adverise with khmeread 14012919 276786389369148 1122930860 o

ឃាត់​សិស្ស​៣​នាក់​វាយតប់​គ្នា​ក្នុង​សាលា​ផ្អើល​ឈុ​ល​

    កណ្តាល ៖ លោកស្នងការ​ប៉ូលិស​ខេត្តកណ្តាល​មានប្រសាសន៍ថា ​"​បើ​ក្មួយៗ​ស្រលាញ់​វិស័យ​ប្រដាល់ ចូរ​ក្មួយៗ ទៅ​រៀន​ប្រដាល់ មាន​គ្រូបង្រៀន​ត្រឹមត្រូវ​ណា ព្រោះថា​ប្រដាល់​នៅក្នុង​សង្វៀន គឺមាន​អាជ្ញាកណ្តាល និង​មាន​អ្នកទស្សនា​ផង ហើយ​ប្រដាល់​លើស​ង្វៀន​អត់​ទោសទណ្ឌ​ទេ​... កុំ​រៀន​ប្រដាល់​គ្នា​យក​ទីធ្លា​សាលារៀន​ជា​ថ្នាល​បណ្តុះ​ពុទ្ធិ​ជាស​ង្វៀន​អី ព្រោះថា​សកម្មភាព​ទាំងនេះហើយ​ឆ្លុះបញ្ចាំង​ឱ្យឃើញថា​ពួក​ក្មួយៗ ជា​ក្មេង​ទំនើង បង្ក​ភាព​រញ៉េរញ៉ៃ​ដល់​សង្គម អំពើ​នេះ​គឺ​មិនអាច ទុក​ឱ្យ​ទំនើង​ចឹ​ង​ទេ​គឺ​មានតែ​ចាត់ការ​តាម​នីតិវិធី​ច្បាប់"។

    លោក​ឧ​ត្ត​ម​សេនីយ៍ ​អ៊ា​វ ចំរើន លោកស្នងការ​ប៉ូលិស​ខេត្តកណ្តាល​បា​នើ​លក​ឡើង​បែបនេះ បន្ទាប់ពី​មាន​ករណី​ហិង្សា​ដោយ​ចេតនា​កើតឡើង​នា​ថ្ងៃទី​១៦ សីហា ឆ្នាំ​២០១៦ វេលា​ម៉ោង៩ ​និង​៣០​នាទី​ព្រឹក​ម្សិល​មិញ​នៅ​ចំណុច​វិទ្យាល័យ​ជ័យ​វរ្ម័នទី​៧ ភូមិ​ដីឥដ្ឋ​កោះ​ផុស​៣ ឃុំ​ដីឥដ្ឋ ស្រុក​កៀនស្វាយ ខេត្តកណ្តាល។​

    ប៉ូលិស​និយាយថា ជនរងគ្រោះ​មាន​គ្នា​ចំនួន​០២​នាក់ ១-​ឈ្មោះ ធី សុ​ផា​រាជ ភេទ​ប្រុស​ អាយុ​១៥​ឆ្នាំ​(​ខ្មែរ​) មាន​ទំ​លំនៅ​ភូមិ​កណ្តាល​លើ ​ឃុំ​បន្ទាយដែក​ ស្រុក​កៀនស្វាយ​ ខេត្តកណ្តាល​មុខរបរ​សិស្ស, ២-​ឈ្មោះ​ធី  សុផារ៉ា​ឌី ភេទ​ប្រុស​អាយុ ២១​ឆ្នាំ​(​ខ្មែរ​)​មាន​ទីលំនៅ​ភូមិ​កណ្តាល​លើ ​ឃុំ​បន្ទាយដែក ​ស្រុក​កៀនស្វាយ​ ខេត្តកណ្តាល​មុខរបរ​សិស្ស។

    ចំណែក​ភាគី​ជនល្មើស​៣​នាក់​ឃាត់ខ្លួន​គឺ​១-​ឈ្មោះ​ យឹម ពុទ្ធិ ភេទ​ប្រុស ​អាយុ​១៩​ឆ្នាំ​(​ខ្មែរ​)​ មាន​ទីលំនៅ​ភូមិ​ពពាលខែ​២​ឃុំ​ដីឥដ្ឋ ​ស្រុក​កៀនស្វាយ​ ខេត្តកណ្តាល​មុខរបរ​សិស្ស, ២-​ឈ្មោះ គង់ មករា ភេទ​ប្រុស ​អាយុ​១៧​ឆ្នាំ​(​ខ្មែរ​)​ មាន​ទីលំនៅ​ភូមិ​ដីឥដ្ឋ​កោះ​ផុស​៣​ ឃុំ​ដីឥដ្ឋ ​ស្រុក​កៀនស្វាយ​ខេត្តកណ្តាល​មុខរបរ​សិស្ស​ និង​៣-​ឈ្មោះ យុន វិធុ​ន អាយុ​១៨​ឆ្នាំ មាន​ទីលំនៅ​ឃុំ​ដីឥដ្ឋ ស្រុក​កៀនស្វាយ ខេត្តកណ្តាល​ និង​ប​ក្យ​ពួក​ជាច្រើន​នាក់​ទៀត​មិន​ស្គាល់ឈ្មោះ​គេចខ្លួន​។​

    ប៉ូលិស​បន្តថា នៅ​ថ្ងៃខែ​ឆ្នាំ​វេលា​ម៉ោង​កើតហេតុ​ខាងលើ​ជនរងគ្រោះ​កំពង់តែ​ឈរ​ជជែក​គ្នា​នៅក្រោម​ដើមឈើ​ធំ​មួយ​ស្ថិតនៅក្នុង​បរិវេណ​វិទ្យាល័យ​ជ័យ​វ​រ្ម័នទី​៧​ស្រាប់តែ​ជនល្មើស​រួម​នឹង​បក្សពួក​បានមក​ព្រួត​គ្នា​ដាល់​លើ​ជនរងគ្រោះ​ដោយ​ដៃ​បណ្តាលឱ្យ​ជនរងគ្រោះ​ទទួលរង​របួស​។​ ចំណែកឯ​ជនបង្ក​ទាំង​៣​នាក់​ត្រូវបាន​កសាង​សំណុំរឿង​ចាត់ការ តាម​នីតិវិធី​ច្បាប់៕

 

adverise with khmeread

មតិយោបល់