adverise with khmeread Unnamed

ឃាត់​បុរស​ម្នាក់​តាម​ដីកា​ពីបទ​បង្ក​របួសស្នាម​

    កណ្តាល ៖ ប៉ូលិស​ស្រុក​ខ្សាច់​កណ្តា​បាន​ស្រាវជ្រាវ និង​បង្ក្រាប ការចាប់ខ្លួន​តាម​ដីកា​​របស់​សាលាដំបូង​ខេត្តកណ្ដាល​កាលពី​ថ្ងៃទី​១៥ ​សីហា ​ឆ្នាំ​២០១៦ ​ម៉ោង​៣​រសៀល​នៅ​​ចំណុច​ភូមិ​ជ័យ​ធំ​ ឃុំ​ជ័យ​ធំ ស្រុក​ខ្សាច់កណ្តាល ខេត្តកណ្តាល​ពីបទ​បង្ក​របួសស្នាម។​

    ប៉ូលិស​និយាយថា កម្លាំង​ប៉ុស្តិ៍​រដ្ឋបាល​ជ័យ​ធំ​សហការ​ជាមួយ​កម្លាំង​ផ្នែក​ប៉ូលិស​​យុត្តិធម៌​ស្រុក​បាន​ចុះ​ស្រាវជ្រាវ ស៊ើប​អង្កេត ចាប់ខ្លួន​តាម​ដីកាម្នាក់​ឈ្មោះ រិ​ន រ៉េត​ ភេទ​ប្រុស​អាយុ​៣៤​ឆ្នាំ​មុខរបរ កម្មករ​រោងចក្រ មាន​ទីលំនៅ នៅ​ភូមិ​ជ័យ​ធំ ឃុំ​ជ័យ​ធំ​ស្រុក​ខ្សាច់កណ្តាល ខេត្តកណ្តាល​។​

    ការចាប់ខ្លួន​យោងតាម​ដីកា​លេខ​៖៨៩១​ចុះ​ថ្ងៃទី ៣០.១១.២០១១ របស់លោក ផូង វណ្ណ​ ចៅក្រម​ស៊ើ​ប​សួរ សាលាដំបូង​ខេត្តកណ្តាល​។ ​ពីបទ​៖ បង្ក​របួសស្នាម​ដោយ​ចេតនា​ដែល​បាន​ប្រព្រឹត្ត​នៅ​ភូមិ​ជ័យ​ធំ​ ឃុំ​ជ័យ​ធំ ស្រុក​ខ្សាច់កណ្តាល ​ខេត្តកណ្តាល កាលពី​ថ្ងៃទី​២៣.០៦.២០០៨​។​ ករណីនេះ​សមត្ថកិច្ច​បន្ត​ចាត់ការ​តាម​នីតិវិធី៕​

adverise with khmeread

មតិយោបល់