adverise with khmeread Jackie

Jackie Chan នៅតែសម្តែងឈុតគ្រោះថ្នាក់ បើទោះបីជាឈានចូលវ័យ៦២ឆ្នាំ

          ប្រាកដណាស់ អាយុ​គ្រាន់តែជា​ចំនួន​លេខ​ប៉ុណ្ណោះ សម្រាប់​តារា​ក្បាច់គុន ហុងកុងដ៏ល្បីល្បាញ Jackie Chan បើទោះបីជា​លោក​ឈាន​ចូល​វ័យ៦២​ឆ្នាំ​នៅ​កាលពីខែមេសា​ឆ្នាំនេះ​ក៏ដោយ​ ក៏លោកនៅតែបន្ត​សម្តែង​ឈុត​គ្រោះថ្នាក់​ដោយ​ខ្លួន​ឯងដដែល​នៅ​ក្នុង​ភាព​យន្ត​បែបវាយតប់។

          ថ្មីៗបំផុត​ តារា​ភាព​យន្ត​​ក្បាច់គុន​រូបនេះ​បានធ្វើ​ឲ្យ​មជ្ឈ​ដ្ឋាន​អ្នក​ប្រើ​ប្រាស់​ប្រព័ន្ធអ៊ីនធើណិត​ភ្ញាក់ផ្អើល​ នៅពេល​គេបង្ហោះវីដេអូឃ្លីបមួយ​បង្ហាញ​​សកម្មភាព​ថតឈុត​វាយ​តប់​របស់លោក​នៅលើ​កំពូល​សាល​ Sydney Opera House ។

          នៅក្នុងរូបភាព​វីដេអូកាលពីថ្ងៃទី​៣​ខែសីហា​ គេឃើញ​ Jackie ប្រយុទ្ធ​គ្នា​ជា​មួយ​តារាស្រីអូស្ត្រាលី Tess Haubrich នៅកម្ពស់​៦៧​ម៉ែត្រ​ពី​លើ​សាល Sydney Harbour ។ តារា​សម្តែង​ទាំងពីរ​មើលទៅហាក់ដូចជា​អត់ពាក់ខ្សែការ​ពារ​ទេនៅ​ពេល​នោះ។

 

          តារា​ហុងកុង​ជើងចាស់រូបនេះ​ហាក់ដូចជា​មិនតក់ស្លុត​នឹង​កម្ពស់​របស់​អាគារ​នេះទេ ហើយ​គេឃើញ​គាត់សើច​យ៉ាងសប្បាយ​និង​ថតរូបពេល​ខ្យល់​បក់​មកផងដែរ៕

 

adverise with khmeread
ប្រភព៖ Daily Mail

មតិយោបល់