adverise with khmeread 1

បាត់​ភ្ញៀវទេសចរ​ម្នាក់​យ៉ាង​ចម្លែក​ក្នុង​រូងភ្នំ​ខេត្ត​ឈៀង​រ៉ៃ​

    ​ក្រុម​រុករក​កំពុង​តាម​ស្វែង​រកមើល​ក្នុង​រូងភ្នំ​ដ៏​ជ្រៅ​ក្នុងព្រៃ​មួយ​នៅ​ស្រុក​មែ​សៃ (Mae Sai) បន្ទាប់ពី​អ្នកទេសចរ​ម្នាក់ ដែល​គេ​ជឿថា​អាចជា​ជនជាតិ​ចិន​ឬ​ជប៉ុន បាន​ចូលទៅ​ក្នុងនោះ​អស់​មួយ​សប្តាហ៍​មកហើយ​ដើម្បី​តាំងសមាធិ ប៉ុន្តែ​មិនបាន​វិលត្រឡប់​មករក​កង់រ​បស់​គាត់​វិញ​ទេ​។ នេះ​បើតាម​វេ​ប​សាយ Bangkok Post ចេញផ្សាយ​ថ្ងៃទី ១៨ សីហា​។ 

​    ​ប៉ូលិស មន្ត្រី​ឧទ្យាន និង ក្រុម​អ្នក​សង្គ្រោះ​ស្ម័គ្រចិត្ត​មកពី​ទីភ្នាក់ងារ​ផ្សេងៗ​បាន​រួមគ្នា​ស្វែងរក​បុរស​បាត់​ខ្លួន ដែល​គេ​ជឿថា​មាន​អាយុ​ចន្លោះ ៥០ ទៅ ៦០ ឆ្នាំ​។ ពួកគេ​បាន​រុករក​មើល​ជ្រៅ​នៅក្នុង​រូងភ្នំ​សៃ​ថោង (Saithong) ជា​រូងភ្នំ​មួយ​ក្នុងចំណោម​រូងភ្នំ​ជាច្រើន​នៅក្នុង​ព្រៃ Tham Luang-Khun Nam Nang Non ក្នុង​តំបន់​ប៉ុង​ប៉ា (Pongpa)​។ 

​    ​មេ​ប៉ូលិស​ស្រុង​មេ​សៃ លោក​វរសេនីយឯក Songkrit Ontrakrai បាន​និយាយថា លោក​បាន​បញ្ជា​ឱ្យធ្វើ​ការស្វែងរក បន្ទាប់ពី​អ្នកស្រុក និង​អ្នកលក់​វត្ថុ​អនុ​វស្សា​វ​រី​យ៍​បាន​ជូនដំណឹង​ទៅ​មន្ត្រី​ឧទ្យាន​ថា បុរស​ម្នាក់​បាន​ចូលក្នុង​រូងភ្នំ​កាលពី​ថ្ងៃទី ១២ ខែសីហា និង​ពុំបាន​វិលត្រឡប់​មកវិញ​ទេ​។ 

​    ​បុរស ដែល​និយាយ​ភាសា​ថៃ​ប៉ៃឡាំ​រូបនេះ បាន​ចត​កង់​របស់គាត់​នៅក្រោម​ដើមឈើ​ក្បែរ​តូប​លក់​អីវ៉ាន់​មួយ និង​សុំឱ្យ​អ្នកលក់​ជួយ​មើល​កង់​នោះ​ផង​ព្រោះ​គាត់​ចូលទៅ​រូងភ្នំ​ដើម្បី​តាំងសមាធិ​បី​បួន​ថ្ងៃ​។ 

​    ​អ្នកទេសចរ ដែល​ស្ពាយ​កាបូប​ក្រោយខ្នង​រូបនោះ មិនបាន​បង្ហាញខ្លួន​វិញ​ទេ ដូច្នេះហើយ​ទើប​មន្ត្រី​ឧទ្យាន​ជូនដំណឹង​ទៅ​ប៉ូលិស​ឱ្យជួយ​ស្វែងរក​គាត់​។​

​    ​ពួក​អ្នករុករក​បាន​ចូល​រូងភ្នំ​នោះ​ជម្រៅ​ប្រមាណ ៨០០ ម៉ែ​ត្រកាល​ពីថ្ងៃ​ព្រហស្បតិ៍​ប៉ុន្តែ​នៅតែ​មិនអាច​រក​គាត់​ឃើញ​៕

​ប្រភព​៖ bangkokpost 

adverise with khmeread

មតិយោបល់