adverise with khmeread 0

​ក្រោយ​ចាញ់​ហង្ស​ក្រហម Arsene Wenger ចេញមុខ​មក​បកស្រាយ​អំណះអំណាង​ថ្មី​ផ្ទុយស្រឡះ​ពី​សប្តាហ៍​មុន​បន្ទាប់ពី​បំបាក់ Man City

    ​លោក Arsene Wenger បាន​ចេញមក​អះអាង​យ៉ាង​ចម្លែក​ថា​កាំភ្លើង​ធំ Arsenal មិនបាន​រៀបចំខ្លួន​ទុកជាមុន​សម្រាប់​រដូវ​កាល​ថ្មី​រួចរាល់​នៅឡើយ​ទេ គឺ​ប្រាំពីរ​ថ្ងៃ​បន្ទាប់ពី​បាន​ទទូចថា​ក្រុម​របស់គាត់​បាន "​រៀបចំខ្លួន​ជាស្រេច​ផ្នែក​សម្បទា​"​។​

​    ​អ្នកចាត់ការ​ទូទៅ​ក្រុម​កាំភ្លើង​ធំ​រូបនេះ​បានចាប់ផ្តើម​ការប្រកួត​បើកឆាក​សប្តាហ៍​ដំបូង​របស់ខ្លួន​ដោយ​ទុកចោល​កីឡាករ​សំខាន់ៗ​របស់ខ្លួន​ចំនួន​បី​រូប​ក្នុងជំនួប​ជាមួយ Liverpool កាលពី​យប់មិញ ដែល​ក្នុងនោះ​រួមមាន Mesut Ozil, Olivier Giroud និង Laurent Koscielny​។ កីឡាករ​សំខាន់​ទាំងបី​នេះ​សុទ្ធតែ​បាន​ត្រឡប់មក​ជំរំ​ហ្វឹកហាត់​ទាំងអស់​កាលពី​សប្តាហ៍​មុន​បន្ទាប់ពី​បង្ហាញខ្លួន​នៅ​ព្រឹត្តិការណ៍ Euro 2016 ។​

​    ​Alexis Sanchez និង Aaron Ramsey ដែល​បាន​ជួប​បញ្ហា​របួស​សរសៃពួ​រ​គន្លាក់ជើង​កាលពី​យ​ប់​មិញ បានចាប់ផ្តើម​ក្នុងការ​ប្រកួត ទោះបីជា​បាន​ហ្វឹកហាត់​ត្រឹមតែ​រយៈពេល​ពីរ​សប្តាហ៍​នៃ​អំឡុង​ការប្រកួត​មិត្តភាព​មុន​បើក​រដូវ​កាល​ក៏ដោយ​។ Alex Iwobi ក៏​ទទួល​បញ្ហា​របួស​ភ្លៅ​ផងដែរ​កាលពី​យប់មិញ​។​

​    ​ដោយ​ធ្វើការ​បកស្រាយ​កាលពី​ថ្ងៃអាទិត្យ​សប្តាហ៍​មុន​ក្នុងជំនួប​មិត្តភាព​របស់​ពួកគេ​ដែល​ឈ្នះ​ទៅលើ Manchester City ក្នុង​ទីក្រុង​ប៉េកាំង Wenger បាន​និយាយថា "​ខ្ញុំ​មាន​អារម្មណ៍​ថា​យើង​អាច​មើលឃើញ​បាន​ថា​យើង​អាច​លេង​ជាមួយគ្នា​បាន​នា​ខណៈ​ពេលនេះ កាយសម្បទា​យើង​មើលទៅ​គឺ​ត្រៀម​រួចជាស្រេច​"​។​

​    ​ប៉ុន្តែ​អ្នកចាត់ការ​ទូទៅ​ក្រុម​កាំភ្លើង​ធំ​រូបនេះ​បាន​ផ្លាស់ប្តូរ​ចិត្ត​របស់គាត់ បន្ទាប់ពី​បាន​អង្គុយ​មើល​ក្រុម​របស់គាត់​បរាជ័យ​លើក​ទី​បី​ក្នុង​ការប្រកួត​បើកឆាក​បួន​លើកចុងក្រោយ​នេះ ដោយ​និយាយថា "​យើង​មិនទាន់​រៀបចំខ្លួន​រួចរាល់​នោះទេ​ផ្នែក​កាយសម្បទា​។ យើង​កំពុងស្ថិត​ក្នុងស្ថានភាព​តាម​ច្បាម​យក​កីឡាករ ២២​នាក់​ដែល​លេង​នៅ Euro មកវិញ ដូចនេះ​អ្នកនឹង​ត្រូវ​ផ្តល់ឱ្យ​កីឡាករ​នូវ​ការ​សម្រាក​មួយចំនួន​ដែល​ពួកគេ​ត្រូវការ​"​។

​    ​គាត់​បាន​បន្តទៀតថា "​ពួកគេ​មិនទាន់​រៀបចំខ្លួន​រួចរាល់​នៅឡើយ​ទេ​ដើម្បី​លេង​ក្នុងការ​ប្រកួត​បែបនេះ​បានទេ ហើយ​បើ​របួស Ramsey អ្នកនឹង​ឱ្យ​ពួកគេ​សម្រាក ហើយ​អ្នកនឹង​មិនមាន​ពួកគេ​សម្រាប់​ការចាប់ផ្តើម​ប្រកួត​ទេ​។ ពេលណា​ដែល​យើង​ត្រៀមខ្លួន​រួចរាល់​? ខ្ញុំ​មិនដឹង​ឡើយ​។ យើង​ត្រូវតែ​ត្រៀមខ្លួន​ឱ្យ​រួចរាល់​នៅ​សប្តាហ៍​ក្រោយ​ដោយសារតែ​យើង​ទៅ​ទឹកដី Leicester "៕

adverise with khmeread
ប្រភព៖ ដេលីមែល

មតិយោបល់