adverise with khmeread Nintchdbpict000259586488

ហេតុអ្វី​បានជា​កីឡាករ​កូរ៉េខាងជើង​នេះ​ឈ្នះ​មេដាយមាស​ហើយ​ធ្វើ​មុខស្រពោន​និង​អស់សង្ឃឹម​ម្ល៉េះ​?

    ​កីឡាករ​កូរ៉េខាងជើង​បានធ្វើឱ្យ​ទស្សនិកជន​បារម្ភ​ព្រោះ​មិនបាន​ញញឹម​សូម្បី​បន្តិច​បន្ទាប់ពី​ដណ្តើមបាន​មេដាយមាស​កាលពី​ថ្ងៃ​ពុធ​។​

​    ​តើ​វា​ជា​អារម្មណ៍​រំភើប​និយាយ​មិន​ចេញ​ដែល​ឈ្នះ​មេដាយមាស​ទី​បី​សម្រាប់​កូរ៉េខាងជើង ឬ ដោយសារ​ព្រួយបារម្ភ​រឿង​ផ្សេង​? 

​    ​បន្ទាប់ពី​សម្តែង​ការ​លោត​បង្វិល​ច្រើន​ជុំ​យ៉ាង​អស្ចារ្យ​រួចមក Ri Se-Gwang បាន​ឈរ​នៅ​កំពូល​តារាង​ប្រកួត​ផ្តាច់ព្រ័ត្រ ដោយ​យកឈ្នះ​កីឡាករ Denis Ablyazin របស់​រុស្ស៊ី​។ ទោះបី​កីឡាករ​កូរ៉េខាងជើង​រូបនេះ​ដាល់​ខ្យល់​ដោយ​ក្តី​រីករាយ​ក្រោយ​លោត​បង្វិលខ្លួន​ច្រើន​ជុំ ប៉ុន្តែ​គាត់​មើលទៅ​រាង​អស់សង្ឃឹម​បន្តិច អំឡុងពេល​ទទួល​មេដាយមាស​។ 

​    ​ខណៈ Ri Se-Gwang ពិបាក​នឹង​ទប់ទឹក​ភ្នែក​ជាប់​នោះ គាត់​បាន​ឡើងលើ​វេទិកា​ដើម្បី​ច្រៀង​បទ​ភ្លេងជាតិ​របស់គាត់​។ 

​    ​បន្ទាប់ពី​ឈ្នះ​មេដាយមាស រូបគេ​បាន​និយាយ​ទៅកាន់​អ្នកយកព័ត៌មាន​យ៉ាង​ដូច្នេះ "​ខ្ញុំ​ពោរពេញ​ដោយ​ក្តី​រីករាយ ព្រោះ​ខ្ញុំ​គិតថា ខ្ញុំ​អាច​នាំ​អារម្មណ៍​ជ័យជម្នះ​ជូន​មេដឹកនាំ​របស់​យើង​"​។ 

​    ​ខណៈ​អារម្មណ៍​របស់ Ri Se-Gwang អាច​បណ្តាលមកពី​ភាពជោគជ័យ​ដ៏​ត្រចះត្រចង់​នោះ ទស្សនិកជន​ជាច្រើន​បាន​លើ​ឡើង​ពី​ទ្រឹស្តី​មួយ​ទៅវិញ​។ 

​    ​អ្នកគាំទ្រ​កីឡា​មួយចំនួន​ចូល​តាម​បណ្តាញ​សង្គម​អះអាងថា ប្រតិកម្ម​របស់គាត់​គឺ​ឆ្លុះបញ្ចាំង​ពី​ការ​អស់សង្ឃឹម​នឹង​របប​ដឹកនាំ​របស់​គីម ជុង​អ៊ុន​។ 

​    ​អ្នកលេង Twitter មួយរូប​បាន​និយាយថា "​មាន​អារម្មណ៍​អាណិត​ណាស់ ដែល​មើលឃើញ​ទឹកមុខ​របស់ Ri Se Gwang បញ្ចេញ​ពេល​ឈ្នះ​មេដាយមាស​"៕

adverise with khmeread
ប្រភព៖ TheSun

មតិយោបល់