adverise with khmeread  90813289 aguero mom getty

Aguero ស៊ុត​បាល់​ប៉េ​ណា​ល់​ទី​អត់​ចូល ២ គ្រាប់ កុំ​អី​បាន ៥ គ្រាប់​ម្នាក់ឯង​ក្នុងជំនួប​ជម្រុះ Champions League យប់មិញ​

    ​Sergio Aguero រកបាន​គ្រាប់​បាល់ Hat-trick ខណៈដែល​ក្រុម​មេឃ​ខៀវ Manchester City បាន​វាយ​សំពង​យ៉ាង​ចាស់ដៃ​ទៅលើ​ម្ចាស់ផ្ទះ Steaua Bucharest ក្នុង​ជើង​ទីមួយ​នៃ​វគ្គ​ជម្រុះ Champions League កាលពី​យប់​ថ្ងៃ​អង្គារ​។​

​    ​Aguero ក៏បាន​ខកខាន​ឱកាស​ស៊ុត​បញ្ចូល​ទី​បាល់​ប៉េ​ណា​ល់​ទី​ចំនួន​ពីរ​គ្រាប់​ផងដែរ ដែល​គ្រាប់​បាល់​ដំបូង​ត្រូវ​ជួយ​សង្គ្រោះបាន និង​គ្រាប់​ទី​ពីរ​ហើរ​ទៅលើ​នៅ​តង់​ទីមួយ​។​

​    ​David Silva បាន​បើកឆាក​នាំ​មុខជា​បណ្តោះអាសន្ន​នៅ​នាទី​១៣ មុនពេល​ដែល Aguero សម្រេច​គ្រាប់​បាល់​ដំបូង​របស់ខ្លួន​ដែល​ធ្វើឱ្យ​ឈានដល់​លទ្ធផល ២-០ នៅ​តង់​ទីមួយ និង​បន្ថែម​បាន​ពីរ​គ្រាប់​បន្ថែមទៀត បន្ទាប់ពី Nolito បាន​ស៊ុត​គ្រាប់​បាល់​ទី​បី​សម្រាប់​មេឃ​ខៀវ​នៅ​តង់​ទី​ពីរ​។​

​    ​ជើង​ទី​ពីរ​ក្នុង​ទឹកដី​ក្រុម Manchester City នឹងធ្វើ​ការប្រកួត​នៅ​ថ្ងៃ​ពុធ ទី​២៤ សីហា ខាងមុខ ដែល​អ្នកទទួល​ជ័យជម្នះ​នឹងមាន​ឱកាស​ឆ្លងទៅ​វគ្គ​ចែក​ពូ​ល​តែម្តង​៕

 

adverise with khmeread
ប្រភព៖ BBC

មតិយោបល់