0

មិនទាន់មាន​ស្នេហា​មែន​ទេ​? នេះ​ជា​រឿង​មិនគួរ​ធ្វើ​ទាំង ៥ យ៉ាង ពេល​ណាត់ជួប​សង្សារ​គ្រា​ដំបូង​

    ​ថ្ងៃ​ណាត់ជួប​គ្រា​ដំបូង​គឺជា​ពេលវេលា​ដ៏​គួរឱ្យ​ភ័យ​បារម្ភ​សម្រាប់​សង្សារ​ថ្មីថ្មោង​ជានិច្ច​។ ហេតុនេះហើយ​វា​ជាការ​ចាំបាច់​ណាស់ ដែល​អ្នក​គួរ​ដឹងថា​មិនគួរ​ធ្វើ​រឿង​អ្វីខ្លះ​នៅ​ថ្ងៃ​ណាត់ជួប​សង្សារ​គ្រា​ដំបូង​។ 

​    ​១. កុំ​សម្រេច​ស្ទួ​ក ឬ​ស្ពឹក​ស្រពន់​ខ្លាំងពេក​
​    ​ប្រសិនបើ​សង្សារ​អ្នក​សួរថា​ចង់ទៅ​កន្លែង​ណា ឬ​ចង់​ទទួលទាន​អ្វី កុំ​ធ្វើជា​មិន​ខ្វល់ ឬ​មិន​និយាយ​អ្វី​ទាំងអស់​។ គ្មាន​នរណាម្នាក់​ចូលចិត្ត​មនុស្ស ដែល​ចាំ​ទាល់តែ​គេ​រុញ​រហូត​នោះទេ ដូច្នេះ ប្រសិនបើ​អ្នក​មិន​ចង់ ឬ ចង់​ធ្វើ​អ្វីមួយ ត្រូវ​និយាយ​វា​ចេញមក​។ ការនិយាយ​វា​ចេញ​មកជួយ​ឱ្យគេ​ដឹងថា​អ្នក​ចង់បាន​អ្វី​ពិតប្រាកដ ប៉ុន្តែ​កុំ​អាងយ៉ាង​ពេក​។ 

​    ​២. ហាម​ស្លៀកពាក់​ដែល​ពិបាក​ដល់​ខ្លួនឯង​
​    ​កុំ​ស្លៀកពាក់​ខ្លី​ពេក ឬ​តឹង​ពេក ប្រសិនបើ​អ្នក​មិន​ស្រួល​ពេល​ស្លៀកពាក់​វា​។ ការបារម្ភ​ថ្ងៃ​ណាត់ជួប​គ្រា​ដំបូង​ជា​រឿង​ពិបាក​មួយ​ហើយៗ​បើ​អ្នក​ស្លៀកពាក់​ដែល​ធ្វើឱ្យ​ខ្លួន​រឹតតែ​ពិបាក​ទៀត​នោះ ស្ថានការណ៍​នឹង​កាន់តែ​លំបាក​មួយតង់​ទៀត​។ ត្រូវ​ស្លៀកពាក់​ដែល​ស្រួល​ដល់​ខ្លួនឯង និង​ត្រូវ​រក្សា​ចិត្ត​ឱ្យ​ស្ងប់ និង​ផ្ចង់អារម្មណ៍​ឱ្យបាន​មូល​។ 

​    ​៣. កុំ​រវល់​ចុច​ទូរស័ព្ទ​
​    ​គ្មាន​នរណាម្នាក់​ចង់​មក​ណាត់ជួប​គ្នា​មើល​អ្នក​ចុច​ទូរស័ព្ទ​នោះទេ​។ ឆែក​មើល​ទូរស័ព្ទ​រាល់ ២ នាទី​ម្តង និង​ឆ្លើយតប​គ្រប់​សារ​ដែល​បន្លឺឡើង​គ្រប់ពេល​បានត្រឹមតែ​ធ្វើឱ្យ​សង្សារ​ថ្នាំងថ្នាក់​ចិត្ត​តែប៉ុណ្ណោះ​។ 

​    ​៤. កុំ​រំពឹងថា​គេ​ប៉ាវ​អ្នក​ឱ្យសោះ​
​    ​មិន​ថា​ខាង​ប្រុស​ឬ​ស្រី​ណាត់​មុន​នោះទេ សូមកុំ​រំពឹងថា​គេ​នឹង​ជួយ​ចេញ​លុយ​ឱ្យ ដោយ​គ្រាន់តែ​គេ​បបួល​ណាត់​ជួបគ្នា​ឱ្យសោះ​។ យក​ល្អ​គួរ​ណាត់គ្នា​ដំបូង​នៅ​កន្លែង​ផឹក​កាហ្វេ ឬ ទទួលទាន​បង្អែម ព្រោះ​វា​មាន​ហានិភ័យ​ចំណាយ​ទាប ប្រសិនបើ​អ្នក​ត្រូវតែ​ប៉ាវ​គេ​ជាដាច់ខាត​នោះ​។ 

​    ​៥. កុំ​និយាយ​តែម្នាក់ឯង​ច្រើនពេក​
​    ​កុំ​និយាយ​តែម្នាក់ឯង​ច្រើនពេក​។ ការ​ណាត់​ជួបគ្នា​គឺជា​ការជជែក​រវាង​មនុស្ស​ពីរ​នាក់ បើ​និយាយ​តែឯង​ដដែល​តើ​ណាត់​ជួបគ្នា​ធ្វើ​អ្វី​? ផ្តល់​ពេលវេលា​ឱ្យ​ដៃគូ​បាន​និយាយ​ផង​៕

ប្រភព៖ Lifehack

អ្នកនឹងចូលចិត្ត

មតិយោបល់