅវេលា​ម៉ោង​៩​និង​១០​នាទី​ព្រឹក​ថ្ងៃទី​១៥ ខែសីហា ឆ្នាំ​២០១៦ ស្ថិតនៅក្នុង​បុរី​លឹម​ឈាង​ហាក់ ភូមិ​ម័​រ សង្កាត់​-​ខណ្ឌដង្កោ​។​

​    ​តាម​សំដី​សាក្សី​នៅ​កន្លែងកើតហេតុ​បានឱ្យដឹងថា គ្រោះថ្នាក់​ឆក់​ខាងលើនេះ​គឺ​ដោយសារ​សំ​យ៉ាប​ផ្ទះ​និង​បង្គោល​ខ្សែភ្លើង​ស្រាត​នៅ​កៀក​ជាប់​គ្នា​។ ដោយមាន​ទឹក​សើមៗ​ផង ខ្សែភ្លើង​ស្រាត​ក៏បាន​ស្រូប​ឆក់​ជនរងគ្រោះ​ធ្លាក់​ចុះមក​ដី​បណ្តាលឱ្យ​រងរបួស​ធ្ងន់​ហើយ​ត្រូវបាន​បញ្ជូន​តាម​រថយន្ត​សាមុយ​សង្គ្រោះបន្ទាន់​នៅ​មន្ទីរពេទ្យ​រុស្ស៊ី​។​

​    ​សមត្ថកិច្ច​បានឱ្យដឹង​ថា ជនរងគ្រោះ​ខាងលើ​ឈ្មោះ ម៉ា បឿន អាយុ ៣១​ឆ្នាំ មុខរបរ​ជាងសំណង់​។ ចំណែក​ប្រពន្ធ​ជនរងគ្រោះ​មានឈ្មោះ​ណាវី វ័យ ៣៤​ឆ្នាំ  ស្នាក់នៅ​ជាមួយគ្នា​នៅ​ចំណុចកើតហេតុ​ខាងលើ​មាន​ស្រុកកំណើត​នៅ​ស្រុក​រមាសហែក​ខេត្តស្វាយរៀង​។​
​បន្ទាប់ពី​កប់​ដីខ្សាច់​រួច ភ្លាមៗ​នោះ​ជនរងគ្រោះ​ត្រូវបាន​បញ្ចូនទៅ​សង្គ្រោះ​នៅ​មន្ទី​រុស្ស៊ី​៕

 

adverise with khmeread

មតិយោបល់