adverise with khmeread 36ijmzpjlt8a785c25fa7de6e820 3744352 iran s behdad salimikordasiabi argues after the men s 105kg weig a 1 1471475742275

ប៉ូលិស​បង្ក្រាប​កុបកម្ម​ចូលមក​ចាំ​ការពារ​សុវត្ថិភាព​ពេល​ចៅក្រម​ដាក់ពិន្ទុ​អ៊ីរ៉ាក់​កាត់សេចក្តី​លើ​កីឡាករ​អ៊ីរ៉ង់​

    ​កាលពី​ថ្ងៃ​ពុធ ប៉ូលិស​បង្ក្រាប​កុបកម្ម​ត្រូវបាន​ហៅ​ឱ្យមក​កាន់ការ​ប្រកួត​លើក​ទម្ងន់​វគ្គ​ផ្តាច់ព្រ័ត្រ នៅពេល​កីឡាករ​អ៊ីរ៉ង់​ដែល​រំពឹង​ឈ្នះ​ខ្ពស់​នោះបាន​ចាញ់​ការប្រកួត ហើយ​ភាព​តានតឹង​ក៏បាន​ផ្ទុះឡើង​យ៉ាងខ្លាំង​។​

​     ម្ចាស់​ការពារ​តំណែង​ជើងឯក​អ៊ីរ៉ង់ Behdad Salimikordasiabi ដែល​គេ​ស្គាល់​ថា "Salimi" និង "Iranian Hercules" បាន​ប្រឆាំង​តវ៉ា​ក្រុមមន្ត្រី​ដាក់ពិន្ទុ បន្ទាប់ពី​ពួកគេ​សម្រេច​ថា​ដៃ​ឆ្វេង​របស់គាត់​មិន​ត្រង់ ដូច្នេះ​មិនអាច​យកជាការ​បានទេ​។​

​    ​គ្រូបង្វឹក​លោក Sajjad Anoushiravani បាន​និយាយថា "​មានការ​សមគំនិត​គ្នា​។ សត្រូវ​របស់​យើង​មក​ធ្វើជា​ចៅក្រម​ដាក់ពិន្ទុ​ទៅវិញ​"​។ គាត់​និយាយ​នេះ​គឺ​សំដៅលើ​ជនជាតិ​អ៊ីរ៉ាក់​ដែល​គេ​ជ្រើស​មក​ធ្វើជា​ចៅក្រម​ដាក់ពិន្ទុ​។ 

​    ​លោក​បន្ថែមថា "​នេះ​ច្បាស់​ណាស់​គឺ​ពួកគេ​បាន​យក​មេដាយ (​មាស​) ពី Salimi​។ ចៅក្រម​ដាក់ពិន្ទុ​ត្រូវគេ​ជ្រើសរើស​រួចជាស្រេច​ដើម្បីឱ្យ​រឿងនេះ​កើតឡើង​"​។ 

​    ​គួរ​បញ្ជាក់ថា Salimi ជា​ម្ចាស់​មេដាយមាស​អូឡាំពិក​ក្រុង​ឡុង​ដ៍ និង​បាន​បំបែក​កំណត់ត្រា​ពិភពលោក​ដ៏​អស្ចារ្យ​ផងដែរ​។ 

​    ​Salimi គិតថា​រូបគេ​លើក​ទម្ងន់ ២៤៥ គីឡូក្រាម​ផុត​ក្បាល​ជោគជ័យ​ទៅហើយ ប៉ុន្តែ​អាជ្ញាកណ្តាល​បានប្រកាស​ពិន្ទុ​តាម​ចៅក្រម​ថា ដៃ​ឆ្វេង​របស់ខ្លួន​មិន​ត្រង់ ដូច្នេះ​ក៏​សម្រេច​ឱ្យ​កីឡាករ​ហ្ស​ក​ហ្ស៊ី​ឈ្មោះ Lasha Talakhadze ឈ្នះ​មេដាយមាស​ជំនួស​វិញ​។​

​    ​អ្នកគាំទ្រ​អ៊ីរ៉ង់​នាំគ្នា​ស្រែក​ចំអក​ឱ្យ Lasha Talakhadze លាន់​ទ្រហឹង​ពេញ​ទីលាន​ប្រកួត ហើយ​បរិយាកាស​មើលទៅ​គឺ​តានតឹង​បំផុត  រហូតដល់​ថ្នាក់​មន្ត្រី​ត្រូវ​សម្រេចចិត្ត​ហៅ​ប៉ូលិស​បង្ក្រាប​កុបកម្ម​ចូលមក​ថែរក្សា​សន្តិសុខ​៕

adverise with khmeread
ប្រភព៖ Daily Mail

មតិយោបល់