adverise with khmeread O

​និស្សិត​ស្រី​អាមេរិក​ស្តាយក្រោយ​ជាខ្លាំង ដែល​បដិសេធ​វីរបុរស​ហែល​ទឹក​សិង្ហ​បុរី ដែល​ទើប​ទទួល​រង្វាន់ ១ លាន​ដុល្លារ​លើ​វេ​ប​សាយ​គូ​ណាត់​

​    ​នារី​ម្នាក់​ដែល​បាន​ផ្គូរ​ផ្គង​ឱ្យ​ជួប​ជាមួយ​អត្ត​ព​លិ​ក​ហែល​ទឹក​នៅលើ App ណាត់ជួប​លើ​អន​ឡាញ Tinder ប៉ុន្តែ​បាន​បដិសេធ​សារ​របស់គាត់​នោះ បាន​និយាយថា នាង​មានការ​សោកស្តាយ បន្ទាប់​គាត់​បានឈ្នះ​មេដាយមាស និង​ក្លាយជា​វីរបុរស​សិង្ហ​បុរី​។​

​    ​និស្សិត​ស្រី ដែល​ត្រូវបាន​គេ​ស្គាល់​នៅលើ​បណ្តាញ​សង្គម Twitter ឈ្មោះថា @sabwow បាន​ចែកចាយ​សារ​ចែចង់​គ្នា​មួយ​របស់​នាង​ជាមួយ Scholing ប៉ុន្តែ​នាង​មិន​នឹកស្មានថា​ការសន្ទនា​ខ្លី​ដ៏​មិន​គួរឱ្យ​ជឿ​នោះ គឺជា​មួយ អនាគត​វីរបុរស​សិង្ហ​បុរី​ទាល់តែសោះ ដែល​វា​ធ្វើឱ្យ​នាង​សោកស្តាយ​ជាខ្លាំង ដែល​មិនបាន​សន្ទនា​ឱ្យ​បានយូរ​ជាមួយ​គាត់​។​

​    ​Joseph វ័យ ២១​ឆ្នាំ​បាន​យកឈ្នះ​លើ​វិញ្ញាសា​ហែល​ទឹក​មេអំបៅ​ចម្ងាយ ១០០​ម៉ែត្រ​ផ្នែក​បុរស​កាលពី​ថ្ងៃទី​១២ សីហា និង​ទើប​ទទួលបាន​រង្វាន់ ១ លាន​ដុល្លារ​សិង្ហ​បុរី ខណៈដែល​គាត់​បាន​ផ្តួល​និមិត្តរូប​របស់ខ្លួន Michael Phelps ដែល​គេ​ដាក់​រហស្សនាម​ថា​ស្តេច​ហែល​ទឹក​របស់​សហរដ្ឋអាមេរិក​នោះ​។​

​    ​និស្សិត​សាកលវិទ្យាល័យ​រដ្ឋ​តិច​សាស់​ដែល​បាន​ឆ្លើយឆ្លង​ជាមួយ Joseph ដោយ​ចៃដន្យ​រូបនេះ បានដាក់​ចំណងជើង​ទៅលើ​កាលបរិច្ឆេទ​នៃ​រូបថត Screenshot របស់​នាង​ថា "Tinder របស់ខ្ញុំ​ផ្គូរ​ផ្គង​ជាមួយនឹង​បុរស​ដែល​ទើបនឹង​ឈ្នះ​វិញ្ញាសា​ហែល​ទឹក​ចម្ងាយ ១០០​ម៉ែត្រ​វគ្គ​ផ្តាច់ព្រ័ត្រ ហើយ​បាន​ផ្តួល Michael Phelps"​។​

​    ​Joseph ជា​អ្នក​មកពី​សិង្ហ​បុរី ប៉ុន្តែ​គាត់​បានមក​សិក្សា និង​បណ្តុះបណ្តាល​ផ្នែក​ហែល​ទឹក​ក្នុង​រដ្ឋ​តិច​សាស់ ដែល​គាត់​បាន​ផ្តួចផ្តើម​ការសន្ទនា​នោះ​កាលពី​ខែមេសា​កន្លងទៅ ដោយ​សរសេរថា "​ហ្អេ​! សុខ​សប្បាយ​ជា​ទេ ស្រី​ស្អាត​?"​។ នាង​បាន​តប​វិញ​ថា "​មានអី សុខ​សប្បាយ​តើ​! ចុះ​អ្នក​វិញ​?" ជាមួយនឹង​រូប​បង្ហាញ​ពី​អារម្មណ៍​មួយ​តែប៉ុណ្ណោះ​។

​    ​ប៉ុន្តែ​បន្ទាប់ពី​ម្ចាស់​មេដាយមាស​បានសរសេរថា "​ល្អ អរគុណ​! តើ​អ្នកនាង​ធ្វើ​ការងារ​អ្វី​?” នាង​បាន​បដិសេធ​នឹង​គាត់​។​

​    ​នាង​បានទទួល​ស្គាល់​នៅលើ​បណ្តាញ​សង្គម Twitter របស់​នាង​កាលពី​ថ្ងៃទី ១៣ សីហា​ថា​ការបដិសេធ​ជាមួយ​គាត់​គឺ​កំហុស​ដ៏​ធ្ងន់ធ្ងរ​បំផុត ដោយ​នាង​បា​នស​សេ​រថា "​ការដែល​មិន​តប​សារ​របស់គាត់​គឺជា​បរាជ័យ​ដ៏​ធំ​បំផុត​របស់ខ្ញុំ​"៕

adverise with khmeread
ប្រភព៖ TheSun

មតិយោបល់