adverise with khmeread Unnamed

ឥទ្ធិពលគ្រឿងស្រវឹង! មនុស្ស​និង​ម៉ូតូ​ហោះ បោក​ខ្លួន​ពីរ​បី​ត្រឡប់​រងរបួស​ធ្ងន់​

    ភ្នំពេញ ៖ បុរស​ម្នាក់​ជិះ​ម៉ូតូ​ម៉ាក​ណៃ​ហ​ត​ស្លាក​លេខ ខ​.​ម មួយគ្រឿង ស្ថិតក្នុង​ស្ថានភាព​ស្រវឹង​ស្រា​ជោកជាំ ហើយ​បើក​ក្នុង​ល្បឿន​លឿន ជ្រុល​បុក​ពំនូក​ថ្ម​ដែល​គេ​ទុកចោល​នៅតាម​ផ្លូវ បណ្តាលឱ្យ​ដួល​បោក​ខ្លួន​ពីរ​បី​ត្រឡប់ រងរបួស​បែកក្បាល​ស​ន្ល​ប់​ស្តូកស្តឹង ត្រូវ​បញ្ចូនទៅ​មន្ទីរពេទ្យ​។​

    គ្រោះថ្នាក់​ខាងលើនេះ កើតឡើង​កាលពី​វេលា​ម៉ោង១១ ​និង​៣០​នាទី យប់​ថ្ងៃទី​១៦ ខែសីហា ឆ្នាំ​២០១៦ នៅតាម​បណ្តោយ​ផ្លូវលំ ភូមិ​អង្គ សង្កាត់​ចោមចៅ ខណ្ឌ​ពោធិ៍​សែន​ជ័យ។​

    ជនរងគ្រោះ​នៅ​មិនទាន់​ស្គាល​អត្តសញ្ញាណ​នៅឡើយ​ទេ តែបើ​តាមមើល​ភិនភាគ​សម្លៀកបំពាក់ ទំនង​អាចជា​កម្លាំង​កងរាជអាវុធហត្ថ​។​

    បើតាម​ប្រភពពី​ប្រជាពលរដ្ឋ​នៅ​កន្លែងកើតហេតុ បានឱ្យដឹងថា នៅ​មុនពេល​កើតហេតុ គេ​បានឃើញ​បុរសរងគ្រោះ​ខាងលើនេះ​ជិះ​ម៉ូតូ ម៉ាក ណៃ​ហ​ត ពណ៌ត្រេអ៊ី ពាក់​ស្លាក​លេខ ខ​.​ម 1-1018 ទិសដៅ​ពី​ត្បូង​ទៅ​ជើង​តាម​ផ្លូវលំ​ភូមិ​អង្គ ក្នុង​ល្បឿន​យ៉ាង​លឿន។​

    លុះ​មកដល់​ចំណុចកើតហេតុ ដោយសារតែ​បុរស នោះ​គាត់​ធ្លាក់​ភ្នែក​មើលផ្លូវ​មិន​ច្បាស់ បាន​ទៅបុក​ឡើង​ពំនូក​ថ្ម​ក្បឿង ដែល​គេ​ចាក់ចោល​នៅតាម​ផ្លូវ បណ្តាលឱ្យ​មនុស្ស​និង​ម៉ូតូ​ហោះ បោក​ខ្លួន​ពីរ​បី​ត្រឡប់ បែកក្បាល​សន្លប់​ស្តូក​រងរបួស​ធ្ងន់ធ្ងរ​តែម្តង​។​

    ក្រោយពេល​កើតហេតុ​ប្រជាពលរដ្ឋ​ដែល​ឃើញ​ហេតុការណ៍ បាន​រាយការណ៍​ទៅ​សមត្ថកិច្ច​មូលដ្ឋាន​ទៅ​មើល​កន្លែងកើតហេតុ និង​បាន​ទាក់ទង​ទៅ​រថយន្ត​សាមុយ ដឹក​ជនរងគ្រោះ​ទៅ​ព្យាបាល។ ដោយឡែក​ម៉ូតូ​ជនរងគ្រោះ​ត្រូវបាន​សមត្ថកិច្ច​យកទៅ​រក្សាទុក​នៅ​ប៉ុស្តិ៍​បាល​ចោមចៅ ដើម្បី​រង់ចាំ​ម្ចាស់​ទទួលយក​ទៅវិញ៕

adverise with khmeread

មតិយោបល់