adverise with khmeread Unnamed %281%29

ចាប់ខ្លួន​ជន​ចែកចាយ​គ្រឿងញៀន ម្នាក់​ដកហូត​ថ្នាំ​២​កញ្ចប់​ធំ និង​កាំភ្លើងខ្លី​១​ដើម​(​មាន​វីដេអូ​)

    ភ្នំពេញ ៖ កម្លាំង​ប៉ូលិស​ខណ្ឌ​ពោធិ៍​សែន​ជ័យ បើក​ប្រតិបត្តិ​ការបង្ក្រាប មេក្លោង​ជួញដូរ​គ្រឿងញៀន​ម្នាក់​ដកហូត ថ្នាំញៀន​២​កញ្ចប់​ធំ​កាំភ្លើងខ្លី​ជ័រ​មួយ​ដើម​និង​វត្ថុតាង​មួយចំនួនទៀត​។​

    ប្រ​ត្តិ​ប​តិ្ត​ការ​នេះ​ធ្វើឡើង​កាលពី​វេលា​ម៉ោង​៥ ​និង​៣០​នាទី​ល្ងាច​ថ្ងៃទី​១៥ ​ខែសីហា ​ឆ្នាំ​២០១៦ ​ចំណុច​បន្ទប់​ជួល​មួយកន្លែង​ស្ថិត​ក្នុងភូមិ​ត្រពាំង​ក្រសាំង សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ​។​

    លោក ម៉ន វុទ្ធី អធិការ​ង​ប៉ូលិស​ខណ្ឌ​ពោធិ៍​សែន​ជ័យ​ដែល​ដឹកនាំ​កម្លាំង​ចុះ​ចាប់ខ្លួន​ជនសង្ស័យ បាន​បញ្ជាក់ថា ក្រោយ​ទទួល​ព័ត៌មាន​ពី​ករណីនេះ លោក​បាន​ដឹកនាំ​កម្លាំង​ជំនាញ សហកា​ជាមួយ​នាយប៉ុស្តិ៍​ចោមចៅ​ក្រោម​ការបញ្ជា​ផ្ទាល់​ពី​លោក យឹម សារ៉ាន់ អធិការ​ខណ្ឌ បាន​ចុះទៅ​បង្ក្រាប​និង​ឃាត់ខ្លួន​ជាក់ស្តែង​តែម្តង​។​

    លោក​បាន​បន្តថា ជនសង្ស័យ​ឈ្មោះ កែវ ចិ​ត្រា អាយុ​២៨​ឆ្នាំ​ ស្នាក់នៅបន្ទប់​ជួល​ភូមិ​ត្រពាំង​ក្រសាំង សង្កាត់​ត្រ​ពាំ​ក្រសាំង ខណ្ឌ​ពោធិ៍​សែន​ជ័យ មាន​ស្រុកកំណើត​នៅ​ភូមិ​ភ្នំ​តូច ឃុំ​ភ្នំ​តូច ស្រុក​មង្គលបុរី ខេត្តបន្ទាយមានជ័យ ហើយ​កម្លាំង​បាន​ដកហូត​បាន​ថ្នាំញៀន​ប្រភេទ​ម៉ា​ទឹក​ក​ចំនួន​២​កញ្ចប់​ធំ និង​កាំភ្លើង​ជ័រ​មួយ​ដើម​រួមជាមួយ​សម្ភារៈ​មួយចំនួនទៀត។​

    ក្រោយពេល​ឃាត់ខ្លួន​បាន​ជនសង្ស័យ រួមជាមួយ​វត្ថុតាង ត្រូវបាន​កម្លាំង​ប​ញ្ចូ​ន​ខ្លួន​មក​ផ្នែក​ជំនាញ​ដើម្បី​កសាង​សំណុំរឿង រង់ចាំ​ថ្ងៃ​ឡើង​តុលាការ​ចាត់ការ​តាម​និតិ​វិធី​ច្បាប់៕

 

adverise with khmeread

មតិយោបល់