adverise with khmeread 9uwxgsd

ពីមុខ​សម្លាក​ដោយសារ​គ្រោះថ្នាក់​ចរាចរណ៍ ក្លាយជា​បវរកញ្ញា​ឯក​តំណាង​ប្រទេសជាតិ​

    ​ក្នុង​ឆ្នាំ ២០០៨ នាង Sharlene និង​មិត្តភក្តិ​ពីរ​នាក់​ទៀត​បាន​ដើរ​ឆ្លងផ្លូវ​មួយ នៅពេលដែល​នាង​ត្រូវ​រថយន្តបុក​។ កម្លាំង​បុក​នោះបាន​ធ្វើឱ្យ​មុខ​នាង​បុក​នឹង​កញ្ចក់​មុខ​រថយន្ត រួច​ប៉ើង​ឡើងលើ​ប្រហែល ១,៥ ម៉ែត្រ​។ 

​    ​នៅពេលដែល​នាង​ភ្ញាក់ខ្លួន​ពី​ការ​សន្លប់ ២០ នាទី​ក្រោយ នាង​បាន​នៅក្នុង​ឧទ្ធម្ភាគចក្រ​មួយ ដែល​កំពុង​ប​ញ្ចូ​ន​នាង​ទៅ​មន្ទីរពេទ្យ​។​

​    ​ប្រាំបី​ម៉ោង​ក្រោយ នាង​ត្រូវបាន​ចុះផ្សាយ​លើ​សារព័ត៌មាន​មួយ​ថា នាង​ត្រូវ​ដេរ ១៥ ថ្នេរ​លើ​ក្បាល​របស់​នាង និង​មាន​ស្នាម​រយះ​ច្រើន​កន្លែង​ទៀត​។​

​    ​នៅពេលនោះ​បុគ្គលិក​បាន​ហៅ​នាង​ថា "​ក្មេង​អច្ឆរិយៈ​" នាង​សឹងតែ​ស្លាប់​ដោយសារ​គ្រោះថ្នាក​ចរាចរណ៍​នោះ​ទៅហើយ ប៉ុន្ដែ​នាង​អាច​ស៊ូទ្រាំ​រស់រានមានជីវិត​បាន​។​

​    ​បើទោះជា​នាង​ជា​ពីរ​បួស Sharlene មាន​បញ្ហា​ក្បាល​មួយ​ផ្សេងទៀត​។ នាង​តែងតែ​សុបិន​ចង់​ក្លាយជា​តារា​ម៉ូ​ដែល​ម្នាក់ ប៉ុន្ដែ​មុខ​របស់​នាង​នៅតែមាន​ស្នាម​សម្លាក​ដោយសារ​ឧបទ្ទវហេតុ​នោះ​។ នាង​ត្រូវ​ប្រឈម​នឹង​បោះបង់​ក្តី​សុបិន​ក្លាយជា​បវរកញ្ញា​ដោយសារ​សម្លាក​នោះ​។​

​    ​ប៉ុន្ដែ​នាង Sharlene មិន​ចុះចាញ់​នោះទេ​។ ប្រាំពីរ​ឆ្នាំក្រោយ បន្ទាប់ពី​គ្រោះថ្នាក់​ចរាចរណ៍​នោះ នាង​បាន​រកឃើញ​ទំនុកចិត្ត​ដើម្បី​ចូលរួម​កម្មវិធី​ប្រកួត​បវរកញ្ញា Miss Universe Jamaica ឡើងវិញ​បន្ទាប់ពី​ព្យាបាល​របួស​ជាសះស្បើយ​។ ឥឡូវ​ក្នុងនាម​ជា​បវរកញ្ញា Jamaica ទើប​គ្រង​មកុដ​ថ្មីថ្មោង នាង​មាន​គម្រោង​ធំ​សម្រាប់​អនាគត​។​

​    ​មិនមែន​ត្រឹមតែ​នឹង​ទៅ​ប្រកួតប្រជែង​បវរកញ្ញា​នៅ​ប្រទេស​ចិន​នោះទេ ប៉ុន្ដែ​នាង​ក៏​គ្រោង​ទៅធ្វើ​ការកាត់បន្ថយ​គ្រោះថ្នាក់​ចរាចរណ៍​ក្នុងប្រទេស​របស់​នាង​ទៀតផង​។​

​     នាង Sharlene និយាយថា​ឧបទ្ទវហេតុ​រថយន្ត​បាន​បង្រៀន​នាង​ពីអ្វី​ទៅ​ហៅថា​តម្លៃ​ជីវិត​។ នាង​បាន​ប្រាប់​ទៅ​វេ​ប​សាយ Gleaner ថា "​ពេលវេលា​យ​ជា​គន្លឹះ​មួយ ហើយ​ឧបទ្ទវហេតុ​ធ្វើឱ្យ​ខ្ញុំ​ជឿជាក់ថា​គ្រួសារ​ខ្ញុំ​សំខាន់​ប៉ុនណា​។ ថ្ងៃនេះ ខ្ញុំ​ជា​ទ្រព្យសម្បត្តិ​គ្រួសារ​របស់ខ្ញុំ ហើយ​ពួកគេ​គឺជា​អ្វីៗ​ទាំងអស់​របស់ខ្ញុំ​ផងដែរ​"៕

adverise with khmeread
ប្រភព៖ lollipop

អ្នកនឹងចូលចិត្ត

មតិយោបល់