adverise with khmeread 1

​ខ្លួន​មិនមែនជា​អ្នក​អាជីព​ទេ ប៉ុន្តែ​ក្រោយ​ពិកា​ភ្នែក​នៅ​អាយុ ២០ ប្លាយ បុរស​នេះ​បានធ្វើ​រឿង​ដ៏​អស្ចារ្យ​មិន​នឹកស្មាន​ដល់​

​    ​ឆាកជីវិត​របស់​ជាងគំនូរ​ពិការភ្នែក​សញ្ជាតិ​អាមេរិក​ម្នាក់នេះ គឺជា​ឧទាហរណ៍​មួយ​បញ្ជាក់ថា​គ្មាន​អ្វីដែល​មិនអាច​ទៅរួច​នោះឡើយ​លើ​លោក​នេះ​។​

​    ​ចូរ​ស្រមៃ​គិត​អំពី​ពេលវេលា​មួយ​ដែល​នៅ​សុខៗ​ស្រាប់តែ​យើង​បាត់អស់​នូវ​ចក្ខុវិស័យ​របស់​យើង​។ ហើយ​ចូរ​ស្រមៃ​ទៀតថា ការ​មាន​ចក្ខុ​អាច​មើលឃើញ​មិន​គ្រាន់តែ​ជា​ផ្នែក​មួយ​ដែល​ជួយ​ឱ្យ​យើង​បំពេញ​កិច្ចការ​ប្រចាំថ្ងៃ​នោះទេ ប៉ុន្តែ​សន្ទុះ​ចង់​ធ្វើ​អ្វីមួយ​របស់​យើង​ក៏​ជា​ផ្នែក​ដ៏​សំខាន់បំផុត​មួយ​ដែរ​ដើម្បី​ធ្វើឱ្យ​ជីវិត​មាន​ពន្លឺ​។​

​    ​នេះ​ជា​រឿង​ពិត​របស់លោក John Bramblitt វ័យ ៤១ឆ្នាំ បើទោះបីជា​លោក​ពិកា​ភ្នែក ប៉ុន្តែ​លោក​មិន​ពិកា​សន្ទុះ​ចិត្ត​ចង់​ធ្វើ​អ្វីមួយ​នោះឡើយ​។

​    ​John បានបញ្ជាក់​ទៅកាន់​វេ​ប​សាយ Huffington Post ថា "​ពណ៌​ធម្មជាតិ​មាន​អត្ថន័យ​ចំពោះ​ខ្ញុំ​ច្រើនជាង​ពេលដែល​ខ្ញុំ​នៅ​មើលឃើញ​ទៅទៀត ឥឡូវនេះ​។ បច្ចុប្បន្ននេះ ពណ៌​បង្ក​នូវ​ខ្លឹមសារ​គួរឱ្យ​រំភើបចិត្ត​ច្រើនណាស់​"​។​

​    ​ពិការភាព​ភ្នែក​របស់គាត់​បានចាប់ផ្តើម​ឡើង​អំឡុង​ពេលដែល​គាត់​កើត​ជំងឺឆ្កួតជ្រូក និង​ជំងឺ​ឡែ​ម​ដែល​វេជ្ជបណ្ឌិត​បាន​ជួយសង្គ្រោះ​អស់​រយៈពេល​ពេញ​បី​ឆ្នាំ​។​

​    ​ទោះបីជា គាត់​មិនបាន​ចាប់យក​សិល្បៈ​គំនូរ​ជា​អាជីព ប៉​ន្តែ​គាត់​ពិតជា​ចូលចិត្ត​ខាង​គូរគំនូរ​ខ្លាំងណាស់​។ គាត់​មាន​សញ្ញាបត្រ​នៅ​និពន្ធ​បែប​ច្នៃប្រឌិត និង សញ្ញាបត្រ​សិក្សា​ផ្នែក​ពិការភាព​។​

​    ​ប៉ុន្តែ​រហូតដល់​ពេល​លោក​ចាប់ផ្តើម​ពិកា​ភ្នែក​ទាំងស្រុង​នៅ​ចុង​អាយុ ២០ ឆ្នាំ (​ក្នុង​ឆ្នាំ ២០០១)​ទើប​ញ៉ាំងឱ្យ​លោក​ខិតខំ​ប្រឹងប្រែង​ប្រែក្លាយ​ខ្លួនឯង​ទៅជា​ជាងគំនូរ​អាជីព​។

​    ​John មាន​ទេ​ព្យ​កោសល្យ​ខ្លាំង​ពី​ធម្មជាតិ ដោយ​គាត់​អាច​គូររូប​មនុស្ស​ដែល​គាត់​មិន​ធ្លាប់​បានឃើញ​ពីមុនមក ដូចជា​ប្រពន្ធ កូនប្រុស និង​សុនខ​របស់គាត់​ជាដើម​។ គាត់​រៀបការ​មានកូន​នៅក្រោយពេល​ពិការភ្នែក​ប៉ុណ្ណោះ​៕

ប្រភព៖ Littlethings, CNN, Huffingtonpost

adverise with khmeread

មតិយោបល់