adverise with khmeread Unnamed %281%29

កុងតឺន័រ​បុក​ម៉ូតូ​កិន​ជាប់​ក្រោម​រថយន្ដ​ខូច​ខ្ទេច​(​មាន​វីដេអូ​)

    ភ្នំពេញ​ ៖ រថយន្ដ​កុងតឺន័រ​មួយគ្រឿង​បើក​បុក​ម៉ូតូ​ហុងដា​ឌ្រី​ម​C125​ត្រង់ចំណុច​ផ្លូវបំបែក​ជា​បួន បណ្ដាលឱ្យ​ម៉ូតូ​កៀប​ជាប់​ក្រោម​កង់​រថយន្ដ​ខូច​ខ្ទេច តែ​មិន​បណ្ដាលឱ្យ​ម្ចាស់​ម៉ូតូ​រងរបួស​នោះទេ​។​

    គ្រោះថ្នាក់​នេះ​បាន​កើតឡើង​នៅវេលា​ម៉ោង​៨ ​និង​១៥​នាទី​យប់ ថ្ងៃទី​១៥ ខែសីហា ឆ្នាំ​២០១៦ នៅ​ចំណុច​ស្តុ​ប​លូ​៥ តាម​បណ្ដោយ​ផ្លូវ​វេ​ង​ស្រេង ក្នុង​សង្កាត់​ស្ទឹងមានជ័យ ខណ្ឌមានជ័យ រាជធានី​ភ្នំពេញ​។​

    ប្រភពព័ត៌មាន​ពី​ប្រជាពលរដ្ឋ​ដែល​នៅ​ជិត​កន្លែងកើតហេតុ​បានឱ្យដឹងថា ដំបូង​គេ​បានឃើញ​យុវជន​ម្នាក់​ជិះ​ម៉ូតូ​ម៉ាក​ឌ្រី​C125 ពណ៌ខ្មៅ ពាក់​ស្លាក​លេខ ភ្នំពេញ ​1BS-1850 ធ្វើដំណើរ​តាម​ប​ណ្ដោយ​ផ្លូវ​បេតុង​ទិសដៅ​ពី​ជើង​ទៅ​ត្បូង​បំណង​ឆ្លងផ្លូវ​វេ​ង​ស្រេង។​

    ពេលដែល​កំពុង​ឆ្លង​ក៏ត្រូវ​រថយន្ដ​កុងតឺន័រ ពាក់​ស្លាក​លេខ​ភ្នំពេញ ​3D-2336 ធ្វើដំណើរ​តាម​បណ្ដោយ​ផ្លូវ​វេ​ង​ស្រេង ទិសដៅ​ពី​កើ​តទៅ​លិច​បុក​ចំក្បាល​ម៉ូតូ​បណ្ដាលឱ្យ​ដួល​ទៅលើ​ថ្នល់​កិន​ពីលើ​ខ្ទេច​ផ្នែក​ខាងមុខ​ទាំងស្រុង តែ​សំណាងល្អ​មិន​បណ្ដាលឱ្យ​ម្ចាស់​ម៉ូតូ​រងរបួស​នោះទេ ចំណែក​តៃកុង​រថយន្ដ​ចុះ​រត់​គេចខ្លួនបាត់​។​

    ក្រោយពី​កើតហេតុ​បណ្ដាលឱ្យមាន​ការកកស្ទះ​ចរាចរណ៍ ជាង​មួយ​ម៉ោង​ដោយសារតែ​រថយន្ដ​និង​ម៉ូតូ​នៅ​ចំពាក់​កណ្ដាលផ្លូវ​។ ក្រោយមក​ទើប​មាន​តំណាង​ខាង​រថយន្ដ​មក​ធ្វើការ​សម្របសម្រួល ដោយ​ព្រម​សង​ថ្លៃ​ការខូចខាត​ទៅឱ្យ​ម្ចាស់​ម៉ូតូ​ចំនួន​220$​ដើម្បី​បញ្ចប់រឿង​នៅ​កន្លែងកើតហេតុ​តែម្ដង​។​

    គួរ​បញ្ជាក់ថា នៅ​ចំណុច​ភ្លើងស្តុប​លូ​៥​នេះ​គឺ​បង្គោល​ភ្លើងស្តុប​បានដាក់​រួចរាល់​ជា​យូរ​មកហើយ តែ​ពុំមាន​ភ្លើង​សញ្ញា​ណាមួយ​លោត​ជា​សញ្ញា​ដើម្បីឱ្យ​អ្នកធ្វើដំណើរ​ឆ្លងកាត់​បា​ន​ឃើញ​នោះទេ​៕​

 

adverise with khmeread

មតិយោបល់