adverise with khmeread Unnamed %282%29

ម៉ូតូ​អូស​រ៉ឺ​ម៉ក និង​រ៉ឺម៉ក​ម៉ូតូ​បុក​គ្នា​បណ្តាលឱ្យ​ស្លាប់​ម្នាក់​របួស​ម្នាក់​

    កណ្តាល ៖ មាន​ករណី​គ្រោះថ្នាក់​ចរាចរណ៍​ថ្ងៃទី​១៤​ សីហា​ ឆ្នាំ២០១៦ ម៉ោង​០៦​កន្លងទៅនេះ លើផ្លូវ​ជាតិ​លេខ១១០ ស្ថិតនៅ​ក្នុងភូមិ​.​ឃុំ កំពង់​កុង ​ស្រុក​កោះធំ រវាង​ម៉ូតូ​អូស​រ៉ឺម៉ក និង ​រ៉ឺម៉ក​ម៉ូតូ​បណ្តាលឱ្យ​ស្លាប់​ម្នាក់​របួស​ម្នាក់។​

    ប៉ូលិស​និយាយថា ករណី​គ្រោះថ្នាក់​ចរាចរណ៍​ផ្លូវគោក​មួយ រវាង​ម៉ូតូ​អូស​រ៉ឺម៉ក និង​រ៉ឺម៉ក​ម៉ូតូ​ដែលមាន​ទិសដៅ​បញ្ច្រាស់​គ្នា បណ្ដាល​ឱ្យ ស្លាប់​ម្នាក់ របួសស្រាល​ម្នាក់ ​ខូច​ម៉ូតូ ​(ធ្ងន់​១ គ្រឿង ស្រាល​០១ គ្រឿង)។​

    ប៉ូលិស​បន្តថា ១-​ឈ្មោះ តុង អ៊ុក ភេទ​ប្រុស អាយុ២៦ឆ្នាំ ជនជាតិ​វៀតណា​ម មុខរបរ​បើកបរ​រ៉ឺ​ម៉ក ដឹក​ត្រី​លក់ មាន​ទីលំនៅ​ភូមិ​លេខ៧ ឃុំ​ប្រាសាទ​ ស្រុក​ស្អាង​ ​ខេត្តកណ្ដាល ​បើកបរ​ម៉ូតូ​ម៉ាក​ហុងដា​សេ៩០ ពណ៌​ខៀវចាស់ ពាក់​ស្លាក​លេខ ភ្នំពេញ 1SY-8577 អូស​​រ៉ឺ​ម៉ក​ដឹក​ត្រី បើកបរ​ក្នុងទិសដៅ​ពី​ត្បូង​ទៅ​ជើង (​ព្រែក​ជ្រៃ​-​ច្បារអំពៅ​) វ៉ា​រថយន្ដ (​ស្លាប់​នៅនឹងកន្លែង ) ម៉ូតូ​មាន​កញ្ចក់​មាន​ពាក់មួក​សុវត្ថិភាព, ២-​ឈ្មោះ លី ឈុន​ឡុង ភេទ ប្រុស អាយុ២៥ឆ្នាំ​មុខរបរ​បើកបរ​​រ៉ឺ​ម៉ក​ម៉ូតូ​ដឹក​ត្រី​លក់ មាន​ទីលំនៅ​ភូមិ​ចំការ​ដូង​ ឃុំ​លើកដែក​ ​ស្រុក​កោះធំ បើកបរ​ម៉ូតូ​ម៉ាក DAYUN សេ​១៥០ ពណ៌​ប្រផេះ ពាក់​ស្លាក​លេខ ភ្នំពេញ 1FS 5265 មាន​ទ្រុង​រ៉ឺ​ម៉ក មាន​កញ្ចក់ មាន​មួកសុវត្ថិភាព បើកបរ​ក្នុងទិសដៅ ពី​ជើង ទៅ ត្បូង (​ច្បារអំពៅ​-​ព្រែក​ជ្រៃ ) របួសស្រាល​។​

    ប៉ូលិស​បន្តថា  ​រ៉ឺម៉ក​ទាំង​០២​គ្រឿង​បើកបរ​មាន​ទិសដៅ បញ្ច្រាស់​គ្នា ដឹក​ត្រី​ដូចគ្នា ម៉ូតូ​អូស​រ៉ឺម៉ក សេ ៩០ បើក​ជែង​រថយន្ត ទៅបុក ​រ៉ឺ​ម៉ក​ម៉ូតូ​ចំ​ពីមុខ​បណ្ដាល​ឱ្យ​ស្លាប់​ខ្លួនឯង​នៅ កន្លែងកើតហេតុ។​

    ករណីនេះ​កម្លាំង​ជំនាញ និង​កម្លាំង​ប៉ុស្តិ៍​រដ្ឋបាល បាន​ចុះ​ទៅដល់​កន្លែង​កើត​ធ្វើការ​វាស់វែង​រួច និងយ​កម​ធ្យោ​យ​ដែល​ពាក់​ព​ន្ធ័​មក​រក្សាទុក​នៅ​អធិការដ្ឋាន​ដើម្បី​បន្ត​ចាត់ការ​តាម​នីតិវិធី៕

adverise with khmeread

មតិយោបល់