adverise with khmeread 1

Usain Bolt រត់​ដណ្តើម​មេដាយមាស​ផុយៗ​!

​    ​អត្ត​ព​លិ​ក​តំណាងឱ្យ​ហ្សា​ម៉ា​អ៊ី​ក Usain Bolt បានក្លាយ​ទៅជា​អត្ត​ព​លិ​ក​ដំបូង​គេ​ដែល​ឈ្នះ​មាស​អូឡាំពិក​ខាង​រត់​ចម្ងាយ ១០០​ម៉ែត្រ​ចំនួន​បី​លើក ដោយ​ផ្តួល​អត្ត​ព​លិ​ក​របស់​អាមេរិក Justin Gatlin ដើម្បី​ឈ្នះ​មេដាយមាស​នៅឯ​ព្រឹត្តិការណ៍​កីឡា​អូឡាំពិក Rio 2016​។​

​    ​អត្ត​ព​លិ​កវ័យ ២៩​ឆ្នាំ​រូបនេះ​បានបញ្ចប់​ការរត់​ក្នុង​ថេរវេលា ៩,៨១​វិនាទី​នៅក្នុង​វគ្គ​ផ្តាច់ព្រ័ត្រ​កីឡា​អូឡាំពិក​របស់គាត់​ដើម្បី​ចម្លង​ភាពជោគជ័យ​របស់គាត់​ស្រដៀង​គ្នា​ទៅនឹង​ព្រឹត្តិការណ៍​ក្នុង​ទីក្រុង​ប៉េកាំង​ឆ្នាំ​២០០៨ និង​ទីក្រុង​ឡុង​ដ៍ ២០១២​។​

​    ​Gatlin ដែល​ធ្លាប់​ត្រូវបាន​ហាមឃាត់​ចំនួន​ពីរលើក​ចំពោះ​បទល្មើស​ប្រើ​សារធាតុ​ហាមឃាត់​នាពេល​កន្លងមក បានបញ្ចប់​ពីក្រោយ Bolt ដោយ​ចាញ់​តែ ០,០៨​វិនាទី​ប៉ុណ្ណោះ ដោយ​ទទួលបាន​មេដាយប្រាក់​។​

​    ​Bolt បាន​និយាយថា "​អ្នកខ្លះ​ថា​ខ្ញុំ​អាច​ក្លាយជា​មនុស្ស​អមតៈ​។ នៅសល់​មេដាយ​ពីរ​ទៀត​ត្រូវ​ដណ្តើម​។ ខ្ញុំ​អាចយ​កវា​បាន​។ អមតៈ​របស់គេ​មែន​"​។​

​    ​Andre de Grasse តំណាងឱ្យ​ប្រទេស​កាណាដា​ទទួលបាន​មេដាយ​សំរឹទ្ធិ​នៅក្នុង​ថេរវេលា​ល្អ​បំផុត​របស់ខ្លួន ៩,៩១​វិនាទី​៕

 

adverise with khmeread
ប្រភព៖ BBC

មតិយោបល់