adverise with khmeread 1

ដោយសារ​ខ្វះ​វីតាមីន​ទាំងនេះហើយ ទើប​លោកអ្នក​ឧស្សាហ៍​ឈឺក្បាល​ប្រកាំង​

    ​ការវាយប្រហារ​របស់​ជំងឺ​ឈឺក្បាល​ប្រកាំង គឺជា​ជំងឺ​កើតឡើង​សឹង​លើ​រាល់​មនុស្ស​គ្រប់គ្នា ហើយ​វា​អាច​ឈឺ​ពី​បី​ទៅ​បួន​ម៉ោង​និង​ឈឺ​ដល់​ទៅ​បី​ថ្ងៃ​ជាប់​គ្នា​ឯណោះ​។ យ៉ាងណាមិញ​ឈឺក្បាល​នេះ​គឺ​នៅតែ​ពិបាក​ពិនិត្យ​និង​ព្យាបាល ព្រោះ​វា​ជា​បញ្ហា​ស្មុគស្មាញ​មួយ​។ ឈឺក្បាល​ប្រកាំង​អាច​បណ្ដាលមកពី​សរសៃ​ប្រសាទ បរិយាកាស​ជុំវិញ និង​កត្តា​ហ្សែ​ន​។​

​    ​ការសិក្សា​ថ្មីៗ​នេះ​បាន​រកឃើញថា​ថ្នាំ​គ្រាប់​វីតាមីន B6, B12 និង​អាស៊ីត​ហ្វូ​លិ​ក អាច​កាត់បន្ថយ​ការឈឺ​ក្បាល​ប្រកាំង​រយៈពេល ៦ ខែ​។ លទ្ធផល​នេះ​បាន​ប្រមូលផ្ដុំ​ដោយ​អ្នកស្រាវជ្រាវ ជាពិសេស ដូចជា​ការសិក្សា​មួយ​ក្នុង​ឆ្នាំ ២០០៤ រៀបរៀងឡើង​ដោយ​ព្រឹត្តិប័ត្រ​ព័ត៌មាន European Journal of Neurology ដោយ​សង្កត់ធ្ងន់ថា​ការវាយប្រហារ​របស់​ជំងឺ​ឈឺក្បាល​ប្រកាំង​អាច​បង្ការ​បាន​ដោយ​ការ​លេប Riboflavin ជា​ផ្នែក​មួយ​នៃ​វីតាមីន B​។​

​    ​រឿង​មួយ​ផ្សេងទៀត ដែល​ធ្វើឱ្យ​មនុស្ស​ងាយ​នឹង​ឈឺក្បាល​ប្រកាំង​គឺ ការផ្លាស់ប្ដូរ​ហ្សែ​ន​មួយចំនួន​ដែល​បណ្ដាលឱ្យ​កើនឡើង​នូវ​កម្រិត​អ័រម៉ូន Homocysteine ។ វា​ត្រូវបាន​រកឃើញ ថា​អ័រម៉ូន Homocysteine អាច​កាត់បន្ថយ​បាន​ជាមួយនឹង​វីតាមីន B6 និង B12 ។ 

​    ​អាហារ​ដែល​សម្បូរ​វីតាមីន B6 និង B12 មានដូចជា​ស៊ុត ផ្លែ​បឺ​រ សណ្តែកដី​ស្ងោរ នំប៉័ង​ស្រូវ​សាលី តៅហ៊ូ សាច់​អាំង និង​ត្រី​សាល់​ម៉ុង​៕

adverise with khmeread
ប្រភព៖ recipesfornaturalremedies

អ្នកនឹងចូលចិត្ត

មតិយោបល់